SHILIO 2:20 - Bibilia Kui Mdedie fo Kimochi

²⁰ Keambuyawo hoi Mndumii-Ruwa uwone! Ngesa na kuwodese mndu ulememmbutia ishi uleluwutia so? Handu waka walelya wana wawo? Na itane wakohanyi wahenda iwohiyo hekalunyi lyapfo?

SHILIO 2:20 Iomraidhean Croise

2MBONYI TSA MAHERI 36:17

Koikyo Mndumii-Ruwa kawaendie mangi o Wababuloni, sa alerumatsa wanake wawo ko oshu ma walya wawekeri mbenyi ya Mndumii-Ruwa. Alewonyia mndu ma umu osaṟio-pfo; mmeku ang'u mtutu, mndu mka ang'u msoṟo, msa aluo ma sa alaweluo. Mndumii-Ruwa nalewawika wose mawokonyi ha mangi Nebukadneza.

SHIIMBO SHA DAWIDI 78:64

Wakohanyi wawo wakaolotso nyi oshu, manya wakusu wawo walakuidie.

IWUKA 32:11

Mose katerewa mnu Mndumii-Ruwa, Ruwa oke kechihamba Mndumii-Ruwa, nki ili nyashi yapfo yaakya wanduwa wapfo ulewawuta kulya Misri, kui wuidimi wung'anmyi na kui owoko luwode pfinya?

YESAYA 22:2

Iyo uichuo kifahio, Mṟi fo kipfulupfulu, mṟi fuwode sia; Wandu wapfo walewoho walalewoho na oshu, Manya walepfiia shidenyi-pfo.

YEREMIA 19:9

Njechiwatikiria walye nyama ya wana wawo, na ya wana wa waka wawo. Nawo wechilya nyama ya orio mndu na mbuya yake kiheri kya kiwi, walya wai wakituwa wawo wandu walya waishiha moo yawo wawaendie fowa.’

YEREMIA 21:7

Numa ya isho Mndumii ahamba, njechiwika Sedekia mangi ya Yuda na waṟundi wake na wandu wose waletsuhaa kiidi kya mṟi fu numa ya ndaṟe iya ya makokoi na oshu na njaa kiidi kya owoko lo Nebkadireza mangi ya Babeli, na kiidi kya mawoko ha wakituwa wawo, na kiidi kya mawoko ha wandu walya waishiha moo yawo, wechiwawaha kui oshu echiwalekia, ma iwasaṟia ma iwaichio wukiwa pfo.’”

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

SHILIO 1:19

“Ambuya nyi njilelaha wakunde wako, kyaindi wakanjilehia. Wakohanyi wako na wameku wako, nyi walepfiiya mṟinyi, wechipfula kelya, kundu kiwawihiṟiye moo.

SHILIO 4:10

Ngapo iya ilechea wandu wako ilewakangaṟitsa, ma chandu waka wawode mrima fo isaṟia, nyi walekoṟa wana wawo wawenyi wakawalya kiheri kyo ngapo ing'anyi ilewakoya.

SHILIO 4:13

Ikyo nyi kilehendeka kido cha kipfa waikimbi nyi waledeko, na wakohanyi nyi walepusuo samu ya wandu walawode mti alya mṟinyi.

SHILIO 4:16

Mndumii-Ruwa kawarahanyitsa oo amonyi; alakihendelie se wakohanyi na wanene wadu.

EZEKIELI 5:10

Koikyo wafee wa Yerusalemu nyi wechilya wana wawo na wana wechilya wafee wawo. Nyi wudo njechimuhoṟuo. Iwo wechitsuhaa njechiwarahanyitsa wahende ipfo na ipfo wuyanenyi kose.

EZEKIELI 9:7

Kawawia, “Fanyitsenyi hekalu li mochiliichuṟa mnying'a ya iwo mochiwawaha. Kurenyi, muhende.” Nawo wakahenda ikapa wose kiidi kya mṟi fulya.

WALEWI 26:29

Nlyondi mochilya wana wanu wa kiumi na wa kika.

NGUMBUO YA MAWAWASO 9:26

Njileterewa Mndumii-Ruwa njechihamba. “Hoi Mndumii-Ruwa, kularumatse wanduwa wapfo na kioṟa kyapfo, wandu kulewatalaa na iwawuta orukenyi lo Misri kui wuidimi na pfinya yapfo ing'anyi.