SHILIO 2:2 - Bibilia Kui Mdedie fo Kimochi

² Mndumii-Ruwa nyi alerumatsa kulawode isaṟia, mba tsose tsa wana wa Yakobo. Kyamba nyi alewunduo njomombo tsose tsa wandu wa Yuda ko nyashi yake. Kyamba nyi alewunduo wumangi wowo na wamangi wake. Kawuolotsa wanda ko sonu.

SHILIO 2:2 Iomraidhean Croise

YOBU 2:3

Mndumii-Ruwa kawia Satana, “Kofia na uichi Mṟundi oko elaho nyi Yobu. O nyi mndu mhoṟotsu, aowoye Ruwa na ikushowa na orio mbaṟi yose ya wuwicho. O nambanzi kiidi kya wuindi na chandu ulemkumba koko kundu njimrumatse kya wulya kulawode tewe.”

SHIIMBO SHA DAWIDI 21:9

Nochiwatana cha nungu ya modo, Kiheri kya nyashi yapfo. Mndumii nyechiwameṟa kui nyashi yake, Na modo fochiwakomba.

SHIIMBO SHA DAWIDI 74:7

Wakakoṟa modo halya haele hapfo; wakafanyitsa ngafu kifumbi kyapfo na rina lyapfo.

YESAYA 22:5

Kipfa mkonu fo wukiwa, mkonu fochumochumo, mkonu fo kilafumbi fukeri icha fuwukie ko Mndumii, Mndumii menyi Matoṟito, kiidi kya pichi lya shiwonesio; iwunduo njomombo, na ifihiṟia mafumvu.

YESAYA 23:9

Mndumii menyi Matorito nyio aleanduo iki, kundu nanyamaṟe orikiki lo kiṟumi kyose, na isutsa wandu wa wuyana wose piu.

YESAYA 25:12

Na oṟiho lui mikare naluhongomtsa, na ilulaṟa wanda, kalukumba wanda itane terinyi.

YESAYA 26:5

Kipfa nasotsie wawei huye, Mṟi fulya fuwei kuiriie nafusotsa, Nefusotsa mṟasa wanda, nefuende mṟasa kilulinyi.

YESAYA 27:11

Maṟamba hakauma hechifunjo; waka wechicha wahakoṟe modo; kipfa iwa chi wandu wawode wuṟango-pfo; kui kipfa ikyo, ichu alewawumba echiwasaṟiapfo, na ichu alewawika echiwahoṟia pfo.

YESAYA 43:28

Ko ikyo ngaleha walya weṟundia halya haele, ngasehia Yakobo nakapo kishikie, ngaweleka Israeli narumo.’”

YESAYA 47:6

Njiwesuuye wandu wako, ngafanyitsa ngafu kyoṟa kyako ngawawika mawokonyi hapfo; iyo ulewasaṟia-pfo; noledika wameekuṟio lyapfo, lilemeri mnu.

YEREMIA 13:14

Njechiamtsa kiletsano kya mndu na odoe, ee nde o wandu, wana na wafee handu hamu. Mndumii ahamba; njechiwasaṟia-pfo ma ihoṟia ma iwaichio wukiwa njide njilawarumatsa.’”

YEREMIA 19:15

“Mndumii Menyi Matorito Ruwa o Israeli nahamba adi, ‘Ambuya njechiendie mṟi fu na shihongo shafo mawicho halya hose njilededa kipfa kyafo, kipfa waumiṟa nzingo tsawo kundu walaadanyie madedo hako.’”

YEREMIA 21:7

Numa ya isho Mndumii ahamba, njechiwika Sedekia mangi ya Yuda na waṟundi wake na wandu wose waletsuhaa kiidi kya mṟi fu numa ya ndaṟe iya ya makokoi na oshu na njaa kiidi kya owoko lo Nebkadireza mangi ya Babeli, na kiidi kya mawoko ha wakituwa wawo, na kiidi kya mawoko ha wandu walya waishiha moo yawo, wechiwawaha kui oshu echiwalekia, ma iwasaṟia ma iwaichio wukiwa pfo.’”

YEREMIA 5:10

“Doyenyi omombohu loke muwunduo na inyamaṟa, kyaindi mulanyamaṟe mumarise pahuonyi maṟamba halyo, kipfa hai ha Mndumii-pfo.

SHILIO 2:17

Kyamba Mndumii-Ruwa nyi awuta kilya awekusirie, nyi aawutsia shilya awehambie, chando aweikusirie wokia mboko, cha kipfa nyaṟumatso kulawode osaṟio lose; nyi ainenga wakituwa wachihiyo kipfa kya ngapo yapfo, kyamba nyi aṟumisha ngohoda tsa wakituwa wapfo.

SHILIO 2:21

Mnying'a ya wanake na wameku ilee terinyi ipfo njiehu, wana wako wa kika na wa kisoṟo nyi walewoho ko oshu; ambuya nyi ulewaha kulawode isaṟia mkonu fulya fo nyashi yapfo.

SHILIO 2:5

Mndumii-Ruwa nyi alehaluka mkituwa, Kyamba nyi alerumatsa wandu wa Israeli; Kawewunduo mba tsake tsose, kawewunduo njotiṟiwa tsake, Kaweengeṟia wana wa Yuda kilio na shilio.

SHILIO 3:43

Nyi ulewado nyi nyashi koluosha, koluwaha kulawode osaṟio.

EZEKIELI 5:11

Mndumii-Ruwa chu ai na moo, ichu ulefanyitsa hekalu lyake na mawuto hapfo hafanyi na mchumie fopfo mbicho nechikukapa manya riso lyake lyechikulilia ma ikusaṟia pfo.

EZEKIELI 7:4

Ambuya njechikudapfo, manya ikuwonyia wukiwapfo, nyi kipfa njihenda ikukapa kya mawicho hose hakeri kiidi kyapfo, na nyilyo mandi mochimanya ke inyi nyi Mndumii.

EZEKIELI 7:9

Ambuya riso lyako lyechikukiṟapfo manya njechikusaṟia pfo, njechikukapa sumuhana na njia tsapfo kyamba wuwicho wopfo wukeri kiidi kyapfo. Nahong'u mumanye ke inyi nyi Mndumii na njekekapa (njekewuwuya wanyamaṟi).

EZEKIELI 8:18

Ko kipfa kya ikyo, nyashi yako yechiwasokia, manya riso lyako lyechiwaliliapfo, manya njechiwasaṟia pfo ma kokoya wechicha ifihiṟia madunyi hako, njechiwaadanyiapfo.”

EZEKIELI 9:10

Kyaindi inyi njewaichio wukiwa ma iwasaṟiapfo, njechiwataa kya isho shose walewuta.”

MIKA 5:14

Kwi nyashi na isukio lyako, njechitaa kiṟache mkambo yose ilanjiindia.”

MALAKI 1:4

Ma chandu Edomu ahamba ke, luiwapaṟe-paṟe, lochiwuya luhende isungusia handu kuledeo mrapu; Mndumii Menyi Matoṟito nahamba adi, “Wo nyi wechiwika mba, kyaindi inyi njechiiwunduo.” Wandu wechimulaha, “Isanga liwicho sa Mndumii-Ruwa alisuo mlungana.

MATAYO 18:33

A iyo chi kiwewekusumuhanye isaṟia isinga odoo na chando inyi ngawekusaṟya iyo?

2 WAKORINTO 10:4

Kyamba shisha sha ngapano yadu shilakeri sha kiwandu, kya indi shii-shiwikye pfinya nyi Ruwa yewunduo mṟi mikare lochiwunduo mloshye ya kiwandu.

NGUMBUO YA MAWAWASO 28:52

Wanduwo wechimutengetia ipfo mṟinyi yanu yose, tane njomombo tsa mfiṟiha yanu muikusirie yawunduyo wanda orio handu ipfo orukenyi muleinengo nyi Mndumii-Ruwa, Ruwa onu.

NGUMBUO YA MAWAWASO 32:22

Nyashi yako yechiaka cha modo, yechikoṟa tane shi ko waṟumu, yechirumatsa wuyana na shose shiipfo, yechikora omombo lo mafumvu.