SHILIO 2:14 - Bibilia Kui Mdedie fo Kimochi

¹⁴ Waikimbi wapfo nyi walekuendie wuikimbi wo kulemba, Kyamba walekutambaṟuya necha wuwicho wopfo kundu uidime ikualachapfo, kyaindi nyi walekuendie mbonyi tsa wongo na tsekudetsa.

SHILIO 2:14 Iomraidhean Croise

YESAYA 58:1

Mndumii-Ruwa ahamba, “Poṟohoṟa ma kulade. Iria ṟu cha mokapa iranda; Ongoya wandu wako deko lyawo, na mba ya Yakobo wunyamaṟi wowo.”

YEREMIA 2:8

Wakohanyi walehamba, “Oku Mndumii-pfo;” Manya wa kanyi walenjimanyapfo, walisi wakanjida, waikimbi wakahalukia Baali wakaikimba kyake, wakaosha mbonyi tsa wulya.

YEREMIA 20:6

Na iyo Pashuri na wandu wose wa mba yapfo, mochihenda wusingenyi na iyo nochishika Babeli, napfo ochipfia na iṟiko, iyo na mbuya tsapfo ulewaikimbia madedo ha wongo.”

YEREMIA 23:22

Indi kokoya walehoṟoka mengenyi yako le, wawechimanyishia wandu madedo hako, na iwahalutsa wade mawuto hawo mawicho, na njia tsawo njiwicho.

YEREMIA 23:36

Na mhanda fo Mndumii mochifusendasepfo, kipfa orio idedo lya mndu ulya lechiwa mhanda foke, kipfa nyo modetsa idedo lya Ruwa ai na moo, Mndumii menyi Matorito, Ruwa odu.

YEREMIA 28:15

Nlyo mwikimbi Yeremia kawia mwikimbi Hanania, “Adanyia wulalu o iyo Hanania Mndumii alekudumapfo kyaindi nuwia wandu madedo ha wongo.”

YEREMIA 29:21

Mndumii-Ruwa Menyi matorito, Ruwa o Israeli nahamba adi ko Ahabu, mana o Kolaya, na kya Zedekia mana o Maasea, walemuikimbia wongo ko rina lyake. “Njechimudambika mawokonyi ha Nebukadneza, mangi ya Babiloni, nao nechimuwaha mochiwona na meso hanu muwenyi.

YEREMIA 37:19

Weku waikimbi walehamba, “Mangi ya Babeli echikusaṟikia iyo ma orukalu pfo?

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

SHILIO 4:13

Ikyo nyi kilehendeka kido cha kipfa waikimbi nyi waledeko, na wakohanyi nyi walepusuo samu ya wandu walawode mti alya mṟinyi.

EZEKIELI 13:22

Kyamba kui wongo yanu nyi muleendie wandu wa wasumhanyi fowa njilawekundi waiwone, mukawekarisha wawicho waengeṟe iwichuo kundu waladumbuye wahende iashuo mrima yawo.

EZEKIELI 22:25

Wanene wanu wafananyi na miiso tsirongona ili tsiwode kindo madumbunyi hatso. Kyamba wekewaha wandu, wakawesoka wandu masaa hawo, wakaengeṟa waka wakusu orukenyi.

EZEKIELI 22:28

Waikimbi wawo washikia kilya kiidi kya lohi cha ili mndu aishia chokaa omombo lunyamaṟikie. Wechionguo ndodo tsa wongo na iikimba wongo wechihamba, ‘Mndumii-Ruwa nahamba adi'; Kyaindi ko ora loko ngamehambe kindopfo.

EZEKIELI 23:36

Mndumii-Ruwa nalenjiwia, “Iyo mndu oidima iwaanduya Ohola na Oholiba? Kyasiang'u waongoye kya mawuto hawo mawicho hawichuṟie.

HOSEA 9:7

Mfiri ya ngapo yameafukia, na mfiri yetaa kiṟache yameafukiada, Waisraeli kimbaṟi mumanye mkonu fo; ambuya nyi mokehamba miikimbi nyi tondo, na ichu asongoyo nyi mumuyo nyi msuko; nyi mokehamba mudo kifpa kya mawicho hanu hang'anyi, na kipfa kya kituwa kyanu king'anyi.

MIKA 2:11

Kokoya kuwemewuka mndu kadeda madedo ha wongo na ha wulya kahamba; ‘Ngaende wuikimbi, ke mochiwona mvinyo na wari sa wufoi,’ ichu moonguo nechikundo nyi wandu wa.

MIKA 3:8

Kyaindi ko ora loko, njiichuo pfinya na mumuyo fo Mndumii-Ruwa, nanjitaramie imanya mbonyi tsa wulohi, ngawewada pfinya njiongoye, wa oshari lo Yakobo ideko lyawo, na oshari lo Israeli wunyamaṟi wowo.

SEFANIA 3:4

Waikimbi wake nyi wandu wafafa, walembi; wakohanyi wake walefanyitsa ngafu handu haele, wakahaluo wuwawaso wunyamaṟi.