SHILIO 1:9 - Bibilia Kui Mdedie fo Kimochi

⁹ Ngafu yake nyi ilewono na pata, indi wo walasaṟe kya mtsitsionyi fofo. Ioloka lyake nyi lyiweng'anyi mnu; kulakaepfo msa echiidima iwawihiṟiya moo. Wakahamba; “Keambuyawo wo hoi Mndumii-Ruwa maturo hako, kyamba mkituwa oko nyio awa mbinzi.”

SHILIO 1:9 Iomraidhean Croise

2SAMWELI 16:12

Kofia Mndumii-Ruwa, nechiwona mawina hako, nanjitae ko injisesa, na injitaa wucha ko oseso.

2WAMANGI 14:26

Kipfa Mndumii-Ruwa nalewona wukiwa wung'anyi walelya Waisraeli kipfa kulawewode mndu oose mowatarama.

NEHEMIA 9:32

Hoi Ruwa, Ruwa odu, iyo nyi ui mnene, nyi uoweshiye, nyi ui mwampfinya, iyo nyi okeringa mkundana fopfo, na shiasa shapfo kuwokia kiheri wamangi wa Ashuru wawelutuura, mṟasa inu nyi lui kituurionyi, mangi tsadu, wanene wadu, wakohanyi wadu na waikimbi wadu, waku wadu na wandu wadu wose, nyi waletuuro.

SHIIMBO SHA DAWIDI 119:153

Keambuya matuuro hako, kenjikiṟa kyamba njilehadima iwawaso lyapfopfo.

SHIIMBO SHA DAWIDI 140:8

Hoi Mndumii, kulainenge msaalasumhanyi lango tsake, kulaawutsie mtambo yake, walashike ikuiria huye.

SHIIMBO SHA DAWIDI 25:18

Uambuye wukiwa woko na ngataṟa tsako; Unjihooṟie njonyamaṟo tsako tsose.

SHIIMBO SHA DAWIDI 69:21

Wakanjirutsa wuṟoi wuwe kando kako; na lilya mbei maangari wakanjirutsa nduu.

IWUKA 3:17

Na inyi ngahamba, Njechimudosa kuwuka kiidi kya matuuro ha Misri na imuduo orukenyi lo Mkanaani, na Mhiti, na Mwamori, na Mperizi, na Mhivi, na Myebusi, njechiwaduo orukenyi luichuo maruwa na wuki.

IWUKA 3:7

Mndumii-Ruwa kahamba, “Nkya lohi ngamewona matuuro ha wandu wako wai Misri na inyi ngameicho kieṟeṟo kyawo kipfa kya walya weke wahoṟokia,

IWUKA 4:31

Wandu wakaidikia, na lilya waleicho ke Mndumii-Ruwa nachea wana wa Waisraeli, na ke nalewona matuuro hawo, wakaaramtsa mdo yawo wakaadapfuma.

KOHELETI 4:1

Kyasia ngawona mbonyi tsilawode wuhendeli, shose shekewutika kunu orukenyi, mchenyeṟe ya iwo walewonyio, walawewode mowaadanyia wukiwa na ora lo walya walewonyia kuwewode pfinya indi kuwode mowasaṟia pfo.

YESAYA 3:8

Kipfa Yerusalemu yamewunduyo, Yuda wakaoloka, kipfa madedo hawo na mawuto hawo, hai kihadi na Mndumii mṟasa hasuiṟa meso ha Mndumii.

YESAYA 37:17

Deha kudu kopfo, Mndumii uadanyie; tambaṟuo meso hapfo, Mndumii, uwone, ukeicho madedo ha Senakeribu aledika kundu narume Ruwa menyi moo.

YESAYA 37:23

Nyiu ulemsutsa na imruma? Noiria ṟu lyapfo kou, na iiriya meso hapfo huye? Nko Mwele o Israeli.

YESAYA 37:29

Na kipfa kya irihinyika lyapfo, na kipfa kya makusaṟo hapfo hafoi halenjikoya hakaida na madunyi hako, ambuya njechiwika kalapu yako kiidi kya mbuo yapfo na kimenya kya frasi dumbunyi lyapfo, na inyi njechikuwihiṟa na njia iya iya uleichea.’

YESAYA 37:4

Kofia Mndumii-Ruwa opfo nechiidima iicho madedo ha mnenechu o shida, iha aledumo nyi mangi o Ashuru, mndumii oke, kundu narume Ruwa menyi moo, na Mndumii, Ruwa opfo, nechidedia madedoho alehaicho; kyasia, wika kiterewo kyapfo kipfa kya mtsuhaṟo fuletsuhaa.”

YESAYA 40:2

Hambenyi na mrima fo Yerusalemu, wienyi mṟi fo kui ṟu ling'anyi ke shida yake yamesia, wuwicho woke womedeo; kipfa naleambilia ko owoko lo Mndumii ngapo ngeria kawi ko kipfa kya wunyamaṟi woke wose.

YESAYA 47:7

Kohamba, “Inyi njechiwa mkeku mlungana;” ma kudo isho kuleshiwika mrimenyi fopfo-pfo, manya ulekumbuo ifurumia lya shindo sho-pfo.

YESAYA 51:19

Shindo shi shiwi shakuhoya; Nyiu echiidima isokyo nyi fowa kyapfo? Uwodo nyi fowa na inyamaṟika, njaa na oshu. Njiidima njida ikukarisha?

YESAYA 54:11

“Iyo umlise wukiwa, kowedao nyi kiwiri-wiri, ulekewa ilemba-lemba ambuya njechiwika maho ha fana njicha na otende kui maho ha wuhuru wung'anyi.

YEREMIA 13:27

Ngamewona wuwicho wopfo, wuṟuhui wopfo, na wulala wopfo, ngafu na wumeluki wopfo, wui huya mafumvu kiidi kya mdemi. Ochia lopfo, Iyo Yerusalemu! Noleha iheṟemtso; mbonyitso nochikaa natso noshike indii?’”

YEREMIA 16:7

Kuwode moinenga ichu ampfie kelyapfo, manya mringa fommbihiṟia moo nanyo kipfa kya ipfiio nyi ndeye angu mae-pfo.

YEREMIA 2:34

Kukawewono na samu ya walya walawode mti ipfo, kilemiyonyi kya nguo tsapfo; Manya njileiwona handu hengi-pfo ma ya wandu wengi-pfo na oo tupu.

YEREMIA 48:26

“Nanzenyi Moabu kipfa nalekudosa oshangunyi loko Inyi Mndumii-Ruwa. Moabu nechisemberere kiidi kya odaiko loke na wandu wechimseka.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

YEREMIA 50:29

“Lahenyi walya welasa na mfi wasaṟikie Babeli; Duonyi orio aichi ikuruo uda. Tengetienyi mṟi kulakae pfo echidicha wokusheṟuo. Taenyi kiṟache kirianyi na mawuto hake hose; muwute chandu mulewutia wengi, kipfa kya orikiki lopfo nyi kulenjimina inyi Mndumii-Ruwa mwele o Israeli.

SHILIO 1:17

“Ambuya njikeri iiriya mawoko hako huye, manya kuwode monjiwihiṟia moo pfo. Mndumii-Ruwa nyio alewuta wuwawaso ado kyako inyi Yakobo, wamṟasa wako wawe wakituwa wako, Ee, inyi Yerusalemu nyi ngawa kindo kidaa kowo.

SHILIO 1:21

“Keambuyawo chando njikeri isumukia; kulawoneke monjisaṟia. Wakituwa wako nyi waleicho mawukiwa hako. Wakachihiyo kipfa kya ili ulenjiidikia ngapo. Keawutsiawo kyasa uleteṟia mkonufo fushike, uwakape walye wukiwa cha inyi.

SHILIO 2:13

Njikuwieki iyo Yerusalemu? Njikufananyitse na kiki? Njikufananyitse na kindo kya mbaṟi ida kundu njiidime ikuwihiṟia moo, Iyo Sioni ui mcha? Ngapo tsapfo nyi tsing'anyi cha ipalyipalyi. Ngesa nyiu echiidima ikukiṟa?

SHILIO 4:1

Keambuya chandu sahabu yadu ilesanjika, sahabu iwenjicha mnu ilenyamaṟika. Maho halya ha wuhuru wung'anyi nyi haleṟaṟanjo ipfo mtandarenyi.

SHILIO 5:1

Kewekumbuowo hoi Mndumii-Ruwa ukewona wo shindo shileluhoya! Keluambuye wo uwone chandu lulewado nyi sonu.

HOSEA 2:14

Koikyo, njechimtutuma, njechimduo nuka ya msanga, na ideda nao ko wuhoo.

SEFANIA 2:10

Mbonyi-tso tsechiwahoya kipfa kya orikiki lowo na kipfa waleruma wandu wa Mndumii menyi matorito na ikung'anyisha.

YOHANE 11:19

Na Wayuda wafoi wawecheye na kulya kanyi ko Maria na Marita kundu wechiwawanza kya opfu lo msacha chu owo.

NGUMBUO YA MAWAWASO 26:7

Kiidima lukafihiṟia Mndumii-Ruwa, Ruwa o wameku wadu kaicho kieṟeṟo kyadu, na iwona matuuro hadu, maṟunda maumu na mbaka lulewutio.

NGUMBUO YA MAWAWASO 32:27

Kyaindi njilelekia wakituwa wawo wakushelepfo wahambe ke nyiwo walewinga wandu wakopfo ate nyi inyi njilewarumatsa.’”

NGUMBUO YA MAWAWASO 32:29

Kokoya wawewode osaaṟe wawemanya kitewe wakawingo wawemanya mtsitsionyi fowo kechiwa kida.

1PETRO 4:17

Kyamba heri lyamshika lyewokia yanduo mondu liwookie ipfo na wana wa Ruwa. Indi kokoya fuwoke kodu so nyi kyechiwa kida ko walya walaidikye Ndumi ya Sia ya Ruwa?

1SAMWELI 1:11

Kalya nyamu kechihamba, “Hoi Mndumii-Ruwa o matorito, ko koya aambuya matuuro hako inyi mṟundi apfo, konjisumba inyi mṟundi opfo, mana o kisoṟo, njechi kuinenga iyo Mndumii-Ruwa manacho nawe opfo kiidi kya moo foke fose; wembe wochioda njui tsa mdonyi foke ma indipfo.”