SHILIO 1:3 - Bibilia Kui Mdedie fo Kimochi

³ Wandu wa Yuda nyi walehenda wusingenyi handu hamu na matuuro na wusinga wung'anyi. Ambuya wulalu nyi wakeri kiidi kya wandu wa mkambo, manya wawodese handu heonyonyiapfo. Iwa nyi walewaosha na iwawadia kiidi kya mawukiwa.

SHILIO 1:3 Iomraidhean Croise

2WAMANGI 25:11

Nebuzaradani mnene o waringi wa mangi, naleduo osamiṟonyi wandu walya wose wawetsuhee mṟinyi na walya wose walehenda ko mangi o Babeli hamu na wandu wengi wose.

2WAMANGI 25:21

Mangi Nebukadneza o Babeli kakapa wandu wo kawawahia ipfo kiidi kya oruka lo Hamathi. Ko ikyo wandu wa Yuda waledao wapfungo nja ya oruka lowo.

2WAMANGI 25:4

Kyasia ora lumu lo mawanda ha mṟi lulefunjo, na waaskari wose wakadicha ili kio wechiida kiidi kya kyahu kya mangi kichuminyi makidi hawi ha mawanda hawi, wakahenda ora lo Araba, ma chandu Wababeli waringichie mṟi.

2WAMANGI 25:5

Indi wandu wa mbahanyi wa Wakalidayo walewikia mteeṟa wechiosha mangi Sedekia itane washika rendewele ya Yeriko wakambada na waaskari wake wose wakarahanyika.

YEREMIA 13:19

Mongo ya mṟi ya Negebu injishinge; kuwode moidima iṟuhuopfo, Yuda nadeo ai mpfunge, nadao piu aimpfunge.

YEREMIA 16:16

Mndumii-Ruwa ahamba: “Ambuya njechilaha wadehi wafoi wache iwada wandu wa, kiidima njilahe welasa wache iwalasa kiidi kya shitoṟomoso, na mbakonyi tsa maṟaṟa.

YEREMIA 24:9

Njechiwahaluo kindo kewichuṟa oshangunyi lo wamangi wose wai wuyanenyi. Wechiwa kindo kitalukie, kindo kekapa mang'ang'o, iseko na iseso orio handu wechidichia.

YEREMIA 39:9

Kyasia Nebuzaradani, mnene o waringi wa mangi, kaduo osamiṟonyi Babeli, wandu wawetsuhee mṟinyi na walya walekudambika koke na wandu walya wose waweipfo.

YEREMIA 52:15

Nebukazaradani mnene o waringi wa mangi kaduo osamiṟonyi wandu walya wawetsuhee mṟinyi na walya walekudambika ko mangi o Babeli hamu na waaria.

YEREMIA 52:8

Kyaindi ichekeṟo lya Wakalidayo waleosha mangi wakambadia kiidi kya rendewele tsa Yeriko, wandu wake wose wakarahanyika wakamda.

SHILIO 2:9

Mongo yatso ikaoloka wanda, makofuli hayo kawehanyamaṟa na ihafunjafunja. Mangi na wanene wawo nyi wakeri wusingenyi kiidi kya mkambo ya wandu. Wusongoru wo wuwawaso wulesia piu, Waikimbi wawo wakedambuyose mbonyi, tsiwuka ko Mndumii-Ruwapfo.

SHILIO 4:15

“Hendenyi! Hendenyi!” Nyi wudo wandu walewafuna, “Nyo nyi mufanyi ngafu manya mulakuwashe naso. Wakakuṟahia ṟahia kiidi kya mkambo ya wandu kulakaepfo manya umu alewaambia.

SHILIO 5:5

Lukaeri iṟunda cha nzoi ang'u ngamia, lukawina luwode momu fo siamoo pfo.

EZEKIELI 5:12

Kyamba kyenga kyanu kya kaṟaṟu kechipfa ko njaa na ndaṟe ya makokoi kiidi kyanu, na kyenga kya kawi wechipfa ko oshu na kyenga kya kaṟaṟu njechiwarahanyitsa ipfo na ipfo na oshu loko lochiwaosha ipfo numa yawo.

NGUMBUO YA MAWAWASO 28:48

Ko ikyo mochiṟundia wakituwa wanu sa Mndumii-Ruwa echiwaduma konu, mochiwado nyi njaa, wuangari na mukae kitaṟe na iwuṟa orio kindo. Nechimupfunga na menya nzingonyi tane amurumatsa.