SHILIO 1:2 - Bibilia Kui Mdedie fo Kimochi

² Nyi wakeri ifihiṟa kio kyose mchenyeṟe ikeri ipusuka. Ambuya kuwode manya umu o wambuya wake akeri imsaṟiapfo. Mbuya tsake twose nyi tsilemṟiingia wose nyi walehaluka wakituwa wake.

SHILIO 1:2 Iomraidhean Croise

YOBU 6:15

Mbuya tsako wanjilemba cha kimeda, wakanjitaluo cha mfongo ing'anyi ilawode mṟinga.

YOBU 7:3

Kyasia njimteṟie meri, na meri ya kiwi, kyako nyi ifuha orio kio tambaṟu, kulawode isia moo.

SHIIMBO SHA DAWIDI 126:5

Wewaya kui mchenyeṟe, wechisambuo kui kitohio kya sia.

SHIIMBO SHA DAWIDI 31:11

Kipfa kya watuuri wako ngadehelyo, Ee, ngoseṟa ko wamṟasa wako; Na kindo kiṟihishye ko mbuya tsako; Woose walenjiwona njienyi walenjidicha.

SHIIMBO SHA DAWIDI 6:6

Ngarohyo kya iwawio ling'anyi, Njekekusaṟa ili ngalaa kio. Mchenyeṟe yako ikachoweṟa handu helaa.

SHIIMBO SHA DAWIDI 69:21

Wakanjirutsa wuṟoi wuwe kando kako; na lilya mbei maangari wakanjirutsa nduu.

MFANANO 19:7

Wana wa mae wose wa mkiwa wekemsuo; Na wambuya wake wakaengeṟa ikushowa nao! Kawaosha kui madedo, indi nalakiwawone se.

YEREMIA 13:17

Indi kakoya mulakundi iicho, mumuyo foko fochifihiṟa ko kiṟika, kipfa kya orikiki lonu, riso lyako, lyechifihiṟa na itonyitsa mchenyeṟe ifoi, kipfa mamiingi fo Mndumii fodao fui mpfunge.”

YEREMIA 2:25

Ringa odende lopfo lulauṟe kyadu, na oṟoo lopfo kulaangae, kyaindi iyo nyi ulehamba, “Kuwode kikusirio-pfo; kipfa njilekunda maruwa ha wahenu, na inyi ngawaosha.”

YEREMIA 3:1

Mndumii-Ruwa nahamba, “Kokoya mndu ada mka oke, kahenda kawa na mka o mndu ungi, ngesa msoṟo ulya nechemwambiase? A orukalo lochiwangafu? Iyo Israeli naawo kulewa mmeluki na wambuya wafoi, na iyo ngesa nochinjichea inyi daa?” Mndumii ahamba.

YEREMIA 30:14

Wakunde wapfo wose wakuhadimie, wasaṟie kindo kyapfo kyose pfo, ngakukapa ngapo ya mkituwa, kokapo kulawode isaṟia, kipfa deko lyapfo nyi ling'anyi; njonyamaṟo tsapfo nyi tsifoi mnu.

YEREMIA 4:30

Na iyo ili ochidao wupfungo, Nochiwika kuda Manya koṟaa nguo tsa kimande, na ikuchopa woṟaa sahabu, na ishia meso hapfo wuiwu nyi ukuloṟa ke nyi ui mcha kya wulya; wakunde wapfo wakumina na ikupiṟa waishiha ikusoka moo.

YEREMIA 9:1

Kima mdo foko fuwechiwa ṟungu lya mṟinga, na meso hako hakawa soka ya mchenyeṟe, kundu njiidime ifihiṟa mfiri na kio, kipfa kya walya walewoho, wai wandu wako.

SHILIO 1:19

“Ambuya nyi njilelaha wakunde wako, kyaindi wakanjilehia. Wakohanyi wako na wameku wako, nyi walepfiiya mṟinyi, wechipfula kelya, kundu kiwawihiṟiye moo.

SHILIO 1:21

“Keambuyawo chando njikeri isumukia; kulawoneke monjisaṟia. Wakituwa wako nyi waleicho mawukiwa hako. Wakachihiyo kipfa kya ili ulenjiidikia ngapo. Keawutsiawo kyasa uleteṟia mkonufo fushike, uwakape walye wukiwa cha inyi.

SHILIO 1:9

Ngafu yake nyi ilewono na pata, indi wo walasaṟe kya mtsitsionyi fofo. Ioloka lyake nyi lyiweng'anyi mnu; kulakaepfo msa echiidima iwawihiṟiya moo. Wakahamba; “Keambuyawo wo hoi Mndumii-Ruwa maturo hako, kyamba mkituwa oko nyio awa mbinzi.”

SHILIO 2:11

Meso hako nyi hashimbi kipfa kya ifihiṟa, mumuyo foko nyi fufanyi. Mrima foko nyi fuwodo nyi fowa ing'anyi, kipfa kya ngapo ya wandu wako, kipfa shiwana shinangu nyi shipfia mtandarenyi ya mṟi.

EZEKIELI 16:37

Ambuya njihenda isanyia handu hamu mbuya tsapfo tsose na walya ulawakundi, nawo wechikuṟingichia njora tsose na iyo ukae makidi hawi hawo, njihende ikuatuo nguwo tsapfo ukae kiṟanguo oshangunyi lowo wakuambuye.

HOSEA 2:7

Nechioshana na wakunde wake nalawakoye; ee, nechiwawalia, kyaindi echiwawona-pfo. Oo nyilondi echihamba, “Njiwuya na ko mii oko o kuwoka; kipfa ili mbooko njiwewode nanga kota wulalu.”

MIKA 7:5

Ulaidikie mbuya yapfo ma ulamkusirie. Ringa mnu kilya odeda na dumbu lyapfo, ma mka opfo iyo kumonyi.

OTAMBAHALUO LO YOHANE 17:13

Iwo wose ikumi na umu wawode mhie fumu wechidambikya indo lyo pfinya na wuikolonyi wowo wose.

OTAMBAHALUO LO YOHANE 17:16

Na membe tsilya ikumi ometsiwona na indo lyo, wo wechisuo mka chu mṟuhui wamsaṟikye na imda-ho kitaṟe. Na nyama tsake tso wechilya na imkoṟa na modo.