SHILIO 1:1 - Bibilia Kui Mdedie fo Kimochi

¹ Ambuya nyi kiṟiha kya mṟi fuweichuo wandu, wulalu nyi fukeri wulya! Nyi mṟi fuwewode mng'ano kiidi kya wandu wa mkambo; indi wulalu nyi fukeri cha mndu mka mkusu. Kiidi kya mṟi ingi nyi fuwei cha mana o kika o mangi; kyaindi wulalu nyi fukeri isinga lya wandu wengi.

SHILIO 1:1 Iomraidhean Croise

1WAMANGI 4:21

Wumangi wo Solomoni wukawokia meda fo Eufrate mṟasa oruka lo Wafilisti, kashika mṟasenyi na Misri. Wandu wose wakaṟundia Mangi, wakataa okamba kiheri kyose kya moo foke.

2WAMANGI 23:33

Kundu nalaengeṟe iwada wumangi ipfo Yerusalemu, Farao Neko kampfunga ipfo Ribla kiidi kya oruka lo Hamathi, kawesa okamba oruka lo Yerusalemu kilo (3,400) tsa shindo sha fesa na kilo (34) tsa sahabu.

2WAMANGI 23:35

Mangi Yehoyakimu kainenga Farao fesa na sahabu, kyaindi kawesa oruka okamba kundu nainutsie kilya Farao akundi kya iinengo fesa. Nalewesa wandu wake fesa na sahabu. Orio umu nalewuta kiheo kilya kikiteṟie nyi mangi, nao kainengia farao Neko.

2MBONYI TSA MAHERI 9:26

Nalechilia wamangi wa mkambo yose kuwokia ora lo mtsudu lo meda fo Eufrate, mṟasa ora lo nuka lo oruka lo Wafilisti, na isoka mṟasa ishika mṟasenyi fo Misri.

EZRA 4:20

Mṟi fu fuwehoṟokie nyi wamangi waapfinya hamu na oruka lose lo molyolya ya meda Eufrate, wawekusanyia okamba na fesa tsingi.

NEHEMIA 5:4

Kukawekaapfo wawekeri inunuwa wechihamba, “Nyi luleakuo fesa tsetaa kodi ya mangi kipfa kya madema na Ngano yadu.

NEHEMIA 9:37

Kipfa kya wunyamaṟi wodu, wusuṟi wose wo oruka lu nyi wudao nyi wamangi, walya ulewawika huye yadu, wakaweluwutia chandu wakunda, na shuma shadu, wakawekuwutia chandu wakunda, so lukadeo fowenyi ing'anyi.

SHIIMBO SHA DAWIDI 122:4

Ipfo npfokundu kuwukie mbaṟi tsa wandu, Mbaṟi tsa Mndumii, Wuṟingishi wo Israeli, Waane rina lya Mndumii.

YESAYA 14:12

Chandu kuleoloka kuwuka huye, Iyo nyenyeri ya aheṟa, mana o ngamenyi, Chandu kulemanyo, Iyo kuleolotsa wandu wa mkambo!

YESAYA 22:2

Iyo uichuo kifahio, Mṟi fo kipfulupfulu, mṟi fuwode sia; Wandu wapfo walewoho walalewoho na oshu, Manya walepfiia shidenyi-pfo.

YESAYA 3:26

Shichumi shake shechifihiṟa na ikapa kilio; na mṟi fochiwa cha mndu mka asoko orio kindo kyake awode, adamie kilulinyi.

YESAYA 49:21

Nalyo uwoke ikuwesa, “Nyiu alenjifeeye wana-wa na inyi njiichi ke walya njilefee walepfa, na inyi njimonyi njilesamiṟo ngawa moṟahaṟaha ipfo na ipfo? Nyiu aleende iwa? Ambuya njiledeo njimonyi; iwa nyiku wawei?”

YESAYA 50:5

Mndumii-Ruwa ameṟuhusuo kudu koko, ma njilawade mtolo, ma njilawuye numa.

YESAYA 52:2

Kutakuta kiluli kikuwode na iyo nokure, nodamie, iyo Yerusalemu; Dambuo shipfungo sha nzingo yapfo, Iyo mana o Sioni umpfunge.

YESAYA 52:7

Chandu hai mecha mafumvuhu Madende ha ichu arie mbonyi njicha, Ichu aionguo ofoṟo, Arie mbonyi njicha ko shindo shicha, Ichu aionguo ofoṟo na Okiṟo, Aiwia Sioni, “Ruwa opfo naikolonyia!”

YESAYA 54:4

Kulaowuo; kulatisiki; kulaowuo na isokio nyi fowa; kipfa ulechitaluka; kipfa nochihadima sonu tsa uwanake wopfo, ma shirumo sha wukusu wopfo ochishikumbuo-sepfo.

YEREMIA 31:7

“Kipfa Mndumii-Ruwa nahamba adi, ‘Imbenyi ko sia kipfa kya Yakobo, kapenyi mṟoṟo kipfa kya mkambo fung'anyi, onguonyi, chihiyonyi na ihamba; “Mndumii-Ruwa nakiṟie wandu wake, nawaendie okiṟo walya waletsuhaa na Israeli!’

YEREMIA 40:9

Gedalia kalya nyamu oshangunyi lowo na matorito hawo kechihamba: “Mulaowuo iṟundia Wakalidayo. Kaenyi orukenyi muṟundie mangi ya Babeli, na mbonyi tsanu tsechimuhendia necha.

YEREMIA 42:2

wakahendia Yeremia, wakambia, “Hoi keadanyia kiterewo kyadu na iluterewia ko Mndumii-Ruwa, Ruwa opfo, so luletsuhaa kipfa luwefoi, kyaindi wulalu lui waangu tupu, chandu uwonyi.

YEREMIA 44:2

Mndumii-Ruwa menyi Matorito, Ruwa o Israeli nahamba adi: “Nyo mulewona mawicho hose njilewutia mṟi fo Yerusalemu na mṟi yose ya Yuda. Mṟi ii nyi mrapu mṟasa inu ma kuwode mndu ekekaapfo pfo.

YEREMIA 44:6

Koikyo tuke yako na nyashi yako ikaaka na iletsekia huya mṟi ya Yuda na njia tsa Yerusalemu, itane yawa nuka ya msanga na mrapu chandu ikeri mṟasa inu.

YEREMIA 50:23

Nyi kuda kyawa mṟi fo, fuwei kiria kya wuyana wose fuiolotso wanda na ifunjika! Babeli nowa mdao kiidi kya mkambo!

YEREMIA 9:11

Na inyi njihaluo Yerusalemu mrapu, kuwe kanyi ko mapara; njechihaluo mṟi ya Yuda iwenjisame, kulechilao nyi mndu.

SHILIO 1:19

“Ambuya nyi njilelaha wakunde wako, kyaindi wakanjilehia. Wakohanyi wako na wameku wako, nyi walepfiiya mṟinyi, wechipfula kelya, kundu kiwawihiṟiye moo.

SHILIO 2:1

Ambuya nyashi ya Mndumii-Ruwa, nyi ilewika wandu wa Sioni memenyi. Kiṟumi kya Israeli nyi alekiolotsa wanda. Mkonu fulya fo nyashi yake nyi alewihitsa hekalu lilya lyake.

SHILIO 2:10

Wameku wa Sioni nyi wadamie wanda watsie sau, ambuya nyi wakushie kilulyi mdonyi yawo, na maṟao hawo nyi makunyia. Wana wa kika wa Yerusalemu nyi wakuinadie wakasotsia shamu wanda.

SHILIO 4:1

Keambuya chandu sahabu yadu ilesanjika, sahabu iwenjicha mnu ilenyamaṟika. Maho halya ha wuhuru wung'anyi nyi haleṟaṟanjo ipfo mtandarenyi.

SHILIO 5:16

Shindo shose luwekekushela nasho nyi shilesia shose. Ochia lodu kyamba nyi lulewuta wunyamaṟi.

EZEKIELI 26:16

Kii kidi wanene wose wa njoruka tsii wambaṟa ya ipalyipalyi wechisoka wanda wawuka shidihu shawo sha wunene, wawekuatuo maṟao hawo ha wuitoṟi na kanzu tsawo njichope; nawo nyi wechisokio nyi wuowu wung'anyi, wawekudamia wanda wechidedema, na iṟihiyo mnu kya ishi shose shilekuhoya.

EZEKIELI 26:2

“Ambuya Iyo mndu! Tiro nyi aleseka mṟi fo Yerusalemu kechihamba: ‘Ambuya mṟi fo Yerusalemu mongo yake wandu wa mkambo wawekekuidiaho fo mmaa irumatso. Wulalu fomeludea mweke fo wusuṟi woke womerumatso!’

EZEKIELI 5:5

“Mndumii-Ruwa nyi ahamba adi, “Ifu nyi fo mṟi fo Yerusalemu, njifudongie kiidi kya mkambo ya wandu, fukaweṟingichio na njoruka tsifoi.

WALEWI 26:31

Mṟi yanu njechiirumatsa, handu hanu haele njechihahaluo nuka ilawode mṟinga na njopfamo tsanu njicha tsa mwano yanu njechitsiidikia mantapfo.

WALEWI 26:33

Njechimupaṟatsana nyo kiidi kya wandu wa mbaṟi tsingi na isomuo oshu kipfa kyanu. Oruka lonu lochiwa mrapu na mṟi yanu yechiwa injisame.

SEFANIA 2:15

Ifu nyi mṟi fulya fo sia, Fulawode makusaṟo, Fulehamba, “Inyi njiipfo, Kulawode ungi shila nyi inyi.” Chando fulewa mrapu, Hando helaa mando ha nja! Orio moida nechikapa mang'ang'o, Na ikumbalia owoko.

OTAMBAHALUO LO YOHANE 18:7

Na ipfo kundo fuwekyekuichika fumenyi mng'ano na ichumia useṟeṟi nyihondo mufuenenge maturo na mawawio. Nyi kipfa ekehamba ipfo ngoonyi yake wai, ‘Kidembo kyako kii kya mangi mka. Njikeri mka mkusupfo. Njewona mbadiko ma indipfo.’