NEHEMIA 9:5 - Bibilia Kui Mdedie fo Kimochi

⁵ Nalyo Walewi; Yeshua, Kadmieli, Bani, Hashabea, Sherebia, Hodia, Shebania na Pitahia wakawia wandu wadi:- Hoṟokenyi muṟumishe Mndumii-Ruwa, Ruwa onu; Mṟumishenyi mlungana na mlungana, wandu waṟumishe rina lyapfo linene, nalyo liwode kiṟumi kota mboṟa na kiṟumi kyose.

NEHEMIA 9:5 Iomraidhean Croise

1WAMANGI 8:14

Kyasia Mangi kahalukia wandu, kawikia ona mamiingi fo Israeli, mamiingi fo fuhoṟoki

1WAMANGI 8:15

kahamba, “Mndumii naṟumisho, Ruwa o Israeli, ichu aleinutsia kui owoko loke shose elewia Dawidi ndeako kehamba,

1WAMANGI 8:22

Kyasia Solomoni kahoṟoka sumuhana na rasio ya Mndumii hamu na mamiingi fo Israeli, kalesha mawoko hake ruwehu,

1WAMANGI 8:27

“Ale wai, Ruwa nechiidima ikaa orukenyi? Ambuya ruwehu yechikushika pfo ma ruwehu ya ruwehu yechiidima ikushika pfo kechiwa iki mba i njilewika?

1MBONYI TSA MAHERI 16:36

Rumisha Mndumii-Ruwa, o Israeli; Naṟumisho wulalu na mlungana!’ Kyasia wandu wose wakahamba, ‘Amen.’ Na Mndumii naṟumisho.”

1MBONYI TSA MAHERI 29:11

Ee, Mndumii-Ruwa, wumangi nyi wopfo, na pfinya, na mng'ano, na wuwinzi, na wusuṟi; kipfa shindo shose sha ruwehu na wuyana nyi shapfo; na wumangi nyi wopfo, Ee, Mndumii, na iyo numuichike, na nyi ui mnene huye ya shindo shose.

1MBONYI TSA MAHERI 29:13

Nyi lokuana na ikuichika iyo Mndumii-Ruwa odu.

1MBONYI TSA MAHERI 29:20

Kyasia, Dawidi kahalukia kisanzio kilya kawawia, “Ichikenyi Mndumii-Ruwa, Ruwa onu.” Na kisanzio kilya kyose kikaichika Mndumii, Ruwa o wasahuye wawo, na iharamisha mdo yawo wanda, na ikuhutsa oshangunyi lo Mndumii na mangi yawo.

2MBONYI TSA MAHERI 20:13

Wasoṟo wose wa Yuda, handu hamu na waka wawo na wana wawo, wawehoṟoki o oshangunyi lo Mndumii-Ruwa.

2MBONYI TSA MAHERI 20:19

Walewi wa kishari kya Kohathi na Kora, wakahoṟoka na iichika Mndumii-Ruwa, Ruwa o Waisraeli, ko ṟu ling'anyi mnu.

EZRA 3:11

Wakaimba shiimbo sheṟumisha Mndumii-Ruwa, wechiwuya wuya, “Mndumii nyi akeri mcha na ikunda lyake ko Waisraeli nyi lya mlungana.” Wandu wose wakairia maṟu hawo huye wechiṟumisha Mndumii-Ruwa kipfa otende lulya lo hekalu lulewoka iwiko.

NEHEMIA 9:4

Nalyo kukakaaho handu hehoṟokia ha Walewi, wakahoṟoka Yeshua, Bani, Kadmieli, Shebania, Buni, Sherabia, Bani na Kenani, nawo wakaterewa Mndumii-Ruwa, Ruwa owo ko ṟu ling'anyi.

NEHEMIA 9:6

Nalyo Ezra katerewa kiterewoki: Hoi Mndumii nyi iyo kumonyi ukeri Mndumii-Ruwa, nyi iyo kumonyi ulewika ruwehu na mbahanyi tsake tsose, wuyana na isho shose shikeripfo, mapalipali na isho shose shikeripfo, nyi iyo ushiinengie moo, na mbahanyi yoose ya ruwehu nyi ikeri ikuṟumisha iyo.

YOBU 1:21

Kahamba, “Njilewuka wusunyi wo wama njii kitaṟe, na wudo njechiwuka wuyana njii kitaṟe, na Mndumii-Ruwa nalenjiinenga na Mndumii-Ruwa naweduo, rina lya Mndumii-Ruwa liṟumisho.”

SHIIMBO SHA DAWIDI 106:2

Nyiu eidima ihamba mawuto hang'anyi ha Mndumii; na ionguo kiṟumi kyake kyose.

SHIIMBO SHA DAWIDI 134:1

Ambuya, lanye waṟundi wa Mndumii, ichimbiṟenyi Mndumii, mose da, nyo mokehoṟoka kio Kiidi kya mba ya Mndumii.

SHIIMBO SHA DAWIDI 145:2

Orio mkonu njechikuadapfuma; Njechiichika rina lyapfo mlungana na mlungana.

SHIIMBO SHA DAWIDI 145:5

Njechikusaṟa kya wulole wo kiṟumi kicha kyapfo, na mawuto hapfo hose ha ṟiho.

SHIIMBO SHA DAWIDI 146:2

Njechiṟumisha Mndumii kiheri njii na moo, njechimbia Ruwa oko ili njii na moo.

SHIIMBO SHA DAWIDI 16:2

Njilewia Mndumii, Iyo nyi Mndumii oko; Njiwode wucha shile nyi wulya wopfo pfo.

SHIIMBO SHA DAWIDI 66:2

Imbenyi kiṟumi kya rina lyake, Ṟumishenyi wuhoṟotsu woke.

SHIIMBO SHA DAWIDI 99:3

Waṟumishe rina lyake inene lioweshie, nyio mwele.

IWUKA 15:11

“Ee wo Mndumii-Ruwa, kiidi kya maruwa nyiu ai cha iyo? Nyiu ai cha iyo, mwele kiidi waele. Msa aoweshie kiidi kya kiṟumi kyapfo, mowuta maṟiho?

IWUKA 15:6

Mndumii-Ruwa, owoko lopfo lo kulyo luleinengo kiṟumi na wuidimi, Mndumii-Ruwa, owoko lopfo lo kulyo luipoṟipotsa wakituwa.

DANIELI 2:20

Danieli kaidapfuma Ruwa kahamba: “Rina lya Ruwa liadapfumo Ruwehu mlungana kipfa wuṟango na wuidimi nyi woke.

MATAYO 11:25

Kyasia mandi na halya Yesu kahaluo kahamba, “Ngakuana, hoi Wande, kui mnene o ruwehu na oruka, kipfa ili mbonyi tsi utsiṟikye iwo waṟango na iwo waamtsu kowuya idambuya shikoku.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

NGUMBUO YA MAWAWASO 28:58

“Kokoya mulaindia necha iawutsia madedo hose ha mawawasoha hamaṟehie kunu kitapunyi na mulameindie na iṟumisha rina liwode kiṟumi, lioweshie lya Mndumii-Ruwa, Ruwa onu,

1PETRO 1:3

Kuichiko Ruwa ichu ai Nde o Mndumii odu Yesu Kristo! Ili amelusaṟya osaṟio lung'anyi kalufee feo lya kawi luwedye owedi luende moo kui iṟuka lya Yesu Kristo lya ipfo ko wafu.

WACHILI 13:18

Malaika o Mndumii-Ruwa kamhaluo, “Nki ili ukundi imanya rina lyako, kipfa rina lyako lyiṟihishie?”