NEHEMIA 9:34 - Bibilia Kui Mdedie fo Kimochi

³⁴ Wamangi wadu, wanene wadu, wakohanyi wadu na waku wadu, waleosha wuwawaso wopfo-pfo, manya walesaṟa na iadanyia chando ulewaloshapfo.

NEHEMIA 9:34 Iomraidhean Croise

2WAMANGI 17:13

Mndumii-Ruwa kaduma waikimbi na walya wewona kechitutuma Israeli na Yuda kechihamba, “Lekanenyi na njia tsanu njiwicho, muindie mawawaso hako chandu njilewia wandeanu ngawaikimba kui madumbu ha waṟundi wako wai waikimbi.”

2WAMANGI 17:15

Wakaleha iwada wuwawaso woke, walawade mkundana fulya alewutia wasahuyawo hamu na wapiṟi wopiṟa itutumo, waleindia sanamu tsilawode kiira nawo wakaosha wandu wa mkambo walya wawewatengetie; walepiṟa piu mawawaso ha Mndumii-Ruwa, ma waleambuya pfopfo.

2MBONYI TSA MAHERI 29:6

Kipfa wasahuye wadu walewa watahachi ko Mndumii, Ruwa odu wakawuta sha mkika oshangunyi lo Mndumii-Ruwa, Ruwa odu.

EZRA 9:10

“A wulalu, luhambeki Ruwa odu kya ishi shose, kyamba luletehia mawawaso hapfo.

NEHEMIA 9:30

Ambuya ko maka ifoi, nyi ulewaikimba ko wuhoo, koweduma waikimbi wapfo wawaikimbe, kyaindi wandu wapfo walakunde iwaadanyia. Koikyo na iyo kowewada, wakawingo nyi wandu wa mkambo ingi.

NEHEMIA 9:33

Ambuya chandu ulelukapa nyi kisumhanyi, cha kipfa iyo nyi ui mhendeli, kyaindi so luwei wewuta wunyamaṟi.

NEHEMIA 9:35

Waleidima ikuṟundia kiidi kya wumangi wo wopfo, manya chando walechihio kiidi kya shindo shifoi shicha ulewainenga, kiidi kya oruka lulya lucha ulewainenga, waleidima ida mawuto halya hawo machichopfo.

YEREMIA 29:19

Njechiwuta njido kipfa mulaleadanyia madedo hako njilemuwia orio kiheri kwi madumbu ha waṟundi wako na waikimbi nanyo mukaleha iwaicho. Nyi inyi Mndumii-Ruwa ngahamba.

YEREMIA 44:17

Indi orio kindo lulekiliia nyamu lochikiṟunda: Lochipfaamiria mka mangi o ngina ubani na imletsia mwaano fonyo chandu luwekewuta so luwenyi na waku wadu, wamangi wadu na wasongoru wadu, kiidi kya mṟi ya Yuda na njienyi tsa Yerusalemu. Maheri ho luwewode kando kalushikie, lukafuda ma lulewona ngataṟa yosepfo.

YEREMIA 44:4

Manya kudo, inyi orio kiheri njilemudikia waṟundi wako waikimbi njechihamba; Mulawute kindo-ki kiwicho njikisuuye!

EZEKIELI 5:6

Kyaindi mṟifu fuletahacha mawawaso hako, fukawichuo kota mkambo fo wandu wengi, na iwada wuminyi kota wandu wawefuṟingichie. Yerusalemu fuleleha iosha mawawaso hako na ichumia kiidi kyaho.

DANIELI 9:6

Manya luleadanyia waṟundi walya wapfo-pfo, waikimbi walededa kui rina lyapfo wechiikimba wamangi wadu, na wanene wadu, na wandeadu, na wandu wa oruka lodu.

NGUMBUO YA MAWAWASO 31:21

Kiheri wechihoyo nyi ndenga tsifoi na mawina; kiimboki kechiimbo kiwawiiye wuṟingishi kipfa kechihadimo nyi luwa lyawopfo. Ma wulalu ndamewaduo kulya orukenyi njilelya nyamu ke njechiwainenga, njiichi shindo waikusaṟa.”