NEHEMIA 9:32 - Bibilia Kui Mdedie fo Kimochi

³² Hoi Ruwa, Ruwa odu, iyo nyi ui mnene, nyi uoweshiye, nyi ui mwampfinya, iyo nyi okeringa mkundana fopfo, na shiasa shapfo kuwokia kiheri wamangi wa Ashuru wawelutuura, mṟasa inu nyi lui kituurionyi, mangi tsadu, wanene wadu, wakohanyi wadu na waikimbi wadu, waku wadu na wandu wadu wose, nyi waletuuro.

NEHEMIA 9:32 Iomraidhean Croise

1WAMANGI 8:23

Kahamba, “Hoi Mndumii-Ruwa o Israeli, kulawode Ruwa cha iyo, huye ruwehu ang'u orukenyi, ekekumbuo shasa na iloṟa ikunda lyake ko shisinga shake walya wemuosha kui mrima yawo yose.

2WAMANGI 15:19

Kyasia, Pulu mangi o Ashuru kacha, kundu nakape Israeli, na Menahemu kamnenga kiheo kya fesa shilo (34,000) kundu namtarame iwanza wuitoṟi woke huya oruka lo Israeli.

2WAMANGI 15:29

Kiheri kya wuitoṟi wo Peka mangi o Israeli, Tiglath-pileseri, mangi o Ashuru, naleduo wapfungo mṟi ya Iyoni, Abel-beth-maka ya Kadeshi na Hazoi na njoruka tsa Gileadi, Galilaya na Naftali na iwaduo wupfungo wandu wawo wose.

2WAMANGI 17:23

Ifurumiaho Mndumii-Ruwa kawafuna wawuke oshangunyi loke chandu awehambie kui dumbu lya waṟundi wake wai waikimbi. Ko ikyo wandu wa Israeli wakadao wapfungo wawuto orukenyi lowo mṟasa Ashuru napfo wakakaapfo mṟasa inu.

2WAMANGI 17:3

Mangi Shalmanesa o Ashuru nalekapana nao na Hoshea kawa mṟundi oke kawa momtaa okamba.

2WAMANGI 17:6

Kiidi kya maka fo kenda fo wumangi wo Hoshea, mangi o Ashuru kaduo Samaria, kaduo wandu wa Israeli wapfungo mṟasa Ashuru, wandu maata kawawika mṟinyi fo Hala, na wengi afui na meda Habori, meda Gozani na wengi mṟi ya Media.

2WAMANGI 23:29

Kiheri kya wumangi woke, Farao Neko o Misri kahenda mṟasa meda fo Eufrate kundu nakumbuhanane na Mangi o Ashuru. Nao mangi Yosia kakure kundu walimbane nao. Kyaindi Farao Neko kekimbona kambahia kulya Megido.

2WAMANGI 25:7

Kiidima nalewaha wana wake kechiwaambuya na meso hake, wakamtocha meso hake. Ifurumia ho wakampfunga na mshe wakamduo Babeli.

EZRA 4:10

hamu na wandu wa mkambo ingi walya wawewasamiṟe na mangi mnene Asur-banipali, alewawuta njorukenyi tsawo kawasamiṟia kunu mṟinyi fo Samaria na molyolya fo meda ora lo kyukanyi

EZRA 4:2

wakachea Zerubabeli na wanene walya wa shishari wakawawia, “Hoi lomuterewa mulutarame iwika hekalu lyo, cha kipfa maso nyi lokeindia Ruwacho mokemwindia nyo na imwendie shidaso shadu wokia kiheri kya Esar-hadoni awei mangi o Ashuru ichu sa aleluende iya.”

EZRA 9:13

Ma chando shindo sho shose shileluhoya kipfa kya njonyamaṟo tsadu na mkao yadu njiwicho, luwonyi nalelukapa sa kitutu koṟinganyisha na mawicho ha hadu chandu hawefoi. Koweludase na moo so waangu lukeri iya.

NEHEMIA 1:5

ngahamba, “Hoi Mndumii-Ruwa, Menyi Matorito, iyo nyi ui Ruwa ang'anyi uoweshie, okeringa mkundana fopfo na isaṟia lyapfo ko walya wakukundi na iosha mawawaso hapfo.

SHIIMBO SHA DAWIDI 47:2

Kipfa Mndumii Ai huye, nyi aoweshie, Nyio mangi ang'anyi kota wose wai wuyanenyi.

SHIIMBO SHA DAWIDI 66:3

Wienyi Ruwa, “Mawuto hapfo haṟihisha mnu! Kipfa kya pfinya tsapfo tsifoi, Wakituwa wapfo wechicha ikunyiiṟa shiyapfo.

SHIIMBO SHA DAWIDI 66:5

Nchonyi ambuyenyi mawuto ha Mndumii-Ruwa; haoweshie kui mawuto ekewutia wandu;

IWUKA 18:8

Mose kaongoya ndee o mka mbonyi tso tsose Mndumii-Ruwa, alewutia Farao na Wamisri kui kipfa kya Waisraeli. Na mbonyi njiumu tsose tsilemhoya njienyi, na chandu Mndumii-Ruwa alewaashuo.

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

DANIELI 9:4

Ngaterewa Mndumii-Ruwa oko, ngatocha wunyamaṟi, ngahamba: “Iyo Mndumii-Ruwa, Ruwa ung'anyi, nooweshie, okewada mkundana na osaṟio ko walya wakukundi na iringa mawawaso hapfo.

DANIELI 9:6

Manya luleadanyia waṟundi walya wapfo-pfo, waikimbi walededa kui rina lyapfo wechiikimba wamangi wadu, na wanene wadu, na wandeadu, na wandu wa oruka lodu.

DANIELI 9:8

Hoi Mndumii-Ruwa kuiṟeenze so na wamangi wadu, wanene wadu, wandeadu kipfa kya wunyamaṟi.

WALEWI 26:18

Na manya numa ya ikapo mudo, mochinjiichopfo, kyasiang'u njechimukapa ka mfungade ngoseṟa kipfa kya manyamaṟo hanu.

WALEWI 26:21

“Mukaengeṟa injikaṟuo na ileha injiicho, njechiengeṟase ngapo tsanu ka mfungade chandu wunyamaṟi wonu wufoi.

WALEWI 26:24

kyasia, na Inyi njechiwingana nanyo na imuengeṟia ngapo ka mfungade ngoseṟa kipfa kya wunyamaṟi wonu.

WALEWI 26:28

kyasia na Inyi njechiwingana nanyo kui nyashi ing'anyi, njimukape Inyi njimonyi ka mfungade ngoseṟa kipfa kya njonyamaṟo tsanu.

NGUMBUO YA MAWAWASO 7:12

“Mukaadanyia mawawasoha na ihawada na ihaawutsia, Mndumii-Ruwa, Ruwa onu, nechiwada mma foke nanyo; na nechimuloṟa woloru woke chandu aleteṟia waku wanu.

NGUMBUO YA MAWAWASO 7:13

Nechimukunda na imuinenga ona, nanyo mochiengeṟeka muwe luwa lyifoi; nechiwikia madema hanu mboṟa muwone shilimu, mvinyo na mafuda; nechionyisha na imuinenga mmbe na machondi hafoi ipfo orukenyi kundu aleteṟia waku wanu ke nechiwainenga.

NGUMBUO YA MAWAWASO 7:21

Kyasiang'u manya mulawaowuo, cha kipfa Mndumii-Ruwa, Ruwa onu, nai kiidi kyanu. O nyi Ruwa ang'anyi na naoweshie.

NGUMBUO YA MAWAWASO 7:9

Ko ikyo, manyenying'u ke Mndumii-Ruwa, Ruwa onu, nyio Ruwa; nyi Ruwa mhendelyi ekewada mkundano foke; na iloṟa woloru woke ko wana wafoi wa wandu walya wekeindia mawawaso hake.