NEHEMIA 9:30 - Bibilia Kui Mdedie fo Kimochi

³⁰ Ambuya ko maka ifoi, nyi ulewaikimba ko wuhoo, koweduma waikimbi wapfo wawaikimbe, kyaindi wandu wapfo walakunde iwaadanyia. Koikyo na iyo kowewada, wakawingo nyi wandu wa mkambo ingi.

NEHEMIA 9:30 Iomraidhean Croise

2WAMANGI 18:11

Mangi o Ashuru kaduo wandu wa Israeli wupfungo mṟasa Ashuru kawewika wengi kiidi kya mṟi fo Hala, na kufui na Habori, mṟi fo Gozani, na wengi kiidi kya mṟi ya Media.

2WAMANGI 21:10

Naalyo Mndumii-Ruwa kadeda kui dumbu lya waṟundi wake wai waikimbi,

2MBONYI TSA MAHERI 24:19

Ma kudo Mndumii-Ruwa kawadumia waikimbi wewaikimba kundu wambuuye kyaindi wo walekunda iwaadanyia-pfo.

EZRA 9:10

“A wulalu, luhambeki Ruwa odu kya ishi shose, kyamba luletehia mawawaso hapfo.

NEHEMIA 9:20

Ambuya kui ikunda lyapfo kowaloṟa kilya ki wawaṟi iwuta, kowewaihutsa ko mana, na iwarutsa mṟinga fonyo.

NEHEMIA 9:26

Kyaindi wandu wa walekuhendelia-pfo, wakakuleha, wakaweleha mawawso hapfo, wakawewaha waikimbi walya walewaikimba ikuhalukia, nawo wakawuta mawicho hang'anyi mnu.

NEHEMIA 9:29

Kowaikimba waindie mawawaso hapfo. Kya indi kipfa kya mrima yawo injiumu, walaikunde iindia wuwawaso wopfo, kyamba ichu moindia wuwawaso wopfo nyi sa echikaa na moo. Nawo ko orikiki lowo, walakunde iicho ang'u iwa wahendeli.

SHIIMBO SHA DAWIDI 86:15

Kyaindi Iyo, Mndumii, ui Ruwa o Osaṟio na wutonga, mtirisi, uichuo wuoloru na wukiilohi.

SHIIMBO SHA DAWIDI 95:10

Maka makumi haana njilesokio mfowa kya osharilu. Ngahamba, “Wo nyi wandu wadetsie ngoo, Walemanya njia tsakopfo!”

YESAYA 28:10

Kipfa nyi iwawaso huya iwawaso, iwawaso huya iwawaso; mdumbuye huya mdumbuye, kunu kitutu na kunu kitutu.

YESAYA 42:24

Nyiu aleduo Yakobo nawe mpfungo, alewika Israeli mawokonyi ha wasoki? Chi Mndumii? Ulya lulemdekio, kipfa lulaleosha njia tsake na mawawaso hake.

YESAYA 48:9

Kipfa kya rina lyako njechiilacha nyashi yako, na kipfa kyapfo njechikwima, kundu njiṟumisho, njilawone njekuarisia wanda.

YESAYA 63:10

Indi wo wakadeko itane wasuiṟa Mumuyo Mwele; kyasia kawahaluka, kawa mkituwa, kakapana nawo.

YEREMIA 25:4

Nao Mndumii nadumie konu waṟundi wake wose waikimbi wo kekure otuko na iwaduma, kyaindi nyo mulawaicho ma ideha madu hanu muwaadanyie mulakunde.

YEREMIA 44:22

Mndumii-Ruwa echiidima itirisiase mawuto ho hanu mawicho mulewuta pfo; nkyo kimarete oruka lonu lowa mrapu, cha nuka ya msanga, oseso luwuṟie wandu, chandu kii mṟasa inu.

YEREMIA 44:4

Manya kudo, inyi orio kiheri njilemudikia waṟundi wako waikimbi njechihamba; Mulawute kindo-ki kiwicho njikisuuye!

YEREMIA 44:5

Indi kuwode alenjiicho ma ideha kudu koke pfo. Nyo muleleha ida wuwicho wonu na ida ipfaamiṟa ubani maruwa hengi.

YEREMIA 7:25

Na inyi, wokia mkonu wandeanu walesama Misri, shika mkonu fo inu, njiwekeri imudumia waṟundi wako, nyiwo waikimbi, njilalemo.

SHILIO 2:17

Kyamba Mndumii-Ruwa nyi awuta kilya awekusirie, nyi aawutsia shilya awehambie, chando aweikusirie wokia mboko, cha kipfa nyaṟumatso kulawode osaṟio lose; nyi ainenga wakituwa wachihiyo kipfa kya ngapo yapfo, kyamba nyi aṟumisha ngohoda tsa wakituwa wapfo.

DANIELI 9:6

Manya luleadanyia waṟundi walya wapfo-pfo, waikimbi walededa kui rina lyapfo wechiikimba wamangi wadu, na wanene wadu, na wandeadu, na wandu wa oruka lodu.

ZEKARIA 7:12

Wakahaluo mrima yawo ikafanana na iho liumu; kundu walaicho wuwawaso na madedo ha Mndumii menyi Matorito alehaduma kui mumuyo mawokonyi ha waikimbi wa kuwooka; kui kipfa kya ikyo nyashi ya Mndumii menyi Matorito yechiwaakiya.

ZEKARIA 7:13

Kipfa lilyandi alefihiṟa walakunde iicho nawo wechifihiṟa ma njechiadanyiapfo, nyi wudo Mndumii Menyi Matorito ahamba.

MAITALA 11:26

Wameku wawi kiidi kya walya makumi mfungade walesambuṟo, nyi Eldadi na Medadi, wo waledeo kulya handu hesia moo mandi wodoyawo walehenda ihemenyi. Mumuyo fukawasokia wai kulya kulya handu hesia moo, wakawoka ihamba shisuku alya handu wawei.

MAWUTO HA WASU 13:18

Kawalisya kulya nuka maka iwe makumi haana.

MAWUTO HA WASU 28:25

Na ili walaweidikyanyi wo wenyi na wenyi wakakuhendya kowo Paulo kekimaa ihamba idedo li limu ke, “Mumuyo Mwele alededa necha na waku walya wanu kui dumbu lya mwikimbi Yesaya.

MAWUTO HA WASU 7:51

Nyo nyi mui mudi na okuchu mulunganyi ilehya Mumuyo Mwele mulai wadine ngoo manya madu; chandu waku wanu wawewutye nanyo na wudo da.

WAROMA 2:4

Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima?

1PETRO 1:11

Nyi waweihana-hana ke kiheri nyi iki na lya iindi Mumuyo ichu o Kristo awei nawo alimanyishye-ho ilindi awesonguo iṟingishya mawawyo halya hehoya Kristo na mawusuṟi kiṟumi kilya kechiitumana naho.

2PETRO 1:21

Kyamba kuipfo wuikimbi wulemendo kui kyama kya wandu manya-lepfo. Kya indi wandu waweipfo walededa kiwukye ko Ruwa wawewodo nyi Mumuyo Mwele.

2PETRO 3:9

Mndumii akeleṟye yawutsa kyasapfo chando waipfo wandu wafoi wakusaṟie aikikeleṟa. Kya indi ai momleelya nyo kipfa alakundi kuedekye mndu manya umu indi washike idumbuya na ihaluka wose.