NEHEMIA 9:23 - Bibilia Kui Mdedie fo Kimochi

²³ Ambuya nyi ulefeeṟa wana wawo cha nyenyeri tsa ruwehu, kowaende na orukenyi lulya ulewikia kyasa waku wawo.

NEHEMIA 9:23 Iomraidhean Croise

MAWOOKIONYI 12:7

Mndumii kawonekia Abramu, kechihamba, “Njechiinenga luwa lyapfo orukalu.” Nao kawikia Mndumii chu alemchea kitaṟa kewikia kidaso.

MAWOOKIONYI 15:18

Mkonu fulya Mndumii kawika mkundana na Abramu, kambia, “Oshari lopfo ngaluinenga orukalu, wokia meda fo Misri tane medafo fung'anyi, meda fo Frati.

MAWOOKIONYI 15:5

Kamwiitsa na nja, kahamba, “Keambuya ipfo ruwehu wulalu, keitala nyenyeri, kokoya kochiidima itsiitala. Kammbia nyi wudo oshari lopfo lochipfumbuka.”

MAWOOKIONYI 17:8

Na Inyi njechikuinenga iyo na oshari lopfo lochiituma numa yapfo orukalu ukeri wuhenunyi, oruka lose lo Kanaanyi, noluitoṟie mlungana; na inyi njechiwa Ruwa owo.”

MAWOOKIONYI 22:17

iwikya mboṟa njechikuwikia mboṟa, na ipfumbutsa, njechipfumbutsa oshari lopfo cha nyenyeri tsa ruwehu na cha msanga fo ipfo mawambao ha ipalyipalyi na oshari lopfo lochiitoṟia wakituwa wapfo;

MAWOOKIONYI 26:3

Kaa wuhenunyi wo ipfo orukenyi, na inyi njechikaa hamu na iyo, na ikuwikia mboṟa, kyamba njechikuinenga njorukatsi iyo na luwa lyapfo. Na inyi njechiwanza nyamu iya njileliia ndeo Abrahamu.

1MBONYI TSA MAHERI 27:23

Mangi Dawidi aleitala wandu walaweshikie maka makumi hawi pfo, cha kipfa Mndumii-Ruwa nawewikie kyasa ke nechipfumbutsa wandu wa Israeli cha nyenyeri tsa ruwehu.

IWUKA 1:12

Kyaindi chandu walewalisa wukiwa nyi wudo walepfumbuka na iengeṟa ilaa kulya na kulya. Wamisri walewado nyi wuowu kipfa kya wana wa Waisraeli.

IWUKA 1:7

Na wana wa Waisraeli wawekepfumbuka mnu, na iengeṟeka wakafo wakawada pfinya, wakaichuṟa oruka lulya.

NGUMBUO YA MAWAWASO 28:62

Ma chandu nyo mufoi cha nyenyeri tsa ruwehu, kyaindi mochiwa waangu kipfa kya ili mulaleindia ṟu lya Mndumii-Ruwa, Ruwa onu.