NEHEMIA 9:17 - Bibilia Kui Mdedie fo Kimochi

¹⁷ Wakaleha iosha; walakikumbuo ṟiho uletsiwuta kiidi kyawo. Wakawada mrima njiumu, nalyo wakasambuṟa mṟundi mowawihiṟa wusingenyi kulya Misri. Kyaindi iyo nyi Mndumii-Ruwa okehoṟia, uwode isaṟia na ikunda, manya ulekewado nyi nyashi owinyi. Isaṟia lyapfo nyi ling'anyi; ulakunde iwawihitsa.

NEHEMIA 9:17 Iomraidhean Croise

1WAMANGI 6:13

Inyi njechikaa kiidi kya wana wa Israeli, na njechilekana nawo ma indi-pfo.”

1WAMANGI 8:57

Mndumii-Ruwa, Ruwa odu, nakae naso, chandu awei na wandeadu, loterewa nalalude, ma nalalukumbe.

2MBONYI TSA MAHERI 36:13

Sedekia nalewa mtahachi kihadi na mangi Nebukadneza, sa awemtana nalye nyamu kui rina lya Mndumii, ke nechiwa mhendeli koke. Nalewada mkuchu kaleha idumbuya na iwuuya Mndumii-Ruwa, Ruwa o Israeli.

EZRA 9:9

Ma chandu luwei masinga, Ruwa odu alekunda iluda luengeṟe iwa masingapfo. Kyaindi naleluloṟa ikunda lyake kodu oshangunyi lo wamangi walya wa Persia iwa walelulekia lukacha iwika mba i ya Ruwa odu na iachikia kulyando iwewundukie. Lukaowewona oringo loke iya Yuda na Yerusalemu.”

NEHEMIA 9:31

Manya kudo, kipfa kya isaṟia lyapfo ling'anyi, ulekunda iwawihitsa na iwaṟahanyitsa-pfo, kyamba iyo nyi Ruwa uwode isaṟia na wuhoo.

SHIIMBO SHA DAWIDI 106:13

Wakahadima mawuto hake owinyi, walakiwedie mbonyi tsake.

SHIIMBO SHA DAWIDI 106:7

Waku wadu kulya Misiri; walekusaṟa mawuto hapfo ha kiṟihapfo; walekumbuo mfoeṟa fo wuoloru wopfopfo. Wakakupiṟa alya ipalyipalyinyi, ipalyipalyi lya Shamu.

SHIIMBO SHA DAWIDI 130:4

Kyaindi kopfo kuwode mhoṟie, kundu iyo nooweshe.

SHIIMBO SHA DAWIDI 78:10

Walewada mkundana fo Ruwapfo; nakaleha ihendelia iwawaso lyake;

SHIIMBO SHA DAWIDI 78:11

Wakahadima mawuto hake, na mbonyi tsake tsa kiṟiha alewaloṟa.

SHIIMBO SHA DAWIDI 78:38

Kyaindi O; kyamba nawode osaṟio, nekehoṟia wuwicho manya ekerumatsapfo. Kafoi nekeatsiṟia nyashi yake kuleshe; manya ekeamtsa nyashi yake yosepfo.

SHIIMBO SHA DAWIDI 86:15

Kyaindi Iyo, Mndumii, ui Ruwa o Osaṟio na wutonga, mtirisi, uichuo wuoloru na wukiilohi.

SHIIMBO SHA DAWIDI 86:5

Kyamba Iyo, Mndumii Ui mcha, nokuṟeheṟie ihooṟia, noichuo osaṟio. Ko wandu wose wekyekulaha.

IWUKA 32:9

Mndumii-Ruwa kawiase Mose, “Inyi ngamewona wanduwa, ambuya, nyi wandu wawode nzingo njiumu;

MFANANO 1:24

Kipfa ngalaha, nanyo mukaleha; Ngahoṟwo owoko loko, kulakae msa aluambuya;

YEREMIA 18:15

Kipfa wandu wako walenjihadima, wakapfaamiṟia maruwa hawo uvumba; wakakukahaṟa na injihadima, wakahalukia mkao yawo ya kuwoka, kundu waide kihadi kundu kulaikusungusie.

YEREMIA 19:15

“Mndumii Menyi Matorito Ruwa o Israeli nahamba adi, ‘Ambuya njechiendie mṟi fu na shihongo shafo mawicho halya hose njilededa kipfa kyafo, kipfa waumiṟa nzingo tsawo kundu walaadanyie madedo hako.’”

YEREMIA 7:26

Indi wo walenjiicho pfo ma indehia kudu-ote! Indi wawei ikuumiṟa mrima wakawewichuo kota wandeawo.

EZEKIELI 5:6

Kyaindi mṟifu fuletahacha mawawaso hako, fukawichuo kota mkambo fo wandu wengi, na iwada wuminyi kota wandu wawefuṟingichie. Yerusalemu fuleleha iosha mawawaso hako na ichumia kiidi kyaho.

DANIELI 9:9

Osaṟio na ihoṟio lyii ko Mndumii-Ruwa odu ma chandu lulemdekio;

YOELI 2:13

Ma mularanduo nguo tsanu mochiloṟa fowa, randuonyi mrima yanu.’ Wuyenyi Mndumii-Ruwa, Ruwa onu. O naichuo wutonga na isaṟia ling'anyi; ekesuo owinyi-pfo, nawode wucha wung'anyi wo mrima; ma ekechihiyo ikapa wandu-pfo.

WALEWI 26:44

Kyaindi kya isho shose, mandi wai orukenyi lo wakituwa wawo; Inyi njechiwakumba ma iwasuo na iwarumatsa nakamu na ikumba kuleshe mkundana fokopfo.

NAHUMU 1:3

Mndumii ekeduika nyashipfo, nawode pfinya ing'anyi, manya echihamba mndu mnyamaṟi awode wunyamaṟipfo. Mndumii nawode otende loke kiidi kya otanu lung'anyi, mapuchi nyi kiluli kya madende hake.

MAITALA 14:11

Kyasia Mndumii-Ruwa nalewia Mose, “Wanduwa wechinjimina kudi mṟasa indii? Na nyi mṟasa indii wechihutsa macha koko, manya chandu ndewuta ṟiho tsose kiidi kyawo?

MAITALA 14:41

Kyaindi Mose kahamba, “Wulalu nki ili mofunja iwawaso lya Mndumii-Ruwa? Kudo mochihuyopfo!

MAITALA 16:14

Ngoseṟa ya isho, kuleluende na orukenyi luwode maruwa na wukipfo, manya kuleluhawia kyoṟa kya madema na madema ha msabibupfo. Noichi nochihaluo wanduwa shipfupfuṟe? Lochichapfo!”

MAWUTO HA WASU 7:39

“Mndu chu waku wadu walekunda imwidikyapfo, kya indi nyi walemkunahya mbai wakawuya idosa macha ha Misiri ipfo ngoonyi tsawo.

WAROMA 9:15

kyamba nyi awie Mose, “Njechisaṟia ichu njechikunda imsaṟia.”

WAEBRANIA 12:25

Keringenyi-ng'u-wo mulawone mochilekana na ichu ai-pfo modeda. Kyamba kokoya walya walaweikia wechilehana na ichu modeda kyake ipfo sangenyi, nyi hanga kawi so, kokoya lokumbya ichu mhongo aideda akeri ruwehu.

1SAMWELI 12:22

Kui kiṟumi kya rina lyake inene, Mndumii-Ruwa echikumba wandu wakepfo kyamba nalekunda imutana nyo muwe wandu wake.