NEHEMIA 9:15 - Bibilia Kui Mdedie fo Kimochi

¹⁵ Mandi walewodo nyi njaa, kowaihutsa ko kelya kiwukie ruwehu. Kiheri waleangaa, kowarutsa mṟinga fuwukie ihohu lya iṟaṟa. Kowewawia wawade oruka lulya ulewawikia kyasa.

NEHEMIA 9:15 Iomraidhean Croise

MAWOOKIONYI 14:22

Abramu kawia mangi ya Sodoma, “Njileiria owoko loko ko Mndumii, Ruwa Ai huke mnu, Mowika ruwehu na oruka,

NEHEMIA 9:20

Ambuya kui ikunda lyapfo kowaloṟa kilya ki wawaṟi iwuta, kowewaihutsa ko mana, na iwarutsa mṟinga fonyo.

SHIIMBO SHA DAWIDI 114:8

Ahaluo iṟaṟa lyiwe nduwa ya mṟinga; iho lyiumu lyiwe soka.

IWUKA 16:4

Naalyo Mndumii-Ruwa, kawia Mose, “Ambuya, Inyi njechimuendie nyo mkate kuwuka ruwehu; na wandu wo wechiida na nja idoduo orio mkonu kiheo kya mkonu; kundu njiwuteho iwahesha, kokoya wechichumia sumhana na iwawaso lyako, ang'u ote.

IWUKA 17:3

Wandu wakaangaa; nawo wakanunuwia Mose, wakahamba, “Nki ili kuleludosa kuwuka Misri, iluwaha so na wana wadu na shuma shadu?”

IWUKA 17:6

Ambuya, njechihoṟoka oshangunyi lopfo ipfo, huya iṟaṟa lilya kulya Horebu, na iyo nochikapa iṟaṟa lyo, na mṟinga fochichapfo, wandu waidime inyo.” Mose katana ado oshangunyi lo wameku wa wana wa Waisraeli.

IWUKA 6:8

Na inyi njechimuende mṟasa orukenyi sa njileiria owoko loko njiinenge Abrahamu, Isaki, na Yakobo; njechimuinenga luwe kioṟa kyanu; inyi nyi Mndumii-Ruwa.”

YESAYA 48:21

Walewado nyi nyoda kulya nuka-pfo; Kawuta mṟinga ihohu kipfa kyawo; Karandauo iṟaṟa, mṟinga fukawukaho ko pfinya.

YEREMIA 32:23

Nawo waleshika wakaluwada na iluikolonyia. Indi walekuadanyia, manya iosha mawawaso hapfo-pfo. Walewuta chandu ulewawiapfo. Nyi kyo kyatewa wakoyane na mawicho ha.

EZEKIELI 20:15

Nalyo ngawalia nyamu kulya nuka ke njechiwaduo se kulya orukenyi njiwewateseheṟie pfo, oruka luichuo maruwa na wuki, oruka lui lucha kota njoruka tsose.

MAITALA 14:30

echiida na ipfo orukenyi njilelya nyamu imuinenga luwe lonu, shile na Kalebi mana o Yefune, na Yosua mana o Nuni.

NGUMBUO YA MAWAWASO 1:21

Ambuyenyi, Mndumii-Ruwa, Ruwa onu, amemuteseheṟia orukalu mesonyi hanu. Ailo! Idenyi napfo muluchilie chandu Mndumii-Ruwa, Ruwa o wameku wanu alewawia. Mulaowuo manya mulaneneuke.”

NGUMBUO YA MAWAWASO 1:8

Orukalo lose nyilo njilemuinenga inyi. Kyasia hendenyi iluikolonyia orukalo sa inyi Mndumii-Ruwa njileliia waku wanu nyamu Abrahamu, Isaki, Yakobo na luwa lyake ke njechiwainenga.”

NGUMBUO YA MAWAWASO 8:3

Nalemupiṟa kamuda mukawado nyi njaa numa kamuinenga mkate iwukie ruwehu mulye, kelya mulawekiichi, manya waku wanu walalekimanya. Nalewuta ado kundu naidime imulosha ke mndu o wandu echiwada moo kui mkate tupupfo, shile nyi kui orio kindo Mndumii-Ruwa echideda.