NEHEMIA 9:13 - Bibilia Kui Mdedie fo Kimochi

¹³ Kowededa nawo wuka fumvunyi lya Sinai, handu ulewasokia. Kowainenga mawawaso mecha na mapfundo mecha.

NEHEMIA 9:13 Iomraidhean Croise

2WAMANGI 17:37

Kiheri kyose mochiidikia shilya njechimuwia, chile tsako na mawawaso ho njileṟehia kipfa kyanu, mandi hose muwe warahari ihaosha. Mulaindie maruwa hengi.

EZRA 7:6

Ezra naledo awuka Babiloni. Nawei mlosha (mṟehi) mcha o mawawaso ha Mose halya Mndumii-Ruwa aweinengie Waisraeli; na mangi ulya kainenga Ezra orio kindo alemterewa kipfa kuwoko ko Mndumii-Ruwa oke luwei nao.

SHIIMBO SHA DAWIDI 119:137

Hoi Mndumii, Iyo nyio uwode wusumhanyi, ma mdumbuye yapfo nyi ya wuhoṟotsu.

SHIIMBO SHA DAWIDI 119:160

Kya imarisia ng'u idedo lyapfo nyi lohi, Na orio mdumbuye ya wusumhanyi wopfo nyi wo mlungana.

SHIIMBO SHA DAWIDI 119:4

Iyo kuleluwawasaia mapfundo hapfo. Kundu so luhaindie mnu.

IWUKA 16:23

Mbonyi tso Mose kawawia, “Nlyo idedo Mndumii-Ruwa alededa, ‘Ngama nyi mkonu mwele fosia moo, Sabato njiele ko Mndumii-Ruwa; kahaṟenyi sa mochikahaṟa, koṟenyi sa mochikoṟa na ikyo kechitsuhaa suṟumenyi necha mṟasa ngamenyi.’”

IWUKA 19:11

wakuṟeheṟe kya ili lya kilalau, kyamba mkonufo kaṟaṟu Mndumii-Ruwa nechisoka fumvunyi lya Sinai mesonyi ha wanduwa wose.

IWUKA 20:1

Ruwa kadeda madedoha hose kahamba,

IWUKA 20:22

Mndumii-Ruwa kawia Mose, “Wia wana wa Waisraeli kudi, nyo muwenyi mowona ke ngadeda nanyo kuwuka ruwehu.

YESAYA 64:1

Kima kiwechiwa kong'alawuo ruwehu kosoka kundu mafumvu hadedeme oshangunyi lopfo,

YESAYA 64:3

Chando ulewuta shindo shiṟihishie lulawekusirie, nolesoka, mafumvu halededema oshangunyi lopfo.

HABAKUKI 3:3

Ruwa kacha awuka Temani, Icho ai mwele awuka fumvunyi lya Parani. Wuitoṟi woke wukashikia ruwehu, na oruka lukaichuo kiṟumi kyake.

WAROMA 7:16

Kyasia komkoya ndakundi ikyo njekewuta na ngaidikya ke wuwawaso nyi wuwucha.

NGUMBUO YA MAWAWASO 33:2

Mndumii-Ruwa nalecha awuka fumvuhu lya Sinai, naleluchea awuka fumvuhu lya Seiri; nalewaa awuka fumvuhu lya Parani. Nalecha kiidi kya shiku sha wamalaika, na modo fuweaka owokonyi loke lo kulyo.

NGUMBUO YA MAWAWASO 4:33

Ngesa wandu walemeicho ṟu lya Ruwa lyechideda lyiwuka kiidi kya modo chando mleicho, wakakia moo

NGUMBUO YA MAWAWASO 4:36

Nalemuinenga iicho ṟu lyake liwuka ruwehu kundu naidime imulosha wuindi; na iya wuyana kamuinenga iwona modo foke fung'anyi na iicho madedo hake hawuka kiidi kya modo fulya.

NGUMBUO YA MAWAWASO 4:8

Manya kuwode mkambo fungi fose ma fukang'ana fuda, fuwode mawawaso na wuikimbi wo lohi, cha ishi njikeri imulosha inupfo.

NGUMBUO YA MAWAWASO 5:4

Mndumii-Ruwa nalededa nanyo dumbu kui dumbu ipfo fumvuhu kiidi kya modo.