NEHEMIA 9:10 - Bibilia Kui Mdedie fo Kimochi

¹⁰ Nalyo kowuta maṟiho na shichano huye ya Farao, waṟundi wake wose na wandu wose wa Misri, nyi kipfa ili uweichi chandu waletuura waku wadu. Kowekuwonyia kiṟumi ki kikeripfo itane inu.

NEHEMIA 9:10 Iomraidhean Croise

NEHEMIA 9:16

Kyaindi wo na waku wadu wakawada ngoo njiumu, wakaleha iosha mawawaso hopfo.

NEHEMIA 9:29

Kowaikimba waindie mawawaso hapfo. Kya indi kipfa kya mrima yawo injiumu, walaikunde iindia wuwawaso wopfo, kyamba ichu moindia wuwawaso wopfo nyi sa echikaa na moo. Nawo ko orikiki lowo, walakunde iicho ang'u iwa wahendeli.

SHIIMBO SHA DAWIDI 83:18

Wamanye ke iyo, okelaho rina lyapfo Mndumii-Ruwa, nyi iyo kumonyi ui huye, huye ya wuyana wose.

IWUKA 18:11

Wulalu ngamanya ke Mndumii-Ruwa nyai mnene kota maruwa hose; ee-da, kiidi kya mbonyiyo walewawutia kui wunesi.”

IWUKA 3:20

Na inyi njechihoṟuo owoko loko, na ikapa Misri kui ṟiho tsako tsose, njechitsiloṟa kiidi kyake, na numa nechimwinenga momu muhende

IWUKA 5:2

Farao kahamba, “Mndumii-Ruwa nyiu, tane ngaicho ṟu lyake, na iinenga Waisraeli momu wakuhendie kowo? Inyi njiichi Mndumii-Ruwapfo, manya njechiinenga Waisraeli wahende kowopfo.”

IWUKA 7:1

Mndumii-Ruwa kawia, Mose, “Ambuya, ngakutana iyo nowe cha Ruwa ko Farao; na manomayo cho opfo Aroni nechiwa muikimbi kopfo.

IWUKA 9:16

kyaindi, njilekuhoṟotsa iyo kipfa kya iki, kundu njikuloṟe wuidimi woko, na kingise ke rina lyako, lihambo wuyanenyi kose.

YESAYA 42:20

Nyi uwonyi shindo shifoi, kyaindi uwikie mrimenyi fopfo-pfo; madu hake hatambaṟukie, indi haichuo kindopfo.”

YESAYA 63:12

Alewasongoya ko owoko loke luele, ko owoko lo kulyo lo Mose? Nyi aleletsana mṟinga kawi wawonyi, kundu wawone weching'anyisha rina lyake mlungana?

YESAYA 63:14

Cha ili mbe tsisokia pichinyi, Mumuyo fo Mndumii fukawasiṟa moo; nyi wudo ulesongoya wandu wapfo, kundu ukuwikie wuitoṟi rina lyapfo.

YEREMIA 32:20

Kulya orukenyi lo Misri nulewuta ngata tsing'anyi, na wudo uengeṟa iwuta mṟasa inu kiidi kya Waisraeli na kiidi kya mkambo ingi da, kindo kiinengie komanyika orio handu.

EZEKIELI 20:9

Kyaindi njilakunde iwawutia kudo, kyamba njiwechiendie rina lyako wusutsu kiidi kya wandu walya wawei kiidi kyawo, kipfa njiwemesonguo ihamba oshangunyi lo Waisraeli ke njihenda iwawuta kulya orukenyi lo Misri.’

DANIELI 4:37

Na hong'u inyi Nebukadneza njiadapfuma Mangi ya ruwehu, njimṟumisha, njimuindia; kipfa mawuto hake hose nyi ha lohi, na njia tsake nyi tsa sumuhana; walya wekushela wose nekewasotsa.

DANIELI 5:23

Kokuirinyisha oshangunyi lo Mndumii-Ruwa o ruwehu; mkaende shombo shilya shele shikaendo na mmbenyi yapfo mukanyo nasho iyo na wanene wa mkambo, na waka wapfo na shitonga shapfo, mokiidima mukaṟumisha maruwa hanu ha wongo ha sahabu na fesa na aṟeṟa, na ha mashidi na ha maho; halekewona manya iicho, na halaichi idedo lyose na Ruwa ulya mṟufu fopfo fui kuwokohu koke na njia tsapfo nyi tsake ulakunde imṟumisha.

DANIELI 9:15

“Na wulalu hoi Mndumii-Ruwa, Ruwa odu, ulewuta wandu wapfo wusingenyi wulya wo Misri kui owoko lopfo lwapfinya, kowona kiṟumi itane inu, lomewuta wunyamaṟi, lukawuta mawicho.

MAWUTO HA WASU 7:36

Icho nyiong'u alewawuta kechitana ṟiho na shichano kulya orukenyi lo Misiri na kulya ipalyipalyinyi lya malale na kulya nuka hando ha maka makumi haana.

WAROMA 9:17

Kyamba Maṟehyo Maele hahambye kya Farao, “Kitewe ngakuwika mangi nyi kundu njimanyishye kopfo pfinya yako mbode na rina lyako liweongoya ipfo orukenyi kose.”

NGUMBUO YA MAWAWASO 4:34

Kuwode Ruwa ungi oose aleheṟia manya indi ihenda ionduo mkambo foke kuwuka mkambonyi fungi, chando Mndumii-Ruwa, Ruwa onu, alewika, kulya Misri. Mesonyi hanu muwenyi, naleloṟa pfinya tsake tsing'anyi na wuidimi woke shihesho sha kiṟiha, na shida, kaende shindo shioweshie mesonyi hanu kulya Misri?

NGUMBUO YA MAWAWASO 7:19

Kumbuo ndaaṟe njiwicho muletsiwona na meso hanu, shichano na ṟiho na pfinya tsing'anyi na wuidimi wunene, shilya Mndumii-Ruwa, Ruwa onu, aleshidika kundu namukiṟe; nyi wudo echiwutia wanduwo muwaowuo.

1PETRO 5:5

Na wudo nyo mui wakoho kyekuhooyenyi wameku. Indi nyo mose mupfungane nguwo muwenyi na wenyi nyi yo mkunyiiṟye yanu. Kipfa Ruwa awikye walya wekyekung'nyisha tunja indi walya wekyekunyiiṟa wo nyi awawonye wutonga.