NEHEMIA 9:1 - Bibilia Kui Mdedie fo Kimochi

¹ Nalyo mkonu fo makumi hawi na kaana (24) fo meri fo mfungade, Waisraeli wakakoyana, wakakuotoya wechiṟaa makunyia na ikushia mafu mdonyi yawo wechiloṟa mtochie.

NEHEMIA 9:1 Iomraidhean Croise

2SAMWELI 1:2

Ili lya ngama kukacha manake umu awuka kiṟaṟo kya ya Sauli, naweranduye nguo tsake na ikushia teri mdonyi kechiloṟa fowa yake. Ekishika handu Dawidi awei, kakuolotsa wanda na ipfiria Dawidi ndi.

2MBONYI TSA MAHERI 20:3

Kyasia, Yehoshafati kawado nyi wuowu, katerewa Mndumii-Ruwa, wulaanyi. Kawawasa ke, wandu wose orukenyi lo Yuda wakuotoye walalye kelya ma inyo mṟinga.

2MBONYI TSA MAHERI 7:10

Mkonu fo makumi hawi na kaṟaru (23) fo meri, Solomoni kawia wandu wose wahende kanyi. Kyasia wandu walya wakahenda kanyi waiwachihie na mrima mlalutsu, kipfa walewona shindo shicha sa Mndumii-Ruwa alewutia Dawidi, Solomoni, na wandu wake Waisraeli.

EZRA 8:21

Ngawawasa lukuotoye alya medenyi fo Ahara, lochikunyiiṟa oshangunyi lo Ruwa lochimterewa naluringe na ilusongoya kiidi kya kyaṟo kyadu hamu na wana wadu na masaa hadu.

EZRA 8:23

Ko kipfa kyaikyo lukakuotoya na iterewa Ruwa naluringe, nao kaluadanyia.

NEHEMIA 8:2

Kyasia Ezra ulya awei mkohanyi kaende kitapu kilya kya mawawaso oshangunyi lo mamingi fulya fo wandu fuwewode womi na waka na ulya oose echiidima iadanyia na imanya mawawaso ho. Iki nyi kilewutika mfiri fo kuwoka fo meri fo mfungade.

ESTA 4:16

“Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

ESTA 4:3

Kiidima ko orio isanga iwawaso lya mangi lyamewuto, Wayuda wose wawei cha wandu wawapfiie. Walekuotoya, wakafihiṟa na ikuinadia, wafoi wakalaa ifunyi waṟee makunyia.

YOBU 2:12

Wai haleshe walembona walammanye. Wakairia maṟu hawo wakafihiṟa, wakaola kiluli ipfo huye ya mdo yawo.

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YOELI 2:12

“Kyaindi Ma ulalu, Inyi Mndumii-Ruwa ngahamba, ‘Njihalukienyi na mrima yanu yose, ko ikuotoya na ifihiṟa na iwado nyi fowa.

WALEWI 23:34

“Wia Waisraeli kudi: Wokia mfiri fo ikumi na katanu fo merifo fo mfungade mochiwikia Mndumii-Ruwa, mfiri mnene fo matengo ko mfiri mfungade. Ifo nyi mfiri mnene fo Mndumii-Ruwa.

WALEWI 23:39

“Mkamemaa isambuo madema hanu mochiwika mfiri mnene ko mfiri mfungade, kuwokia mfiri fo ikumi na katanu fo meri fo mfungade. Mkonu fo kuwoka fochiwa fosia moo tane mfiri fo nyanya.

YOSHUA 7:6

Kyasia Yoshua handu hamu na wanene wa Israeli wakaranduo maṟao hawo. Kiidima wakakuhutsa wanda ya isanduku lilya lya mkundana lya Mndumii-Ruwa, wakawekushia kiluli mdonyi yawo.

OTAMBAHALUO LO YOHANE 11:3

Na inyi njechiwika-ho wangochi wako wawi, nawo wawe wechihamba mbiia tsa wuikimbi wo Ruwa mkonu kiku kimu na mahana hawi na makumi haṟandaṟu waṟee makunyia.

WACHILI 20:26

Wandu wose wa mbahanyi wa Israeli wakahenda Betheli. Walekaa oshangunyi lo Mndumii-Ruwa wechifihiṟa na ikuotoya mṟasa kyukanyi. Wakawutia Mndumii-Ruwa mwano yemaya modonyi na mwano ya ofoṟo.

1SAMWELI 4:12

Mkonu nafo, mndu umu o kisharinyi kya Benyamenyi kadicha awuka kiidi kya otasa lo kusonguo lo shidenyi mṟasa Shilo nguo tsake tsirandukie randukie, na kilulyi mdonyi koke.

1SAMWELI 7:6

Koikyo Waisraeli wose wakasanza kulya Mispa. Waledahia mṟinga na ifuletsia wanda oshangunyi lo Mndumii-Ruwa wakakuotoya mkonu fulya fose, wakahamba, “Lomewuta wunyamaṟi oshangunyi lo Mndumii-Ruwa.” (Samweli nawei msongoru o Waisraeli kulya Mispa).