NEHEMIA 8:2 - Bibilia Kui Mdedie fo Kimochi

² Kyasia Ezra ulya awei mkohanyi kaende kitapu kilya kya mawawaso oshangunyi lo mamingi fulya fo wandu fuwewode womi na waka na ulya oose echiidima iadanyia na imanya mawawaso ho. Iki nyi kilewutika mfiri fo kuwoka fo meri fo mfungade.

NEHEMIA 8:2 Iomraidhean Croise

NEHEMIA 10:29

Ambuya nyi lolungana na wanene wadu lochikulisa nyamu lochiwika kyasa na kokoya lotehia kyasa ki nyi lochiseso, ke nyi lochiosha mawawaso ha Mndumii-Ruwa aweluinengie kui owoko lo mṟundi oke Mose; ke nyi lochiindia isho shose Mndumii odu Ruwa aweluwawasie, ke nyi lochiwada mawawaso hake hose na mndubuye yake.

NEHEMIA 13:1

Kiheri kitapu kya Mose kilesomo kikamanyika ke Waamoni na Wamoabu wawode momu fo kulunga na wana wa Mndumii-Ruwa-pfo.

NEHEMIA 8:18

Orio mkonu Ezra kasomia wandu kitapu kya mawawaso ha Mndumii. Wakakaa mfuhonyi ko mfiri mfungade. Kyasia mkonu fo nyanya wakawika kisanzio king'anyi kemarisia mkonu mnene chandu wawei wawawase.

NEHEMIA 8:9

Naalyo wandu wo wekiicho mawawaso ho ha Mndumii-Ruwa, wakakoṟo mṟimenyi yawo wakafihiṟa. Nehemia ichu awei mnene owo na Ezra awei mkohanyi na mṟehi, hamu na Walewi walya wawekeri ilosha wandu wakawia wandu walya wose, “Mkonu fu nyi fui mwele ko Mndumii-Ruwa, Ruwa onu, koikyo manya mulawone mochifihiṟa ma isokio nyi fowa.”

NEHEMIA 9:1

Nalyo mkonu fo makumi hawi na kaana (24) fo meri fo mfungade, Waisraeli wakakoyana, wakakuotoya wechiṟaa makunyia na ikushia mafu mdonyi yawo wechiloṟa mtochie.

YESAYA 28:9

Nechilosha u wuṟango? Nechiwia u oloho? Ngesa, nyi walya waimo maruwa walewuto maweenyi?

WALEWI 23:24

“Wia wandu wa Waisraeli kudi: Mfiri fo kuwoka fo meri fo mfungade mochifuhaluo mfiri fosia moo, mfiri fo ngumbuo yechiedio kui ṟu lya maranda na iwada kisanzio kiele.

MALAKI 2:7

Kiwaṟi dumbu lya mkohanyi liwade wuṟango, wandu washihe wuwawaso dumbunyi lyake kipfa o nyi mngochi o Ruwa.

MAITALA 29:1

“Mfiri fo kuwoka fo meri fo mfungade, mochiwika kisanzio kiele. Manya mulaṟunde kindo. Ifo nyi mkonu fokapa iranda.

MAWUTO HA WASU 15:21

Kyamba kiheri sa kileshe madedo ha Mose hawode waimhamba orio mṟinyi ya wandu ili ekesomyo-ho ipfo masinagogenyi orio mkonu fo Sabato.”

NGUMBUO YA MAWAWASO 17:18

Kameshika idamia loṟikehu lo wumangi kimbaṟi nawade ofano lo kitapuki kya mawawaso ha Mndumii-Ruwa na kiloshio kiwukie ko Wakohanyi wa Kilewi.

YOSHUA 8:35

Kyasia kulakaeho manya idedo awewawasie Mose lilalesomo oshangunyi lo mamingi fo Waisraeli na waka, wana watutu na wahenu wawei kiidi kyawo.