NEHEMIA 8:10 - Bibilia Kui Mdedie fo Kimochi

¹⁰ Hendenyi kanyi konu musungusie mfuho fung'anyi, mukulie shindo shinoru, muwekunyoya na mvinyo sa mcha, kyaindi ambuyenyi muwekumbuo iinenga walya walawode kishikie, kyamba mkonufo nyi fukeri mwele ko Mndumii-Ruwa odu manya mulawone mochisumukia kyamba sia yo Mndumii-Ruwa amwinenga nyi yo pfinya yanu.

NEHEMIA 8:10 Iomraidhean Croise

1WAMANGI 8:66

Kiidi kya mfiri fo 8, Solomoni kasama wandu, nawo wakalangia Mangi ona, wakahenda kowo wechikapa ngululu na ichihiyo kipfa kya wucha Mndumii-Ruwa alewuloṟa ko Dawidi mṟundi oke, na wandu wake Israeli.

1MBONYI TSA MAHERI 16:27

Kiṟumi na ulole shika mṟingichia, pfyinya na sia shikaichuṟa Hekalu lyake.

NEHEMIA 8:11

Kyasia Walewi wakalembalemba wandu wechiwawia, “Ketsienying'u kya mkonu fu nyi fukeri mwele, manya mamlasokio nyi fowa!”

NEHEMIA 8:12

Nalyo wandu wose wakakuwuya na kanyi wakakulia na ikunyoya wai wachihie, wakawehawia walya walawode shelya, kyamba nyi walemanya shilya shose waleongoyo.

ESTA 9:19

Ko kipfa kya ikyo Wayuda wekekaa shimṟinyi shilai kiidi kya mfiṟiha, wo wekeindia mfiri fo ikumi na kana na idikiana shindo sha nga na nyi mkonu fo meri fo Adari.

ESTA 9:22

Nyilyo Wayuda walewinza wakituwa wawo kiidi kya mkonu yo, na kiidi kya meri fo fowa yawo ikahaluka ikawa ya sia, na ipfiio lyawo lyikawa mfiri fo seka na sia. Wakawawaso wakumbuo mkonu fo wechisungusia mfuho na idikiana shindo sha nga, na wakiwa wadikio shelya na shindo shingi.

SHIIMBO SHA DAWIDI 149:2

Israeli nachihio nyi Icho alembika, wana wa Sioni wakapie mangi yawo, ngululu.

SHIIMBO SHA DAWIDI 89:17

Iyo nyi kiṟumi na pfinya tsawo; na kui ikunda lyapfo lochiwinga.

MFANANO 17:22

Mrima mlalutsu nyi mdi mcha; Indi ngoo ikunyiiṟiye yehadutsa mafuo.

KOHELETI 11:2

Nohawie wandu washikie mfungade, itane nyanya; Kipfa ulaichi kiwi kechihoya oruka.

KOHELETI 2:24

Mndu o wandu awode kicha kada ilya na inyo, na iwihiṟia moo foke na shicha kiidi kya iṟunda lyake-pfo. Isho shiwukie owokonyi ko Ruwa.

KOHELETI 3:13

Nyi kisumbo kya Ruwa ke orio mndu nalye na inyo na ikesa kya maṟunda hake hose ahawinyie.

KOHELETI 5:18

Ambuya inyi njilewona kindo kicha kiwaṟi nyi mndu ilya na inyo, na ikeseka kya maṟunda mecha aṟundie kunu orukenyi mfiri yake yose aleinengo nyi Ruwa kipfa ilo nyi ohawi loke.

KOHELETI 9:7

Iyo kuhendiye, nokulyiiye kando kapfo na sia, uwenyo mvinyo fopfo na ngoo njilalutsu; kipfa Ruwa amewikia mboṟa maṟunda hapfo.

SHIIMBO SHA SOLOMONI 5:1

Njiida na kyahunyi kyako, mshiki oko, mana mka o walyi. Njihaa manemane na shiungo , njilya iwuwu lyako lya wuki, njinyo mvinyo foko na maruwa hako. Henda lyenyi, nyonyi, ee, nyonyi mnu, wakunde wako.

YESAYA 49:5

Na wulalu Mndumii nahamba adi, ichu alenjiwumba wokia wusunyi njiwe mṟundi oke, kundu njimwendie-se Yakobo, na Israeli wakusanyie oshangunyi loke-se; (kipfa inyi njilewona Kiṟumi oshangunyi lo Mndumii, na Ruwa kawa pfinya tsako;)

YESAYA 61:10

Njechichihiyo mnu kiidi kya Mndumii, mrima foko fochikesa kiidi kya Ruwa oko; kipfa nanjiṟikie maṟao ha okiṟo, kanjishikia na nguwo ya wusumhanyi, chandu menyi walyi ekekusungusia kui kofia ya shiwaṟo, na mpora chando ekekusungusia na shindo sha sahabu.

YOELI 2:23

“Chihiyonyi nyo wana wa Sioni, kapenyi ngululu cha kipfa, Mndumii-Ruwa, Ruwa onu, amemuinenga mvuo ya kisie, amemuinenga mvuo ishikie ; mvuo ya kisie na fuli chandu kuwei kuwoka.

ZEKARIA 14:21

Ee, orio kihiya kii Yerusalemu, na kiidi kya Yuda, kechiwa kiele ko Mndumii menyi Matorito; na wose wekedasa wechicha wawuteho shihiya shilya na ikoṟiyapfo nyama; manya mkonufo echiwonopfo mndu mokapase mbucha mbenyi ya Mndumii menyi Matoritopfo.

LUKA 11:41

Kyasia, shilya shii ipfo kya-mba, saṟienyi nasho wandu, na shose nyi shechimbiia sha osu.

2 WAKORINTO 8:2

Cha kipfa msiha fowo fuwekuingikye fudi ipfo kundo wafoyo shihesho sha shiwira na wukiwa wowo mawowo shikafeṟa mfeṟa fulya fo wuleki wowo.

WAFILIPI 3:4

Ma kuwode kiwentewa inyi njiwechikusirya na mbihu. Kokoya kwipfo mndu ma kawa u akusirye na nyama tsa mbihu, kya ngoseṟa nyio inyi.

OTAMBAHALUO LO YOHANE 11:10

Na wandu wai kunu wuyana wechichihio kya opfu lo iwo wawi na yaala mkonu ya seko na yamtsana na shindo sha nga cha kipfa waikimbi walya wawi walerohya mnu wandu wai kunu wuyana.

1SAMWELI 25:8

Kowakuwesia, wechikuwia; Wulalu ngakuterewa keambia wanakewa wako, kyamba locha na iya kiheri kya mkonu mnene. Hoi kekuluinengie kindokyo kyose chando ochikuidimia so Waṟundi wapfo na mbuya yapfo mkunde Dawidi.”