NEHEMIA 7:2 - Bibilia Kui Mdedie fo Kimochi

² nalyo ngasambuṟa mana o wama oko Hanani nahoṟokie Yerusalemu kechitaramo nyi Hanania awei mnene otiṟiwa lo Yerusalemu kyamba nyi awei mndu o wusumhanyi, aweowoye Mndumii-Ruwa kota wandu wengi,

NEHEMIA 7:2 Iomraidhean Croise

MAWOOKIONYI 42:18

Yosefu kawawia mkonu fo kaṟaṟu, “Wikeni mudi, mukie, kyamba ma inyi nji mhendeli o Ruwa.

2SAMWELI 23:3

Ruwa o Israel adeda; iho lya iṟaṟa lya Israeli likadeda na inyi na ihamba; “Kuicha Mangi echichilia wandu kisumuhanyi; nechichilia wandu kechiowuo Ruwa.

1WAMANGI 18:12

Kipfa kechiwa, ili njechikure kopfo, mumuyo fo Mndumii fochikuduo uhende kundu njilakuichi, na inyi ili njechihenda iwia, Ahabu, nao nalakuwone, nechinjiwaha, indi inyi mṟundi opfo njiowoye Mndumii wokia uwanake woko.

1WAMANGI 18:3

Ahabu kalaha Obadia, awekehoṟokia mba yake, (na Obadia chu naweowoe mnu Mndumii.

NEHEMIA 1:2

Hanani awei mana o wama oko kanjichea handu hamu na wandu wengi wawukie orukenyi lo Yuda. Kii kidi ngawawesa mbonyi tsa Wayuda walya walekia waladao wusingenyi wo Babeli na mbonyi tsa mṟi fulya fo Yerusalemu.

NEHEMIA 10:23

Hoshea, Hanania, Hashubu,

NEHEMIA 13:13

Kyasia ngasambuṟa wandu wa wawe waringi wa shikumbi; mkohanyi Shelemia, Sadoki ichu awei mṟehi, na Pedaia ichu nyi Mlewi, Hanani mana o Zakuri, mana o Matania ichu kawa mtarami owo. Iwa nyi wawei wandu wahendeli na iṟunda lyawo likawa ihawia wana wamayawo shilya wawehuṟi.

NEHEMIA 2:8

Kingise njikuterewa nyi iki ke kuṟehiye paruo ko Asafu mringi omashidi ha mangi kundu nanjinenge mbau tsesungusia maboriti ha mongo iya ya hekalu, njombombo tsa mṟi fulya na mba yo yako njechikaa.” Nalyo mangi kaidikia kiterewo ki kyako kyamba Mndumii-Ruwa nyi awei kimu na inyi.

NEHEMIA 5:15

Wanene walenjisongoya wawei mhanda mlemeri ko wandu kyamba nyi wawekewawesa shelya na mvinyo, wakawewawesa wawatae fesa tsilemeri tsiwode shekeli makumi haana (40) tsa fesa. Waṟundi wawo wakawewonyia wandu. Kya indi inyi njilewuta njidopfo, kyamba nyi njiweowoye Mndumii-Ruwa.

NEHEMIA 7:3

na inyi ngawawasa, “Mongo yose ishingo kio mṟasa ngamenyi ili mnengeṟi fomdo. Waringi wo walamehenda wapfunge necha mongo na makofuli hayo. Ngawewawasa wasambuṟe waringiwo kiidi kya wandu wa Yerusalemu na orio umu nakae handu hake sumuhana na mba yake.”

YOBU 1:1

Kuwewode mndu umu o oruka lo Usi, rina lyake nyi Yobu. Mndu chu nawei o wusumhanyi, naweowoye Ruwa kakuletsanatsana mawicho.

SHIIMBO SHA DAWIDI 101:6

Meso hako hechiembeṟukia wahendeli orukenyi, iwo wakae na inyi. Ichu mochumia njienyi njiharami, nyio sa echinjiṟundia.

IWUKA 18:21

Ngoseṟa ya isho nochikuwonyia kiidi kya wanduwa wandu wawode wuidimi; wahendelie Ruwa, wandu wa wukilohi, wasuo mbucha tsa mbaka; wawike wusongorunyi wowo, wawe wasongoru wo wandu shiku, na wasongoru wa wandu mahana, na wasongoru wa wandu makumi hatanu, na wasongoru wa wandu ikumi;

DANIELI 6:4

Kyasia walya wawewawike wesongoya wengi wakashiha mnu chandu wechiwika kundu Danieli nawuto iṟundenyi lyo lya mbonyi tsa wusongoru; indi walaidime immbonyia mti; kyamba nawei mhendeli nalawade kindo awewutie kya mtambo.

MAITALA 12:7

Kyaindi kya mṟundichu oko Mose nyi kii kiwungi nakamu. O nawode iṟunda lyeringa wandu wako wose.

MATAYO 24:45

“A nyi wu akeri-ho ai isinga lihendeli akeri na mṟango chu Mndumii ambikye mnene mokalya kulya kanyi koke nainengye na masinga wodoe shelya ili kiheri kishikye?

MATAYO 25:21

Mndumii oke kambia, “Nyi kulewuta necha kui isinga sa licha lihendeli. Nyi uwekeri mnene o shindo shitutu koweshihendelya. Njekuwika mnene o shindo shifoi. Henda kuidye na sienyi ya Mndumii opfo.”

1 WAKORINTO 4:2

Kikawa kido kitsuhae kyeringa waheki nyi nashike iwono ai mteechi.

2TIMOTEO 2:2

Ambia kiloshio kilya uleicho koko oshangunyi lo wangochi wafoi sho ualie wandu waidikye iwa wasumuhanyi sa wechiidima ilosha wengi.