NEHEMIA 7:1 - Bibilia Kui Mdedie fo Kimochi

¹ Kyasia omombo lulya lomemarisika iwiko, mongo yose yamemarisika da, isambuṟa waringi wa mongo lyammaiwutika, waikimbi hamu na Walewi wamemaa isambuṟo,

NEHEMIA 7:1 Iomraidhean Croise

2WAMANGI 7:10

Kyasia wakahenda, wakalaha waringi wa mṟi wakawawia, “Luleshika handu Washami wekekaa, kuwewode mndu osepfo, ma ṟu lya mndu liichio-pfo, sile frasi tsitsipfunge, na nzoi, tsiwetsipfunge na mahema hawo chando wawehadeye.”

2MBONYI TSA MAHERI 31:2

Mangi Hezekia kasayase wakohanyi na Walewi kui shiumbu, kainenga orio umu owo iṟunda lyake, leṟunda kulya hekalunyi lya Mndumii-Ruwa. Maṟunda ho nyi hamu na halya heambilia na hewuta shidaso shemaya modonyi na shidaso sha ofoṟo, iana Ruwa na imṟumisha.

EZRA 3:8

Iṟunda lyewika hekalu lilya lya Yerusalemu lilewoka meri fo kawi wokia wawuka wusingenyi. Zerubabeli, Yeshua, na wana wa wamayawo, wakohanyi na Walewi na walya wose walewuka wusingenyi walewoka iṟunda. Wakawika Walewi waweshitsie maka makumi hawi na ngoseṟa wahoṟokie iṟunda li lyewika hekalu li ko wuhya.

NEHEMIA 10:39

Kii kidi Waisraeli na Walewi nyi wechiduo mwano ya Ngano, mvinyo, na mafuda ipfo shiṟihenyi handu shindo shiele sha hekalu shekesuṟumo na ipfo kundu wakohanyi, waringi wa mongo na waimbi wekekaa. Kiheri kyose nyi kiluwaṟi iringa mnu mba ya Mndumii-Ruwa odu.

NEHEMIA 11:3

Kyaindi kiidi kya mṟi na shihongo shilya shingi, wandu wa Israeli, wakohanyi, Walewi, waringi wa mongo, na wana wa waṟundi wa Solomoni, wo nyi walekaa shihongonyi shawo na mṟinyi yawo wawenyi.

NEHEMIA 12:24

Wanene wa Walewi; Hashabia, Sherebia, Yeshua mana o Kadmieli nyi walehoṟoka sumuhana na wanene wamae; iwa nyi waleimba shiimbo sheṟumisha na sheana, kiwei chando Mangi Daudi mndu o Ruwa awewawasie.

NEHEMIA 6:1

Kyasia Sanbalati, Tobia, Geshemu, Mwarabu na wakituwa walya wadu wekiicho ke lulememarisa iwika omombo lulya na iichuṟa manya iya yose (indi luwememarisa iwika mongo ya mongo iya ing'anyipfo).

NEHEMIA 6:15

Kyasia omombo lulya lukamarisika iwiko mkonu fo makumi hawi na katanu (25) meri fo Eluli, na iṟundali lyose nyi lilemarisikia ko mfiri makumi hatanu na iwi (52).

NEHEMIA 6:19

Iwa nyi wawekenjiongoya mbonyi njicha tsa Tobia na imdaya mbonyi tsako nao kawamonjiṟehia paruo tsenjiowesha.