NEHEMIA 6:9 - Bibilia Kui Mdedie fo Kimochi

⁹ Kyamba nyi walewuta wado wechikusaṟa ke nyi lochiowuo naso lulolome lulechiṟundase iṟunda lyi. Nalyo ngaterewa Mndumii-Ruwa njechihamba, ‘Hoi Mndumii unjiwanze.’”

NEHEMIA 6:9 Iomraidhean Croise

2MBONYI TSA MAHERI 15:7

Kyaindi nyo kutumuhaṟenyi, mlapfio nyi mdo. Maṟunda ho hanu hechitao.”

2MBONYI TSA MAHERI 32:18

Wanene walya walededa ko ṟu sa ling'anyi ko mdedie fo Kiebrania kundu waoweshe na ifunja mrima ya wandu wa Yerusalemu sa wawei onandenyi, kundu wakangaṟike na iowuo, kundu wo waidime iwada mṟi fulya mdeho ko urendewele.

EZRA 1:6

Walya wawei mṟasenyi nawo wakawaengeṟia pfinya ko shinengo shawo cha fesa, sahabu, masaa hengi, shuma, na shindo sha wuhuru wung'anyi na shidaso shemaya modonyi sha kulya hekalunyi.

NEHEMIA 6:14

Nalyo ngaterewa Mndumii-Ruwa njechihamba, “Hoi Mndumii keambuyawo shindo Tobia na Sanbalati walewuta, uwe ambuya mwikimbi ulya o kika hamu na waikimbi wengi wose wawekundi injiowesha.”

SHIIMBO SHA DAWIDI 138:3

Mkonu fulya njilekulaha kulenjiidikia, konjiwihiṟia moo mrimenyi kui injiwika pfinya.

SHIIMBO SHA DAWIDI 56:3

Mfiri fo fowa foko njechikusiria kopfo,

SHIIMBO SHA DAWIDI 68:35

Ruwa nyi aoweshie; kuwokia handu hake haele. Nyio Ruwa o Israeli, nekeinenga wandu wake pfinya na wuidimi. Mndumii narumisho.

SHIIMBO SHA DAWIDI 71:1

Ngakudichia iyo, Mndumii; njilasuke mlungana.

YESAYA 40:29

Nekeinenga pfinya iwo wauma, nekeengeṟia pfinya ichu alawode pfinya.

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YEREMIA 38:4

Wanene wakawia mangi, “Kiwaṟi mndu chu nawoho kipfa naifunja mrima ya Waaskari wo wawade mṟinyi kimu na wandu wose, ko ihamba madedo cha iho. Ichu alangie wandu wa mecha pfo, indi nyi mawicho.”

EZEKIELI 30:24

Ambuya njihenda iwikia mawoko ha Nebukadneza mangi o Babuloni pfinya, njiwewika oshu loko mawokonyi hake. Kyaindi njechifunja mawoko ho ha Farao, nao nyi echiṟohoṟa oshangunyi lo mangi o Babuloni cha mndu amfaṟe owicho.

ZEKARIA 10:12

Njechiwainenga pfinya kiidi kya Mndumii, wechichumia ipfo na ipfo kiidi kya rina lyake, Mndumii ahamba.

2 WAKORINTO 12:9

Nao kanjiwia, “Wutonga woko wukufoi kyamba pfinya yekekuholokya ipfo kundo kuwode wufafa.” Nkyo kimaduma kilya kinnengye sia iidye tsingi tsose nyi ikuṟumisha kya shilya shehamba wufafa woko, kundu pfinya ya Kristo insoke yekaa na inyi.

WAEFESO 3:16

Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke.

WAEFESO 6:10

Kya shingi shose mukuwanzye Mndumii-hu na wunene-hu wo pfinya tsake.

WAFILIPI 4:13

Ngakuidimya njido shose njii na ichu monjikapya owanzo.

WAEBRANIA 12:12

Nkyo kimwenenge muhende ikarisha mawoko halya hai-masotse owaa na ndi tsilya mulakae marehe.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.