NEHEMIA 6:12 - Bibilia Kui Mdedie fo Kimochi

¹² Nalyo ngawuta ho imanya ke nyi awei mhuṟe nyi Tobia na Sanbalati kundu waonguo mawicho hako chi Ruwa alemdumapfo.

NEHEMIA 6:12 Iomraidhean Croise

NEHEMIA 6:11

Na inyi ngakuwesa mrimenyi foko, “Ngesa mndu cha inyi na kinjiwaṟi idicha? Ngesa mndu cha inyi na kiwaṟi idichia mba ya Ruwa kundu njikae na moo? Ambuya njechiida na hekalunyi manya le pfo.”

NEHEMIA 6:13

Kii kidi nyi aweimhuṟe kundu nanjioweshe kundu njihende ideko. Ngamemaa ideko wawuteho mweke fo nyamaṟa rina lyako na isotsa kiṟumi kyako.

YESAYA 56:11

Shite sho shiwode wuumu, shekeihudapfo, na iwo nyi walisi walechiidima imanya idedo; wose piu wahalukie kihadi, waoshe njia tsawo wawenyi, orio umu kui kiira kyake, wuka njora tsose.

YEREMIA 14:14

Nalyo Mndumii kanjiwia, “Waikimbi-wo waikimba kui rina lyako wongo, inyi njilewadumapfo, njilewawasapfo manya njilededa nawopfo, wakeri imuwia mbonyi tsa wongo na makusaro ha wongo, na wulashi na mdambuye, na orio idedo lya ulya lya shilya wakusaṟa wawenyi.

YEREMIA 23:16

Mndumii menyi Matorito nahamba adi, “Mulaadanyie madedo ha waikimbi wehamba shisuku; wekelosha wongo, wekededa shilya wawonyi wawenyi shiwukie ko Mndumii pfo.

YEREMIA 23:25

Njileicho isho waikimbi walehamba shisuku sha wongo kui rina lyako wehamba, ‘Ngalodia ndodo! Ngalodia ndodo!’

YEREMIA 28:15

Nlyo mwikimbi Yeremia kawia mwikimbi Hanania, “Adanyia wulalu o iyo Hanania Mndumii alekudumapfo kyaindi nuwia wandu madedo ha wongo.”

EZEKIELI 13:19

Mulewuṟa wuindi oshangunyi loko na lo wandu wako mukatewo nyi ohi lo Ngano na shipeṟengu shifunjo sha mkate. Mukawaha wandu walawewaṟi ipfa mochiwia wandu wako wongo nawo wakawemuindia.”

EZEKIELI 13:22

Kyamba kui wongo yanu nyi muleendie wandu wa wasumhanyi fowa njilawekundi waiwone, mukawekarisha wawicho waengeṟe iwichuo kundu waladumbuye wahende iashuo mrima yawo.

EZEKIELI 13:7

Kyaindi muwonyi ke ndodo tso tsanu nyi tsa wongo, na wuikimbi wo wonu nyi wolemba? Indi nyi muihamba nyi madedo hako indi inyi njilememudumepfo.”

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

MAWUTO HA WASU 20:33

Na inyi njilepfula-ho ma fesa ma sahabu ma mṟae ya mndupfo.

1 WAKORINTO 12:10

Na ungi amnenge iwuta ngata tsa pfinya, na ungi ihamba wuikimbi na ungi itichya wuilachi wo Mumuyo iya iipfo, na ungi aimnenge mdedye ya shiṟuma, na ungi amnenge wuṟango wodambuya shiṟuma shilya.

1 WAKORINTO 2:15

Indi mndu msumbe Mumuyo eketichya shose nao amonyi alawa itichio nyi mndu.

1TIMOTEO 3:3

Nalawe mkuwi, nalasohuo mondu, indi nawe mwoloṟu alalang'a, alai mweehi.

TITO 1:7

Kyamba moambuya siṟi kimbari nawe mndu mteechi akerye Ruwa cha mwiṟichi alawode tumbe, alai mlang'a ma makinango ma manzina ma mongula.

1PETRO 5:2

Ngawatutuma, ke lisiṟenyi poo lilya lya Ruwa lii konu chi cha ili mui-waitike-pfo kya indi kui macha ha Ruwa, mulapfule-ho mbucha indi muliwade na kuimbeṟe.

2PETRO 2:3

Ili wawodo nyi wuehi wechikapa nanyo mbucha kui sumu tsawo tsa wongo. Indi kui kiheri kileshe Moanduya owo nakuṟeheṟie, na Morumatsa owo nawonyi.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

OTAMBAHALUO LO YOHANE 18:13

Na mso fopfamiṟa shelya; na fungi fopfamiṟa mvinyo, na shimiia shepfamya mba opuo lo mtsu na kimiia kyesungusia mshimbuo ya opfamo, na kimiia kya opfamo, na mvinyo na mafuda ha msinepfu na mso mamiri na ngano njili, na mbe, na machondi na frasi na magari na masinga hawo na mrima yawo.