NEHEMIA 4:2 - Bibilia Kui Mdedie fo Kimochi

² oshangunyi lo mbuya tsake na mbahanyi tsa Wasamaria kahamba, “Nyi kiki Wayuda wa wafafa wakeriwuta? A ngesa nyi wechiidima iwika se mṟi fu ko wuhya? A wecheidima iwuta shidaso ngesa? Ngesa nyi wechiidima imarisa iṟunda lyi ko mfiri fumu? A ngesa wechiidima isanyiase maho ho hakuumbiṟie ipfo mawiwenyi kundu halekoṟio haweidimase iwika mba.”

NEHEMIA 4:2 Iomraidhean Croise

EZRA 4:4

Koikyo wandu walya wawelee kulya orukenyi wakawoka iwasohuo mondu nai wafafaṟa kundu walemo iwika hekalu lilya.

NEHEMIA 12:27

Kyasia kiheri keshimbuo omombo lulya lo Yerusalemu kya meshika Walewi wose nyi walepfulo orio handu wawei kundu wache ikeseka na iṟumisha ko sia na shiimbo sheana wechiimba na matoasi, shiimbo na zeze.

NEHEMIA 12:43

Kyasia wandu wakawuta shidaso shifoi wawachihie kyamba Mndumii-Ruwa, nyi alewachihiṟa mnu. Waka handu hamu na wana watutu wakachihio mnu koikyo kifahio na ngululu tsikaichio kulya mṟinyi na mṟasenyi.

NEHEMIA 4:10

Wayuda nawo wakawoka inunuwa wechihamba, “Ambuya iwa weṟunda pfinya tsawo nyi tsahenda tsechitutia, napfo nyi kutsuhae mbosha ifoi yekudika. Luidima se iwika omombo lo pfo.”

NEHEMIA 6:15

Kyasia omombo lulya lukamarisika iwiko mkonu fo makumi hawi na katanu (25) meri fo Eluli, na iṟundali lyose nyi lilemarisikia ko mfiri makumi hatanu na iwi (52).

SHIIMBO SHA DAWIDI 83:4

Wahamba, kenjonyi luwaarisie kuleshe walawe mkambo, na rina lya Israeli lyechisendosepfo.

YEREMIA 26:18

Mikaya Mmorashti, nyi aleonguo kiheri kya Hezekia mangi ya Yuda. Kadeda na wandu wose wa Yuda, ke Mndumii o matorito nahamba adi: “Sayuni yedemo cha dema lyedema, na Yerusalemu yewa mrapu na fumvu, lya mba lyechiwa cha hando kukuirie ngeṟenyi.

YEREMIA 33:24

“Ngesa, kulemeicho chandu wandu-wa wekehamba inyi Mndumii-Ruwa njilekumbalia kuleshe wandu wa Israeli na wandu wa Yuda, wandu wa mba tsiwi njiletsisambuṟa? Walemina wandu wako, mṟasa iwawona chi mkambo pfo.

DANIELI 9:25

Kyasia wulalu umanye, wokia wuwawaso wo isungusia na iṟeheṟa wuhya Yerusalemu mtano kiheri kya icha lya ichu amshie mafuda ang'anyi; kochiwa mfungade mfungade. Ko mfungade makumi haṟandaṟu na iwi (62), mṟi fo Yerusalemu fochiwiko se ko wuhya na fochiwada mtandaṟa mnene na mṟeshi kyaindi kiheri kyo kochiwada wukiwa.

HABAKUKI 3:2

“Hoi Mndumii, ndeicho mbonyi tsapfo, na inyi ngaowuo; Hoi Mndumii, ṟutsa iṟunda lyapfo kiidi kya maka; Kiidi kya maka, onguo mbonyi tsake Kiidi kya nyashi kumbuo isaṟia.

ZEKARIA 12:8

Mandi ho Mndumii nechiringa wandu wa Yerusalemu na icho ai mnyonge kiidi kyawo, nechifanana na Dawidi mkonu fo; mba ya Dawidi yechiwa cha Ruwa cha Malaika o Mndumii oshangunyi lowo.

ZEKARIA 4:10

Nyiu alemina mkonu fo shindo shitutu? Kipfa wechichihiyo, nawo wechiwona orusu lo hesha mba lokehoṟotsa omombo luwodo nyi Zerubabeli, ee da ka mfungade; ho meso ha Mndumii hai ipfo na ipfo wuyanenyi kose.

1 WAKORINTO 1:27

Kya indi shilya shii-shitane sha wutondo nyi wuyana wu nyisho Ruwa ameshisambuṟa shesonusha waṟango, na shilya shifafa sha iya wuyana nyi sho Ruwa alesanga nahutsye nasho shilya shiapfinya sonu.