NEHEMIA 3:15 - Bibilia Kui Mdedie fo Kimochi

¹⁵ Shalumu, mana o Kolhoze, mnene o kidembo kya Mispa nyi alewika ko wuhya mongo fulya fo Soka Aska kaishikia kawewika mongo huye yake kawewikapfo cherenyee na sombo tsake. Nduwa iya ya Shela kasungusiapfo omombo kufui na bustani ya mangi mṟasa ngasi tsilya tsesoka tsiwuka mṟinyi fo Dawidi,

NEHEMIA 3:15 Iomraidhean Croise

2SAMWELI 5:9

Kyasia, Dawidi amewada mṟi fulya fumṟingichie omombo fo Sioni, kakaapfo, kafulaha nyi “Mṟi fo Dawidi.” Dawidi kawika mṟi fulya kafuṟingichia omombo kechiwokia Millo na ihendia kiidi kya mṟi fulya.

2WAMANGI 25:4

Kyasia ora lumu lo mawanda ha mṟi lulefunjo, na waaskari wose wakadicha ili kio wechiida kiidi kya kyahu kya mangi kichuminyi makidi hawi ha mawanda hawi, wakahenda ora lo Araba, ma chandu Wababeli waringichie mṟi.

2MBONYI TSA MAHERI 32:30

Mangi Hezekia nyio alepfunga mṟinga fo soka tsa Gihoni, katsisumia mfoo, tsikaida wanda ko wanda, mṟasa ora lo kyukanyi lo mṟi fo Dawidi. Mangi Hezekia nalehuyo kiidi kya orio kindo alewuta,

NEHEMIA 12:37

wechiidiya mongo fulya fo soka, wakadoya ngasi tsila tsidoye mṟinyi fo Dawidi, wechiidiya mba ya mangi Dawidi, wakawuyase na omombo mongonyi fo soka kya ora lo ngamenyi lo mṟi fulya.

NEHEMIA 2:14

Numa ngawekuhendiyase mongo fulya fo soka alya hando nduwa ya mangi ikeri. Kyaindi nzoi iya njiwedoye ilaidime iida handu ha.

NEHEMIA 2:17

Kyasiang'u ngawawia, “Ambuyenyi, nyo nyi muwonyi wufafa wodu, ke mṟi fu fo Yerusalemu nyi funyamaṟikie na mongo yafo nyi injikoṟe ko modo. Kipfa kya ikyo luwikese se ko wuhya mṟi fu fo Yerusalemu kundu fulaengeṟe uluendie sonu.”

NEHEMIA 3:12

Kyenga kileosha nyi kilewiko nyi Shalumu, mana o Haloheshi, awei mnene o kyenga kya kawi kya oruka lo Yerusalemu. Ichu wana wake wa kika wakamwikanyia iṟundalyo.

NEHEMIA 3:14

Mongo fulya fo Kyala nyi fulewiko ko wuhya na Malkia, mana o Rehabu, mnene o kidembo kya Bethlehemu. Kawewika necha mongo fulya handu hafo kawesungusia cherenyee na sombo tsaho.

NEHEMIA 3:19

Ora luitumanyi nalo sumhana na mba ya shisha sha shida kufui na omombo Ezeri kaluwika ko wuhya ichu ai mana o Yeshua mnene o Mispa.

NEHEMIA 3:7

Wandu waleosha kya iṟunda lyi lyewika wuhya nyi Melatia, Mgibeoni, Yadoni, Mmeronothi hamu na wandu wa mṟi fo Gibeoni na Mispa, iwa nyi wawei wandu wa mnene o oruka ora lulya lo kyukanyi lo meda fo Efurate.

NEHEMIA 3:9

Kyenga kileosha kikawiko ko wuhya nyi Refaya, mana o Huri, ichu nyi awei mnene o kyenga kya oruka lo Yerusalemu.

KOHELETI 2:6

ngawewika na nduwa tsa mṟinga tsinose mashidi halya matutu.

YESAYA 8:6

“Kipfa wandu wa waleha mṟinga fo Shiloa fokeida kyomboho, na ichihiyo kipfa kya Resini na manacho o Remalia;

YEREMIA 40:6

Kyasia Yeremia kahenda Mispa ko Gedalia mana o Ahikamu, kakaa kimu nao na waletsuhaa kulya orukenyi.

LUKA 13:4

Ang'u, walya ikumi na nyanya wehoyo nyi kitaanga kilya kya Siloamu kikawawaaha, nyo nyi mokehamba ke nyi waweei wanyamaṟi wakaida wandu wa Yerusalemu ko?

YOHANE 9:7

Kambia, “Kehenda kusanje kulya nduwenyi ya Siloamu.” (Kohalwo nyi kimu na “Mndu mdume.”) Nao mpfu meso ulya kakuhendya-pfo kakusanja, adi kawuya kechiambwo.

WACHILI 20:1

Wandu wose wa Israeli, wokia Dani itane Beer-sheba, hamu na wandu wa oruka lo Gileadi, oshari lose walekusanzia ipfo Mispa, oshangunyi lo Mndumii-Ruwa.

WACHILI 20:3

Wandu wa kishari kya Benyamini wakaicho mbonyi ke wandu walya wengi wa Israeli wa kusanzie ipfo Mispa. Kyasia, Waisraeli wakawesa msoṟo ulya Mlawi “Luongoye, wuwicho-wu wulewutika kuda?”