NEHEMIA 3:12 - Bibilia Kui Mdedie fo Kimochi

¹² Kyenga kileosha nyi kilewiko nyi Shalumu, mana o Haloheshi, awei mnene o kyenga kya kawi kya oruka lo Yerusalemu. Ichu wana wake wa kika wakamwikanyia iṟundalyo.

NEHEMIA 3:12 Iomraidhean Croise

NEHEMIA 3:9

Kyenga kileosha kikawiko ko wuhya nyi Refaya, mana o Huri, ichu nyi awei mnene o kyenga kya oruka lo Yerusalemu.

NEHEMIA 7:45

Waringi: walya wa kisharikya Shalumu, wa Ateri, na Talmoni, wa Akubu, wa Hatita na wa Shobai, nyi ihana limu makumi haṟaṟu na nyanya (138).

IWUKA 35:25

Na waka wose wawewode mrima ya osaṟe, waleoka ko mawoko hawo, nawo wakaende isho waweokie, nguo tsa fana ya mapuchi, na tsa fana ya usuṟungi, na ndusu tso tsa kimaande, na nguoyo ya kitani kicha.

WAFILIPI 4:3

Na iyo-se Sinzigo oko msalari, ngakuterewa na iyo uwaikanye nyiwo wawerianyi na inyi ikapanya ndumi ya sia ya okiio handu hamu na Klemensi na wakyando wako walya wengi wai-waṟehye marina hawo ipfo kitapunyi kya moo.