NEHEMIA 2:3 - Bibilia Kui Mdedie fo Kimochi

³ Nalyo ngahaluo njechihamba, “Ee mangi, mangi nakae na moo mlungana. Nyi wuda njilechisokio nyi fowa mangi, kyamba, mṟi fo Yerusalemu handu wafee wako wawaṟike fukeri wulya na mongo yafo ilemaa irumatso ko modo?”

NEHEMIA 2:3 Iomraidhean Croise

1WAMANGI 1:31

Nalyo Bath-Sheba kahongoma na kyaamu, kaindia Mangi kahamba, “Mndumii oko, Mangi Dawidi nakae na moo mlungana.”

2WAMANGI 25:8

Mkonu fo mfungade meri fo katanu fo maka fo ikumi na kenda fo wumangi wo Nebukadneza mangi o Babeli, Nebuzaradani, mnene o waringi wa mangi, naleida Yerusalemu.

2MBONYI TSA MAHERI 21:20

Yehoramu, nalewoka iwa mangi kiheri aleshika uhendo lo maka (32) kawa mangi ipfo Yerusalemu ko kiheri kya maka nyanya. Kiheri alepfa, kuwode mndu manyale sa alesokio nyi fowa kipfa kyake-pfo. Naleṟiko mṟinyi fo Dawidi, kyaindi aleṟiko makabuṟinyi ha wamangi-pfo.

2MBONYI TSA MAHERI 28:27

Mangi Ahazi nalepfa, kaṟiko mṟinyi fo Yerusalemu, kyaindi aleṟiko handu hamu na Wamangi Waisraeli-pfo. Nao Hezekia mana oke, kawada wumangi wo Yuda handu hake.

2MBONYI TSA MAHERI 32:33

Hezekia nalepfa kaṟiko handu ha huye ya makabuṟi ha wamangi. Wandu wose wa Yuda na walya wekekaa Yerusalemu, walemuwutia kiṟumi king'anyi kiheri kya opfu loke. Nao Manase, mana oke, kawada wuitoṟi wo oruka handu hake.

2MBONYI TSA MAHERI 36:19

Karumatsa ko modo mba iya ya Mndumii-Ruwa na mṟi fulya, na mba tsose tsa wumangi na masaa hatso tsose, naiwunduo omombo lo mṟi fulya.

NEHEMIA 1:3

Nawo wakanjihaluo wechihamba, “Wayuda walya waletsuhaa kulya orukenyi nyi wakeri kiidi kya wukiwa wung'anyi mnu na sonu tsing'anyi. Ambuya omombo lo mṟi fulya fo Yerusalemu nyi wulewunduyo na mongo iya yafo ikawekoṟo ko modo.”

NEHEMIA 2:13

Kyasia ngakure ngaidia mongo fulya fo pichinyi na njia iya ihendiye ṟungunyi lilya lya Joka, na mongo fulya mbosha; ngaweambuya njomombo tsa mṟi fo Yerusalemu tsiwenjiwunduo hamu na mongo iya yake iwenjikoṟe na modo.

ESTA 8:6

Nyi wuda njechikarishia iwona wandu wako wechirumatso na wandu wako wechiwoho?”

SHIIMBO SHA DAWIDI 102:14

Kipfa waṟundi wapfo wameidikiana na mahio hake, na iichio wukiwa kilulyi kyake.

SHIIMBO SHA DAWIDI 102:15

Nyi lyondi wa mkambo wechuowuo rina lya Mndumii, na wamangi wose wa wuyana kiṟumi kyapfo.

SHIIMBO SHA DAWIDI 137:6

Olimi loko lupfungike kiidi kya dumbu lyako, kokoya njilakukumbuo. Njilameng'anyishe Yerusalemu; mwidio fo sia yako ing'anyi.

SHIIMBO SHA DAWIDI 38:7

Kipfa kitsi kyako kiwodo modo; manya mbihu foko fuwode se moo pfo.

YEREMIA 52:12

Mkonu fo ikumi fo meri fo katanu maka fo ikumi na kenda fo wuitoṟi wo Nebukadneza, mangi o Babeli, Nebuzaradani mnene o waringi wa Mangi ichu aleṟundia mangi o Babeli, naleida na Yerusalemu.

SHILIO 2:9

Mongo yatso ikaoloka wanda, makofuli hayo kawehanyamaṟa na ihafunjafunja. Mangi na wanene wawo nyi wakeri wusingenyi kiidi kya mkambo ya wandu. Wusongoru wo wuwawaso wulesia piu, Waikimbi wawo wakedambuyose mbonyi, tsiwuka ko Mndumii-Ruwapfo.

DANIELI 2:4

Kyasia walya washikiepfo wakambia kui kishomo kya Kiaramu Mangi nakae na moo mlungana; luongoye so waṟundi wapfo ndodo iya naso luidambuo.

DANIELI 3:9

Wakawia Mangi Nebukadneza, “Mangi Nebukadneza kaa na moo mlungana.

DANIELI 5:10

Kipfa kya madedo ha mangi na wanene wake, mae o mangi kaida na kulya wawedamie wechikesa kahamba, “Mangi kukae ho na moo! Manya kulakusaṟe mnu ma kuladetse fana ya kyamu kyapfo.

DANIELI 6:21

Kudi Danieli kahaluo mangi, “Kukaeho na moo Mangi!

DANIELI 6:6

Kyasia walya wawewawike wesongoya wengi wakahenda ikuwumbia ko mangi wakambia wadi, “lyo mangi Dario kukaeho na moo.

WALEWI 26:31

Mṟi yanu njechiirumatsa, handu hanu haele njechihahaluo nuka ilawode mṟinga na njopfamo tsanu njicha tsa mwano yanu njechitsiidikia mantapfo.