NEHEMIA 13:5 - Bibilia Kui Mdedie fo Kimochi

⁵ ichu kainenga Tobia momu fokaa kiṟiha kilya king'anyi kiwekesuṟumo mwano ya ngano, ubani, shihia, shenga sha ikumi sha mdemenyi, mvinyo, na mafuda, shindoshi shose nyi shiwei mwano. Waisraeli walewawasio washiwute shiinengo Walewi, waimbi, waringi wa mongo na wakohanyi.

NEHEMIA 13:5 Iomraidhean Croise

2MBONYI TSA MAHERI 31:11

Kyasia, mangi Hezekia kawawasa ke shisungusio shikumbi shifoi kulya mbenyi ya Mndumii-Ruwa. Nawo wakashisungusia;

2MBONYI TSA MAHERI 34:11

waṟundi wa wuaria woṟunda na mbau, na waaria wesungusia mba, wahuṟe maho na mbau tsesungusia mba sa wamangi wa Yuda waletsida tsikanyamaṟika.

NEHEMIA 10:36

Orio mana mbee okisoṟo echifeo kiidi kya mba tsadu nyi echidao hekalunyi ko wakohanyi chando kikiṟehiye ipfo wuwawasonyi, luwekudayase ihache lya kuwoka lya mbe lya ipung'a lya mbe tsadu na mburu tsadu na machondi.

NEHEMIA 10:37

Lochiende mso fodu fo kuwoka fo Ngano handu hamu na shiinengo shingi sha mvinyo na mafuda na ndunda tsingi ko wakohanyi. Luweendie Walewi kyenga kya ikumi kya shilimu shadu kyamba nyiwo wekeshisanyia ipfo shikumbinyi shadu.

NEHEMIA 10:38

Mkohanyi o kishari kya Aroni nyi echikaa hamu na Walewi kiherikyo wakeri iambia kyenga kya ikumi. Nalyo Walewi wasuṟume shikumbinyi sha kulya mba ya Ruwa kyenga kya ikumi kya mwano yo ya kyenga kya ikumi ileambiyo.

NEHEMIA 12:44

Kyasia kiherikyo wakasambuṟo wandu weringa mbatso tsiwewode mwano iya ilewuto ya hekalunyi; kilimu kya kuwoka kya ndema, kyenga kya ikumi kilesanyio kuwuka mdemihu kulya shihongonyi. Ishi nyi shilesanyio shelela wakohanyi na Walewi chando wuwawaso wawehambie. Kyasia wandu wose wakachihio kipfa kya iṟunda lya Walewi na wakohanyi,

NEHEMIA 13:7

Kyasia kiheri njilewuya Yerusalemu, ngakoya mbonyi njiwicho tsa Eliashibu ichu aleinenga Tobia momu fokaa kiṟiha kiidi kya shiṟiha shilya sha Mndumii-Ruwa.

EZEKIELI 40:38

Kuwewodepfo kiṟiha kilunganyi na kiṟiha kilya king'anyi kya kyamba ora lo huye, ipfo kiṟihenyi nyipfo kundu wawekesanjia shidaso shilya sha shiuma shemaya modonyi.