NEHEMIA 13:16 - Bibilia Kui Mdedie fo Kimochi

¹⁶ Ambuya nyi kuweipfo wandu wawukie Tiro wawekeri kulya mṟinyi fo Yerusalemu, nawo wakaende makunga na shindo sha mbaṟe tsifoi na kulya mṟinyi kundu washikumbie wandu wadu mkonu fo Sabato,

NEHEMIA 13:16 Iomraidhean Croise

NEHEMIA 13:15

Kyasia kiherikyo ngawona Wayuda wawekama na isungusia mvinyo mkonu fo Sabato, na wengi wakadika nzoi tsawo ngano, mvinyo, ndunda tsamsabibu, na shindo shingi mkonu fo Sabato wakashiende na Yerusalemu, na inyi ngawadedia njechiwawia ke wawode momu fo kapa mbucha mkonu fo Sabato-pfo.

NEHEMIA 13:17

nalyo ngadedia wanene walya wa Yuda njechwiawia, “Ambuyenyi shindoshi shii shiwicho mukeri iwuta! Nyi mukeri ifanyitsa mkonu fo Sabato.

IWUKA 20:10

kyaindi mkonu fo mfungade nyi sabato ya Mndumii-Ruwa, Ruwa opfo, mkonufo kulaṟunde iṟunda lyose, iyo, manya mana opfo, manya mana opfo okika, manya isinga lyapfo, manya mṟundi mka, manya shuma shapfo, manya mhenu akeri ipfo mṟinyi fopfo.

IWUKA 23:12

Mkonu iṟandaṟu nochiṟunda iṟunda lyapfo, na mkonu fo mfungade nochisia moo, kundu mmbe tsapfo na nzoi tsapfo tsiidime isia moo, numa mana o kisinga kyapfo na mhenu waidime iwuuyo nyi moo.

NGUMBUO YA MAWAWASO 5:14

kyaindi mfiri fo mfungade nyi mfiri fumsambuṟe kipfa kyako. Mfirifo iyo kulaṟunde iṟunda lyo lyose, manya mana opfo, manya mana opfo o kika, manya isinga lyapfo lya kisoṟo ang'u lya kika, manya mmbe yapfo manya nzoi yapfo, manya indo lyingi lyapfo lyose, manya mhenu ai ipfo kopfo; Kundu masinga hapfo wasie moo cha iyo.