NEHEMIA 10:37 - Bibilia Kui Mdedie fo Kimochi

³⁷ Lochiende mso fodu fo kuwoka fo Ngano handu hamu na shiinengo shingi sha mvinyo na mafuda na ndunda tsingi ko wakohanyi. Luweendie Walewi kyenga kya ikumi kya shilimu shadu kyamba nyiwo wekeshisanyia ipfo shikumbinyi shadu.

NEHEMIA 10:37 Iomraidhean Croise

2MBONYI TSA MAHERI 31:6

Wandu wa Israeli na Yuda sa wawekekaa mṟinyi ya Yuda, nawo wakaweende sheenga shawo sha ikumi sha mbe, na machondi, na shindo shingi shifoi sha nga, wakashidambikia ko Mndumii-Ruwa owo. Waledambikia shindosho kui shisangu.

NEHEMIA 13:10

Ngawewonase kindo kingi kya Walewi waleinengo shilya shiwewawaṟi iinengopfo, koikyo Walewi na Waimbi wawekeṟunda alya hekalunyi nyi waleda maṟunda hawo wakakuwuya na mademenyi hawo.

NEHEMIA 13:12

Kii kidi Waisraeli wakawokase iende shenga sha ikumi sha ndema tsawo, mso, mvinyo na mafuda na shikumbinyi sha mba ya Ruwa.

NEHEMIA 13:5

ichu kainenga Tobia momu fokaa kiṟiha kilya king'anyi kiwekesuṟumo mwano ya ngano, ubani, shihia, shenga sha ikumi sha mdemenyi, mvinyo, na mafuda, shindoshi shose nyi shiwei mwano. Waisraeli walewawasio washiwute shiinengo Walewi, waimbi, waringi wa mongo na wakohanyi.

NEHEMIA 13:9

nalyo ngawawasa wandu walehenda iheṟemtsa shindo shilya, kyasia ngawihiṟaise shindo shilya sha mba ya Mndumii hamu na shiano shilya sha mso na ubani.

IWUKA 13:12

nlyondi ochiinenga Mndumii-Ruwa orio mana mmbee uwode, na kikifee nyi shuma sha kuwoka, isho sha kisoṟo shechiwa nyi sha Mndumii-Ruwa.

IWUKA 13:2

“Njiheṟemtsia inyi wana wawee wose wa kisoṟo, orio mopfunguo wusu kiidi kya wana wa Waisraeli, o mndu o wandu na o shuma; nyi shako.”

WALEWI 23:17

Orio kishari kechiende mkate iwi walekie mwano fo kichano oshangunyi loko Inyi Mndumii-Ruwa. Orio mkate kiwaṟi fusungusio fo shilo shiwi sha mso mmamiri fumbike kitarang'asha; nafo mochinjiendie Inyi Mndumii-Ruwa, fui nyi wuleki wonu wo kilimu kya kuwoka.

MALAKI 3:10

Endenyi mwano fusumhanyi kikumbinyi, kuwade kando mbenyi yako, munjiheshe mudo, Mndumii menyi Matoṟito ahamba, muwone kokoya njilechimupfunguya matiṟisha ha ruwehu na imsotsia mboṟa mtano mowuṟa handu hewika ang'u ote.

MALAKI 3:8

Ngesa mndu o wandu nechiidima iiwia Ruwa? Indi nyo munjiiwia inyi. Na mukawesa, “Lulekuiwia luda?” Mulenjiiwia mwano na shidaso.

MAITALA 18:15

“Orio kindo kiwee sa Waisraeli wechinjiendie kokoya nyi mana mmbe o mndu, ang'u o shuma nechiwa opfo. Kyaindi kikuwaṟi nowatalae mana mmbee o mndu o wandu, na orio kindo kiwee kya shiuma shiterefukie, na ate shitalao.

MAITALA 18:18

Nyamayo nochiidima ikuliia, cha kidarikyo na kudende ko kulyo ko numa shekewuto cha kidaso kekuchakucha.

MAITALA 18:21

“Kya Walewi, wo njiwainengie mwano yose Waisraeli wekenjiendie shiwe kioṟa kyawo. Mwanoyo yechiwa wueri wowo kya mṟumo wekeṟunda ipfo ihemenyi lyako.

WAROMA 11:16

Komkoya kipeṟengu kya mkate kii kiele, na mkate fo fose mso fo mruwe fui mwele na komkoya mri fo ikidi fumcha na maṟamba ho naho hamecha.

NGUMBUO YA MAWAWASO 14:22

“Wikenyi mwano ya shilimu shanu shose sha mademenyi orio maka.

NGUMBUO YA MAWAWASO 18:4

Mochiwainenga ohawi lo kuwooka shilimu shanu sha mso, mvinyo, mafuda hanu na mberi tsa kuwooka tsa machondi hanu.

NGUMBUO YA MAWAWASO 26:2

shilimu sha kuwoka maata ochisambuo ipfo orukenyi Mndumii-Ruwa, Ruwa onu; nochiwika kikunjenyi noshiende na alya handu Mndumii-Ruwa, Ruwa onu asambuṟie hawe handu hake hekaa.