NEHEMIA 10:30 - Bibilia Kui Mdedie fo Kimochi

³⁰ Ambuya wana wadu wa kisoṟo wechiduo waka kunu orukenyipfo manya wana wadu wa kika wechialikopfo-pfo.

NEHEMIA 10:30 Iomraidhean Croise

2WAMANGI 23:25

Wokia Yosia alamewada wumangi na numa yake kuwode mangi awei chao, aleṟundia Mndumii-Ruwa ko mrima foke fose, na ngoo yake yose na pfinya tsake tsose kihendesanyi na wuwawaso wo Mose pfo.

2WAMANGI 23:3

Kiidima mangi kahoṟoka kufui na ngo kawika mkundana oshangunyi lo Mndumii-Ruwa, imwosha, iwada mawawaso hake, na chile tsake na mdumbuye yake kui mrima foke fose na ngoo yake yose, iwuta madedo hose ha mkundana chando haimaṟehie kiidi kya kitapu kyo kya mkundana. Wandu wose wakapfungana kiidi kya iwuta na iinutsia mkundano.

2MBONYI TSA MAHERI 34:31

Kyasia, mangi kahoṟoka handu hake kawika kyasa oshangunyi lo Mndumii-Ruwa, keoshana na Mndumii-Ruwa, iindia mawawaso hake na mdumbuye yake na ngoo na mrima foke fose, na iṟunda chandu madedo halya hose hamaṟehie kulya kitapunyi kya mkundana hahamba.

NEHEMIA 10:1

Kiidi kya walya waleṟehia alya mkundanenyi nyi Nehemia mnene o Isanga awei mana o Hakalia, na Sedekia,

NEHEMIA 13:23

Kiheri kyo ngawona se kindo kingi nakyo nyi; Wasoṟo wa Yuda walealika waka wa Ashdodi, Amoni, na Moabu.

NEHEMIA 13:25

Kyasia ngawadedia, wasoṟowo na iwasesa, ngawewakapa na ikuruo njui tsawo, kyasia ngawawia wawike kyasa ko rina lya Mndumii-Ruwa ke wechikaa wawutese wudo-pfo, wo manya wana wawo wechikaa waalikane na wandu wa mkambo ingi njihenupfo.

NEHEMIA 13:30

Kyasia ngaheṟemtsa wandu kuwuka orio kindo kyose kiwei kihenu. Ngawasungusia wusungusihu wo iṟunda lya wakohanyi na Walewi kundu orio mndu namanye iṟunda lyake lya orio mkonu.

NEHEMIA 5:12

Nahong'u wakahaluo wechihamba ambuya nyi lochiwawihiṟia, manya lochiwawesa kindo kyosepfo, nyi luhenda iwuta chandu aleluwawasa. “Nalyo ngalaha wakohanyi wache na oshangunyi, ngawalaha wanene wose oshangunyi lo wakohanyi walye nyamu ke nyi wechiawutsia kyasa kyo walewika.”

SHIIMBO SHA DAWIDI 119:106

Njilelya nyamu na inyi njechiiawutsia, iwada mdumbuye ya wusumhanyi wopfo.

IWUKA 34:16

Koalikia wana wapfo walyi wana wawo, na wanawo wawo wa kika wakaṟuhuya na maruwa ho hawo, watewe na wanu waṟuhuye na maruwa ho hawo.

NGUMBUO YA MAWAWASO 29:11

wana wanu na waka wanu, wahenu wai kiidi kyanu sa wekemanya ngu na imuendie mṟinga.

NGUMBUO YA MAWAWASO 7:3

Mulaalikane nawo, wana wanu walaaliko kowo ang'u wanake wanu walaalike wana wawo wa kika.