NEHEMIA 10:29 - Bibilia Kui Mdedie fo Kimochi

²⁹ Ambuya nyi lolungana na wanene wadu lochikulisa nyamu lochiwika kyasa na kokoya lotehia kyasa ki nyi lochiseso, ke nyi lochiosha mawawaso ha Mndumii-Ruwa aweluinengie kui owoko lo mṟundi oke Mose; ke nyi lochiindia isho shose Mndumii odu Ruwa aweluwawasie, ke nyi lochiwada mawawaso hake hose na mndubuye yake.

NEHEMIA 10:29 Iomraidhean Croise

2WAMANGI 10:31

Kyaindi Yehu alaindie wuwawaso wo Mndumii-Ruwa, Ruwa o Israeli, ko mrima foke fose. Kaosha mawuto ha Yeroboamu aledekesha wandu wa Israeli wakawuta wunyamaṟi.

2WAMANGI 23:3

Kiidima mangi kahoṟoka kufui na ngo kawika mkundana oshangunyi lo Mndumii-Ruwa, imwosha, iwada mawawaso hake, na chile tsake na mdumbuye yake kui mrima foke fose na ngoo yake yose, iwuta madedo hose ha mkundana chando haimaṟehie kiidi kya kitapu kyo kya mkundana. Wandu wose wakapfungana kiidi kya iwuta na iinutsia mkundano.

1MBONYI TSA MAHERI 9:2

Wandu wa kuwoka iwuya na kanyi kowo na mṟinyi yawo nyi wandu wa oshari lo Israeli, na wakohanyi, na Walawi na waṟundi wa mahekalunyi ang'u Wanethini.

2MBONYI TSA MAHERI 34:31

Kyasia, mangi kahoṟoka handu hake kawika kyasa oshangunyi lo Mndumii-Ruwa, keoshana na Mndumii-Ruwa, iindia mawawaso hake na mdumbuye yake na ngoo na mrima foke fose, na iṟunda chandu madedo halya hose hamaṟehie kulya kitapunyi kya mkundana hahamba.

2MBONYI TSA MAHERI 6:16

Nulembikia kysa ke ko maheri hose kochiwuka mangi o Israeli mbenyi yake, wakaindia mawawaso hako chandu Dawidi alewuta.

NEHEMIA 13:25

Kyasia ngawadedia, wasoṟowo na iwasesa, ngawewakapa na ikuruo njui tsawo, kyasia ngawawia wawike kyasa ko rina lya Mndumii-Ruwa ke wechikaa wawutese wudo-pfo, wo manya wana wawo wechikaa waalikane na wandu wa mkambo ingi njihenupfo.

NEHEMIA 7:46

Waṟundi wa hekalu walewuya nyi wa kishari kya Ziha, wa Hasufa, wa Tabaothi,

NEHEMIA 8:2

Kyasia Ezra ulya awei mkohanyi kaende kitapu kilya kya mawawaso oshangunyi lo mamingi fulya fo wandu fuwewode womi na waka na ulya oose echiidima iadanyia na imanya mawawaso ho. Iki nyi kilewutika mfiri fo kuwoka fo meri fo mfungade.

NEHEMIA 8:3

Kyasiang'u Ezra kasomia wandu wose womi na waka na ichu oose aidima imanya mawawaso ho osehu lo Mongo fo Mṟinga, kuwokia ngamenyi itane mfiri na wandu wose wakaadanyia ko wuhidi mawawaso halya ha Mose.

NEHEMIA 9:2

Mandiho wana wa Israeli nyi walekaa haleshe na wandu wa mkambo ingi wahoṟoki wakatocha njonyamaṟo tsawo na tsilya tsa waku wawo.

NEHEMIA 9:38

Kipfa kya shindo shi shose shilewutika, so Waisraeli nyi lowika mkundana ko maṟeho na wanene wadu, Walewi, na Wakohanyi wadu waṟingishie ho kui maṟeho.

SHIIMBO SHA DAWIDI 105:45

Kundu wawade mawawaso hake, na iindia mawawaso hake. Haleluya!

SHIIMBO SHA DAWIDI 119:106

Njilelya nyamu na inyi njechiiawutsia, iwada mdumbuye ya wusumhanyi wopfo.

SHIIMBO SHA DAWIDI 8:1

Iyo Ruwa, nyi Mndumii odu, Chando rina lyapfo liwode kiṟumi wuyanenyi kose! Lyo kulewika kiṟumi kyapfo ruwehu;

SHIIMBO SHA DAWIDI 8:9

Iyo Ruwa, nyi Mndumii odu Chando rina lyapfo liwode kiṟumi wuyanenyi kose!

YESAYA 14:1

Kipfa Mndumii nechiwuyase isaṟia Yakobo, nechisambuṟa Israeli-se, nao nechiwawikase orukenyi lowo wawenyi; mhenu nechikulunga nawo, nawo wechiwadana na mba ya Yakobo.

YEREMIA 26:4

Iyo nyi ochiwawia: Mndumii nyi ahamba adi, “Koka mulakundi imwicho na ihenda kiidi kya mawawaso njiwikie kiidi kyanu,

YEREMIA 34:15

Indi mafiri ha kufui nyo nyi mulehaluka, mukawuta chando kiwaṟi oshangunyi loko, mukainenga mkuachie Waisraeli. Wodoyanu na iwika mkundana oshangunyi lomba yako.

EZEKIELI 36:27

“Cha kipfa njikeri iwaomoya mumuyo foko kiidi kyanu, njiwemwinenga pfinya yeosha wuwawaso woko na mbutie yako.

WALEWI 20:26

Kyamba Inyi Mndumii-Ruwa, Ruwa njii mwele, na Inyi njilemusahuo nyo kiidi kya mkambo ingi kundu muwe saa lyako, mochiwa waele.

MALAKI 4:4

“Kumbuonyi wuwawaso wo Mose, mṟundi oko, chando njilembawasa ipfo Horebu kipfa kya Waisraeli wose, iwawaso na mwanduye.

MAITALA 5:21

Mndumii-Ruwa na nakukape nowe oseso na ngapo kiidi kya wandu wapfo, nowe mhumba na ndeu yapfo ishimbe.

YOHANE 1:17

Cha kipfa Ruwa naleende wuwawaso wulya kui Mose, indi wutonga na wukilohi, wo nyi wuleendo nyi Yesu Kristo.

YOHANE 15:14

Nahong'u nyo nyi mukeri mbuya tsako kokoya mohenda iwuta kilya njilemuwawasainyi.

YOHANE 7:19

Alewo chio Mose amunengye wuwawaso? Na kunu kiidi kyanu kuipfo ma umu aiindia wuwawaso wupfo. Kimaduma nyi ki ili mukundi injiwaha?”

MAWUTO HA WASU 11:23

Nawo kekishika-pfo na iwona wutonga wo Ruwa wuiho kachihio kawatutuma wose ke wakunde ikuwada na Mndumii kui ngoo njiwanzi.

MAWUTO HA WASU 17:34

Na wandumii maata-ho wo wakawadana nao wakashika iidikya. Ipfo kiidi kyawo kuwepfo meku o menge ya kitoṟo kya Aresi umu-ho rina lyake nyi Dionyiso na mka umu rina lyake nyi Damari na wandu wengi kimu nawo.

MAWUTO HA WASU 23:21

Kyasia na iyo ma ulaidikye. Kyamba wandu waida makumi haana wamwalye walie mma ke walechilya manya inyo kindo itane wammaa imbaha, nawo wulalu waiho wakuṟeheṟye wechiwedya kyasa kopfo.”

WAROMA 12:9

Mkundie fukae fulawode wulembetseṟi. Tangaluonying'u kilya kii kiwicho, mukuwawe na kilya kii kicha.

NGUMBUO YA MAWAWASO 33:4

Mose naleluwawasa iindia chile; kindo kya wuhuru wung'anyi kya mkambonyi fodu.

NGUMBUO YA MAWAWASO 5:1

Mose nalelaha Waisraeli handu hamu wose, kawawia: “Lanye Waisraeli, adanyienyi mawawaso na shiteṟio njikeri ihamba oshangunyi lonu inu. Kuloshenyi na ihaawutsia kui wuhendeli.

NGUMBUO YA MAWAWASO 5:32

Nyo ambuyenyi necha muwute chandu Mndumii-Ruwa aimututuma awutsienyi necha orio kindo. Mulatehie mawawaso hake manya lyimuho.