Hodia kaalika mshiki o Nahamu. Na wandu wa mba yawo wakawa wawooki wa kishari kya Mgarmi, sa wawekekaa mṟinyi fo Keila, na wandu wa kishari kya Maakathi, sa wawekekaa mṟinyi fo Eshtemoa.
Kuwewode mba mahana haṟandaṟu na makumi kenda (690) tsa oshari lo Yuda sa walesamia Yerusalemu. Wandu wa wufee wo Perezi mana o Yuda, msongoru owo nyiwe Uthai, mana o Amihudi mchuku o Omri. Wandu wa oshari loke wengi nyi Imri na Bani wana wa Peresi, mana o Yuda.
Mnene o Walewi alekaa mṟinyi fo Yerusalemu nyi Uzi mana o Bani, mana o Hashabia, mana o Matania, mana o Mika, awei o kishari kya Asafu, wawei waimbi, wanene wa maṟunda halya ha mba ya Ruwa.
