NEHEMIA 1:7 - Bibilia Kui Mdedie fo Kimochi

⁷ Ambuya nyi lulewuta mawicho oshangunyi lopfo, lulaoshe mawawaso hapfo manya lulaoshe wuwawaso wulya uleinengia mṟundi opfo Mose.

NEHEMIA 1:7 Iomraidhean Croise

1WAMANGI 2:3

Wada tapu mbonyi tsa Mndumii, Ruwa opfo, uwechumia njienyi tsake, uwode mawawaso na mwanduye yake, na wukiilohi woke, chandu kikiṟehiye wuwawasonyi wo Mose, kundu uiṟimiṟe kiidi kya orio kindo ochikiṟunda, na kilya ukusirie ihenda iwuta;

2MBONYI TSA MAHERI 25:4

Kyaindi alewaha wanawawo-pfo, kipfa kiwekiṟehie mdumbuye kitapunyi kya Mose, ke Mndumii-Ruwa nahamba adi, “Wafee wechiwoho kipfa kya wunyamaṟi wo wana wawo-pfo, ma wana wechiwoho kipfa kya wunyamaṟi wo wafee wawo-pfo; kyaindi orio mndu nechiwoho kipfa kya wunyamaṟi woke amonyi.”

2MBONYI TSA MAHERI 27:2

Nalewuta mecha oshangunyi lo Mndumii-Ruwa chandu ndeye o Uzia awekewuta; kyaindi o alewuta wunyamaṟi wokoṟa ubani hekalu nyi lya Mndumii-Ruwa-pfo .

EZRA 7:6

Ezra naledo awuka Babiloni. Nawei mlosha (mṟehi) mcha o mawawaso ha Mose halya Mndumii-Ruwa aweinengie Waisraeli; na mangi ulya kainenga Ezra orio kindo alemterewa kipfa kuwoko ko Mndumii-Ruwa oke luwei nao.

SHIIMBO SHA DAWIDI 106:6

Lulewuta wunyamaṟi handu hamu na waku wadu, lulewuta mawicho, lulewuta wunyamaṟi.

SHIIMBO SHA DAWIDI 89:31

Wakatehia mawawaso hako, walawade wuikimbi woko.

SHIIMBO SHA DAWIDI 89:32

Nahong'u, njechitoromisha madeko hawo kui olio, na mawicho hawo kui ngapo.

YESAYA 1:4

Ochia lowo, mkambo fuwode wunyamaṟi, wandu wekeduo mhanda fo wukika, oshari lo wewuta mawicho, wana wekenyamaṟa; waleda Mndumii, wamina ichu ai Mwele o Israeli, walekanyi nao na iwuya numa.

DANIELI 9:11

Ee da, Waisraeli wose watahacha wuwawaso wopfo, na ikaa kihadi, walaadanyie ṟu lyapfo; ko ikyo oseso lulecha huye yadu, na nyamu iya injiṟehie wuwawasonyi wo Mose, mṟundi o Ruwa; kipfa lulewuta wunyamaṟi.

DANIELI 9:13

Chandu kii kiṟehie ipfo wuwawasonyi wo Mose mawichoha hose haluhoya; ma kudo luleterewa Mndumii-Ruwa, Ruwa odu nalusaṟie pfo, kundu luhaluke na ida mawicho hadu na imanya lohi yake.

HOSEA 9:9

Nyo nyi musoṟowie kiidi ka wunyamaṟi chandu kiwekeri kulya Gibea; Mndumii-Ruwa nyi echikumbuo madeko hawo, nao nechiwakapa kipfa kya wunyamaṟi wowo.

WALEWI 27:34

Iho nyiho mawawaso sa Mndumii-Ruwa aleitika Mose kundu nawie Waisraeli, kulya fumvuhu lya Sinai.

SEFANIA 3:7

Njilehamba kofia nonjiowuo kundu njilanyamaṟe handu hapfo chando ndekulosha, indi kowuta sha wukika koweosha njotende tsawo.

MALAKI 4:4

“Kumbuonyi wuwawaso wo Mose, mṟundi oko, chando njilembawasa ipfo Horebu kipfa kya Waisraeli wose, iwawaso na mwanduye.

NGUMBUO YA MAWAWASO 4:1

Mose kaengeṟa ihamba, “Hendelienying'u na iosha mawawaso hose na shilya njilemulosha, kundu muidime ikaa na ichilia kulya orukenyi Mndumii-Ruwa, Ruwa o Wandeanu, aimuinenga.

NGUMBUO YA MAWAWASO 4:5

“Kyasiang'u! Njimulosha mawawaso na shilya shose Mndumii-Ruwa, Ruwa oko alenjitutuma ke njiwute, kundu mushiwade ipfo orukenyi kundu muihenda ikaa.

NGUMBUO YA MAWAWASO 5:1

Mose nalelaha Waisraeli handu hamu wose, kawawia: “Lanye Waisraeli, adanyienyi mawawaso na shiteṟio njikeri ihamba oshangunyi lonu inu. Kuloshenyi na ihaawutsia kui wuhendeli.

NGUMBUO YA MAWAWASO 6:1

Iha nyiho mawawaso, Mndumii-Ruwa, Ruwa onu, alenjitutuma njimuloshe, kundu muhaawutsie kulya orukenyi kundo muihenda ikaa.

OTAMBAHALUO LO YOHANE 19:2

Kyamba mdumbuye yake nyi ya lohi isumhanyi. Kyamba nyi amehoṟuo mkiwashe ulya ang'anyi awekewichuṟa wuyana wu kui wulala woke kawetaa kui owoko loke kiṟache kipfa kya ili alepusuo samu ya waṟundi wake.”