NEHEMIA 1:5 - Bibilia Kui Mdedie fo Kimochi

⁵ ngahamba, “Hoi Mndumii-Ruwa, Menyi Matorito, iyo nyi ui Ruwa ang'anyi uoweshie, okeringa mkundana fopfo na isaṟia lyapfo ko walya wakukundi na iosha mawawaso hapfo.

NEHEMIA 1:5 Iomraidhean Croise

1WAMANGI 8:23

Kahamba, “Hoi Mndumii-Ruwa o Israeli, kulawode Ruwa cha iyo, huye ruwehu ang'u orukenyi, ekekumbuo shasa na iloṟa ikunda lyake ko shisinga shake walya wemuosha kui mrima yawo yose.

1MBONYI TSA MAHERI 17:21

Kuwodese isanga lingi iya wuyana cha Israelipfo, sa uleliashuo kuwuka usingenyi Misri, likawa wandu wapfo iyo kumonyi pfo. Nuleng'anyisha rina lyapfo wuyanenyi kose iyo kumonyi, kiheri uwewuta ṟiho tsing'anyi kochiwingia wamkambo wose numa ya wandu wapfo.

EZRA 1:2

“Ilyi nyi iwawaso lya mangi Koreshi mangi o Uajemi, Mndumii-Ruwa o ipfo Ruwehu, nyio alenjiwika inyi njiwe mangi o wuyanawu wose, kawenjinengase iṟunda lyemmbikia hekalu lyake kulya Yerusalemu ya Wayuda.

NEHEMIA 2:4

Nalyo mangi Artashasta kanjihaluo kanjiwesa, “A wulalu nyi kikiukundi iterewa?” Ngaterewa Mndumii-Ruwa, Ruwa o ipfo Ruwehu.

NEHEMIA 4:14

Kyasia kiheri njilewona ke wandu nyi walewado nyi wuowu naalyo ngawia wanene wo wa wandu namashehe na wandu wengi wose, “Manya mlaowuo manya kitutu. Kumbuonyi ke Mndumii nyi ang'anyi nao nyi aoweshie, koikyo kapanenyi kipfa kya wana wa maeanu, na wana wanu wa kika, waka wanu na mba tsanu.”

NEHEMIA 4:8

Wakawika kyama handu hamu kyecha ikapa Yerusalemu kundu luṟahanyike.

NEHEMIA 9:32

Hoi Ruwa, Ruwa odu, iyo nyi ui mnene, nyi uoweshiye, nyi ui mwampfinya, iyo nyi okeringa mkundana fopfo, na shiasa shapfo kuwokia kiheri wamangi wa Ashuru wawelutuura, mṟasa inu nyi lui kituurionyi, mangi tsadu, wanene wadu, wakohanyi wadu na waikimbi wadu, waku wadu na wandu wadu wose, nyi waletuuro.

SHIIMBO SHA DAWIDI 47:2

Kipfa Mndumii Ai huye, nyi aoweshie, Nyio mangi ang'anyi kota wose wai wuyanenyi.

SHIIMBO SHA DAWIDI 76:8

Kuwokia ruwehu kuleonguo mdumbuye; oruka lukaowuo, lukatsia sau.

SHIIMBO SHA DAWIDI 89:2

Kipfa njilehamba, wuoloru wopfo wuwanzi mlungana; wuhendeli wopfo wuwanzi cha ruwehu.

SHIIMBO SHA DAWIDI 89:3

“Njilewika mkundano na msambuṟe oko, njileliia Dawidi nyamu, mṟundi oko.

SHIIMBO SHA DAWIDI 89:8

Mndumii, Ruwa o matorito, nyiu ai ngohoda cha iyo, Hoi Mndumii-Ruwa? Na wuhendeli wopfo wukutengetie.

IWUKA 20:6

na inyi njekesaṟia shiku ka shiku iwo wanjikundi, na iwada mawawasoho hako.

NGUMBUO YA MAWAWASO 7:12

“Mukaadanyia mawawasoha na ihawada na ihaawutsia, Mndumii-Ruwa, Ruwa onu, nechiwada mma foke nanyo; na nechimuloṟa woloru woke chandu aleteṟia waku wanu.

NGUMBUO YA MAWAWASO 7:21

Kyasiang'u manya mulawaowuo, cha kipfa Mndumii-Ruwa, Ruwa onu, nai kiidi kyanu. O nyi Ruwa ang'anyi na naoweshie.

NGUMBUO YA MAWAWASO 7:9

Ko ikyo, manyenying'u ke Mndumii-Ruwa, Ruwa onu, nyio Ruwa; nyi Ruwa mhendelyi ekewada mkundano foke; na iloṟa woloru woke ko wana wafoi wa wandu walya wekeindia mawawaso hake.