NEHEMIA 1:3 - Bibilia Kui Mdedie fo Kimochi

³ Nawo wakanjihaluo wechihamba, “Wayuda walya waletsuhaa kulya orukenyi nyi wakeri kiidi kya wukiwa wung'anyi mnu na sonu tsing'anyi. Ambuya omombo lo mṟi fulya fo Yerusalemu nyi wulewunduyo na mongo iya yafo ikawekoṟo ko modo.”

NEHEMIA 1:3 Iomraidhean Croise

1WAMANGI 9:7

Kyasia njesamiṟa wandu wako Israeli wuka oruka lu njilemuinenga, na mba njileishimbuo kipfa kya rina lyako, njechiikumba kuleshe na inyi, na yechiwa kindo kemino na ipiṟo kiidi kya wandu wa mkambo yose.

2WAMANGI 25:10

Na Waaskari wose wa Wakalidayo wawei kimu na mnene cho o waringi wa mangi wakawunduo mawanda haweṟingichie mṟi fo Yerusalemu.

2MBONYI TSA MAHERI 36:19

Karumatsa ko modo mba iya ya Mndumii-Ruwa na mṟi fulya, na mba tsose tsa wumangi na masaa hatso tsose, naiwunduo omombo lo mṟi fulya.

EZRA 2:1

Iwa nyiwo walewuya wawuka wusingenyi wo Babeli chando waledao pfo kui iwawaso lya Nebukadneza mangi o Babeli, wakawuya na Yerusalemu na Yuda orio mndu mṟinyi foke.

EZRA 5:8

Lukaundi ikumanyisha mangi, ke lulehenda kulya orukenyi lo Yuda, kulya kuwode mba ya Ruwa ang'anyi. Lukaaida kulya mṟinyi lukokoya hekalu lilya lya Mndumii-Ruwa lilewikose ko wuhya. Lilewiko na maho hang'anyi na mriti ing'anyi injiwike ipfo omombohu loke. Iṟundalyi lilewuto ko wurahari wung'anyi mnu.

NEHEMIA 11:3

Kyaindi kiidi kya mṟi na shihongo shilya shingi, wandu wa Israeli, wakohanyi, Walewi, waringi wa mongo, na wana wa waṟundi wa Solomoni, wo nyi walekaa shihongonyi shawo na mṟinyi yawo wawenyi.

NEHEMIA 2:13

Kyasia ngakure ngaidia mongo fulya fo pichinyi na njia iya ihendiye ṟungunyi lilya lya Joka, na mongo fulya mbosha; ngaweambuya njomombo tsa mṟi fo Yerusalemu tsiwenjiwunduo hamu na mongo iya yake iwenjikoṟe na modo.

NEHEMIA 2:17

Kyasiang'u ngawawia, “Ambuyenyi, nyo nyi muwonyi wufafa wodu, ke mṟi fu fo Yerusalemu nyi funyamaṟikie na mongo yafo nyi injikoṟe ko modo. Kipfa kya ikyo luwikese se ko wuhya mṟi fu fo Yerusalemu kundu fulaengeṟe uluendie sonu.”

NEHEMIA 2:3

Nalyo ngahaluo njechihamba, “Ee mangi, mangi nakae na moo mlungana. Nyi wuda njilechisokio nyi fowa mangi, kyamba, mṟi fo Yerusalemu handu wafee wako wawaṟike fukeri wulya na mongo yafo ilemaa irumatso ko modo?”

NEHEMIA 7:6

Walya wawei wusingenyi wo Babuloni nyi walewuya Yerusalemu orukenyi lo Yuda, orio mndu nyi alewuya na mṟinyi foke. Nawo nyi walya mangi Nebukadreza awewadaye wusingenyi. Walya waledao wusingenyi wo Babuloni kiheri kya mangi Nebukadneza, nyiwalewuya Yerusalemu orukenyi lo Yuda. Orio mndu nyi alewuya mṟinyi foke amonyi.

ESTA 1:1

Mangi Ahasuero nalewada wumangi, wumangi wu wuwewode masanga ihana limu makumi hawi na mfungade (127), wokia India mṟasa Ethiopia.

SHIIMBO SHA DAWIDI 79:4

Lulewa wandu wemino ko wamṟasa wadu, kitengeluko na weisalucho ko iwo waluṟingichie.

MFANANO 25:28

Mndu elechiidima ichilya mrima foke. Nyi afananyi na mṟi fuwundukye fulawode omombo.

YESAYA 43:28

Ko ikyo ngaleha walya weṟundia halya haele, ngasehia Yakobo nakapo kishikie, ngaweleka Israeli narumo.’”

YESAYA 5:5

Kyakusia, wulalu njimuwia, chando njechitana mdemi fo msabibu; njechisanja kilya keshikia nafo fochilio; njiwewunduo na omombo lokyo, nalo lochichumochumo;

YEREMIA 24:9

Njechiwahaluo kindo kewichuṟa oshangunyi lo wamangi wose wai wuyanenyi. Wechiwa kindo kitalukie, kindo kekapa mang'ang'o, iseko na iseso orio handu wechidichia.

YEREMIA 29:18

Njechimulatia na oshu, njaa na ndaaṟe mbicho. Njechimuhaluo muwe kindo kisukiṟie ko wuitoṟi wose kiidi kya oruka, ee da, kindo cha oseso, kichano, omino na kindo kepiṟo kiidi kya mkambo iya yose njilemufunyia-pfo.

YEREMIA 39:8

Wakalidayo walekoṟa mba ya mangi na modo, na mba tsa wandu; wakawunduo njomombo tsa Yerusaleumu.

YEREMIA 42:18

Kipfa inyi Mndumii-Ruwa Menyi Matorito, Ruwa o Israeli, ngahamba njidi: Chandu nyashi yako na tuke yako ilehoya wandu wa Yerusalemu, nyi wudo tuke yako yechimuhoya nyo, kokoya mochihenda Misri. Mochiwa kirumo, kiṟihisho, oseso na sonu. Mochiwonase iyapfo.”

YEREMIA 5:10

“Doyenyi omombohu loke muwunduo na inyamaṟa, kyaindi mulanyamaṟe mumarise pahuonyi maṟamba halyo, kipfa hai ha Mndumii-pfo.

YEREMIA 52:14

Maaskari wose wa Wakaldayo walya wawei na mnene ulya o waringi, walewunduo njomombo tsose tsiweṟingichie mṟi fo Yerusalemu.

SHILIO 1:7

Ambuya wulalu nyi fui mrumatse piu, Yerusalemu nyi wakeri ikumbuo mng'ano fofo, Kiheri fuleoloka mawokonyi ha wakituwa wafo, kulakaeho manya umu mowaekia. Wawinzi wake nyi walewaseka chando waleoloka.

SHILIO 2:9

Mongo yatso ikaoloka wanda, makofuli hayo kawehanyamaṟa na ihafunjafunja. Mangi na wanene wawo nyi wakeri wusingenyi kiidi kya mkambo ya wandu. Wusongoru wo wuwawaso wulesia piu, Waikimbi wawo wakedambuyose mbonyi, tsiwuka ko Mndumii-Ruwapfo.

SHILIO 3:61

Kyamba nyi uleicho shirumo shawo hoi Mndumii-Ruwa, na kyama kyawo kenjimarisa.

SHILIO 5:1

Kewekumbuowo hoi Mndumii-Ruwa ukewona wo shindo shileluhoya! Keluambuye wo uwone chandu lulewado nyi sonu.

WALEWI 26:31

Mṟi yanu njechiirumatsa, handu hanu haele njechihahaluo nuka ilawode mṟinga na njopfamo tsanu njicha tsa mwano yanu njechitsiidikia mantapfo.

WALEWI 26:33

Njechimupaṟatsana nyo kiidi kya wandu wa mbaṟi tsingi na isomuo oshu kipfa kyanu. Oruka lonu lochiwa mrapu na mṟi yanu yechiwa injisame.