MIKA 7:9 - Bibilia Kui Mdedie fo Kimochi

⁹ Kipfa ngadekio Mndumii-Ruwa, kinjiwaṟi ikarishia nyashi yake, mṟasa nadede kyako kisumhanyi njiwone kilya kii kyako. Nechiluende na nja kuwode ngeela, na inyi njechiwona keidikiana na wulohi.

MIKA 7:9 Iomraidhean Croise

2SAMWELI 24:17

Kyasia, Dawidi kahenda iwona msu ulya o Ruwa awekeri iwaha wandu, kawia Ruwa, “Ambuya inyi nyio njiwode mti? Nyi inyi njimonyi ngakudekio iyo? Wandu wa wawode mti pfo. Ngakuterewa nonjikape inyi na wa oshari loko.”

YOBU 23:10

Kyaindi naichi njia njikeri ihenda nayo; kamemaa injihesha, njechiwuka pfo cha sahapu.

YOBU 35:14

Ma kalemba ke iyo ochimwambuya-pfo mwanduye fui oshangunyi loke na iyo-numbedia.

SHIIMBO SHA DAWIDI 119:154

Kenjikapanyia na injikiṟa, unjiamtse sumhana na kyasa kyapfo.

SHIIMBO SHA DAWIDI 37:6

Nyiechiloṟa wulohi wopfo cha ngeela, Na wucha wopfo wochiwaa cha mbaṟi fo mfiri.

SHIIMBO SHA DAWIDI 43:1

Hoi Mndumii, unjianduye; unjihoṟokie ko wandu wa mkambofu fulawode wulohi, Unjikiṟe na mndu awode mtambo na mowongo.

SHIIMBO SHA DAWIDI 7:6

Mndumii kyekure na nyashi yapfo, Kyekuirie huye ya watwaṟi wako; Ukure kipfa kyako; Uleteṟya mwanduye.

SHIIMBO SHA DAWIDI 94:15

Kipfa mwanduye fochiwuuya wukiilohi, na wose wawode wuhoṟotsu wo mrima wechiwuosha.

YESAYA 42:16

Njechiende shipfupfuṟe wacheye njia walaiichi; okondo walaluichi nyipfo njechiwateteṟa; njechihaluo meema fuwe saa oshangunyi lowo; na handu haolokie njechiichuṟa isho shose njechishiwuta, manya njechimudapfo.

YESAYA 42:7

iambuṟa meso ha shipfupfuṟe, ipfunguo wai wapfunge, iwuta walya wawedamie meemenyi mbenyi ya wapfungo.

YESAYA 46:13

Inyi njiende wukiilohi woko hafui wochikaa haleshepfo, okiṟo loko lochikeleopfo; inyi njechiwika okiṟo loko ipfo ko Sioni kipfa kya Israeli wuitoṟi woko.

YESAYA 51:22

Mndumii, Mndumii opfo na Ruwa opfo, ichu modeda handu ha wandu wake nahamba adi, “Ambuya ngawuta kirahu kilya kenangio owokonyi lopfo, na kirahu kilya kiichuo nyashi yako ochikinyooya-se-pfo;

YESAYA 56:1

Mndumii nahamba adi, “Anduonyi kya wusumhanyi, kipfa okiṟo loko lui hafui, na wusumhanyi woko idambuyo ko wandu wose.

YEREMIA 10:19

Ochia loko inyi Yerusalemu kipfa kya shifaṟe shako shi shiwicho mnu. Kyaindi njilehamba lohi iha nyi matuuro, kinjiwaṟi ikarishia.

YEREMIA 14:7

“Wandu wakahamba; ‘Manya chandu wunyamaṟi wodu woluṟingishia, iyo Mndumii noṟunde kipfa kya rina lyapfo, kipfa wunyamaṟi wodu nyi wufoi mnu wukatana woṟihisha.

YEREMIA 51:10

Mndumii-Ruwa ameṟingishia ke kuwode kindo lutehiye-pfo. Luhende Sioni luonguo mawuto ha Mndumii-Ruwa, Ruwa odu.

SHILIO 1:18

“Ee ambuya Mndumii-Ruwa nyi awuta kya wusumhanyi, kyamba nyi njilemina idedo lyake, nyo wandu mose kenjiadanyienyi, ambuyenyi matuuro hako. Kyamba wana wako wa kika na wa kisoṟo, nyi waledao wusingenyi

WALEWI 26:41

wakakumbuo kitewe njilewingana nawo na iwaduo orukenyi lo wakituwa wawo; kokoya nyi kya lohi mrima yawo ikakunyiṟa na idumbuya wuwicho wowo,

MALAKI 3:18

Nlyong'u mochiwuya na imanya wecha na wawicho na weṟundia Ruwa nyi waki na walamṟundia.”

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2TIMOTEO 4:8

Kitsuhae nyi iṟiko oṟo ya wuchopi wo wuwinzi wuhoṟotsu wo moo njimsuṟumye. Nyiyo Mndumii mletsi mhoṟotsu echinjiimaya nayo mkonu fulya. Indi echinjiimanya nayo inyi njimonyi tupupfo, indi na walya wose wawodo nyi macha ha ikuloṟa lyake.

OTAMBAHALUO LO YOHANE 18:20

Chihio kyafo iyo ruwehu, ke-chihionyi-ng'u nyo mui wandu wa Ruwa na wasu na waikimbi, kyamba Ruwa amefuanduya mdumbuye kipfa kya chandu fulemuwutia nyo.

1SAMWELI 24:15

Kyasiang'u Mndumii-Ruwa nawe mndu modumbuo kyako na iyo. O nakeambuya necha kindoki, nakae ora loko najiashuo mawokonyi hapfo.

1SAMWELI 25:39

Kiheri Dawidi aleicho ke Nabali napfa, nalehamba, “Kuichiko Mndumii-Ruwa ichu aletaa Nabali kiṟaache kipfa kya ili alenjiruma, nao Mndumii-Ruwa nalenjiashuo inyi mṟundi oke iwuwuya Nabali kya wuwicho woke.” Numa Dawidi kaduma wandu wamdaaye Abigaili nawe mka oke.

1SAMWELI 26:10

So Mndumii-Ruwachu menyi moo, nyio echimbaha amonyi, mfiri foke fopfa fochimhoya, ang'u nechikaa nahende shidenyi napfiiyepfo.

1SAMWELI 3:18

Kyasia, Samweli kaongoya Eli shose alewio, nalamṟikyeho manya kindo. Naho Eli kahamba, “O nyio Mndumii-Ruwa; nakeawutsia ikyo kyose awonyi nyi kii kicha koke.”