MIKA 7:6 - Bibilia Kui Mdedie fo Kimochi

⁶ Kipfa, mana o kisoṟo namina ndeye, na mana o kika kahoṟotsana na mae. Mali o mana kawehodana na mamii oke. Wakituwa wa mndu nyi wandu wa kanyi koke.

MIKA 7:6 Iomraidhean Croise

MAWOOKIONYI 49:4

Nutoolie mṟasa cha mfu fo mṟinga, na kulawadese wunene, Kipfa kuledooya kitaṟenyi kya ndeo, Kokiterefutsa; nalekidooya kitaṟa kyako.

2SAMWELI 16:11

Dawidi kawia Abishai na waṟundi walya wake, “Kokoya mana oko Absalomu, nakeri injiwingia nanjiwahe, nkili mṟihiyo iki Mbenyameni chu aiwuta? Mlekenyi namdume nyi Ruwa nanjisese.”

SHIIMBO SHA DAWIDI 41:9

Mbuya yako ya mrima iya mbemkusirie, sa lulelya nao kitela kimu, aichu anjiiria kishishindo kyake.

MFANANO 30:11

Kuwode kishari kya wandu wekesesa ndeawo; Walekewikia wamaawo ona.

MFANANO 30:17

Riso lyechitaluo ndee; Likawuya ipiṟa mae; Makuru ha pichinyi halikuṟuo, Na mbeṟo njikoho tsilimeṟe.

YESAYA 3:5

Wandu wechiwonyio, orio mndu na odoye, mndu na wamṟasa oke; mana nechikushela oshangunyi lo ndeye, na wandu wafari wechimina wanene wawo.

YESAYA 9:19

Kipfa kya nyashi ya Mndumii menyi Matorito oruka lu luirumara piu; wandu wa nawo wai cha ngu tsewika modonyi; kuwode mndu mosaṟia manomaye pfo.

YEREMIA 12:6

Wanawamayo na wa mba yapfo kumonyi, wakuwutia kui mtambo, wakudedia na pata. Ulawaidikie manta, ma wakakuwia madedo mecha.’”

YEREMIA 20:10

Kyipfa ngaicho italuo lya wandu wafoi!’ ‘Wuowu wui njora tsose!’ Wambuya, wako wose wanjilaaya njitisiki: Wehamba, ‘Mkumbenyi! Naso lochimkumba.’ ‘Kofia nechipiṟimka, naso lochimilama, lochitaa kiṟache koke.’

YEREMIA 9:4

“Kuṟisenyi orio mndu na wamṟasa oke, manya mulakusirie mana-o-mayo ose, kipfa orio mndu nechiseya sha wongo, na mndu o mṟasa nechihenda ipfo na ipfo, na ihamba wongo na iiria wongo.

EZEKIELI 22:7

Kyamba kiidi kyapfo wafee wakemino, na mhenu kawesoko masaa hake, ngweda na waka wakusu wakawehenda iwonyio.

OBADIA 1:7

Wandu wose muweidikianyi nawo, Walekufuna, itane mṟasenyi; walya walewada ofoṟo na iyo nyi ofoṟo walekulemba, na ikurohia; Walya wekelya mkate fopfo wawikie mdeho shiyapfo; Ma awode mahiyo ha isho kiidi kyakepfo.

MATAYO 10:21

Kya indi kukae manomae o wandu nadambike manomae kya opfu na ndee o mndu nawedambika mana, na wana wa wandu waamkye iwo wawafeye na ihenda iwashihiya ofu!

MATAYO 26:23

Nao kahaluo kahamba, “Nyi icho njechisotsya nao owoko ipfo kitelenyi nyio echinjidambika-ho.

LUKA 12:53

Nyi wechiloyana ndeye na mana o nguwo yake, na mana na nde, mae na mana oke o kika, na mana o kika na mae, mamii na mali o mana.”

LUKA 21:16

Nanyo nyimocheṟiingio na nyi wafee na wanawamaanu, na wodoyanu wa kishari na wakunde wanu.

YOHANE 13:18

“Chi ngadeda njido kyanu mosepfo. Inyi njiichi iwa njilewasambuṟa. Kya indi nyi kochihoya kyeinutsa ki-kiṟehye kehamba, ‘Ichu alie mkate foko nahaluka injiterengia.’