MIKA 7:4 - Bibilia Kui Mdedie fo Kimochi

⁴ Ulya mcha kota wo nekelisa wandu wukiwa cha mbeche. Kokoya kwipfo asumhanyi nyi cha oṟiho lo msha. Mkonu fowo fohoṟuo fuweiwedio foshika. Wulalu nyi wai iṟewe.

MIKA 7:4 Iomraidhean Croise

YESAYA 10:3

Nanyo mochiwuta kiki mkonu focheo, na kiheri kya orumatso, kechicha kiwuka kuleshe mnu? Alewo mochidichiawu muwone ngaya? Na kiṟumi kyanu mochikida hanga?

YESAYA 22:5

Kipfa mkonu fo wukiwa, mkonu fochumochumo, mkonu fo kilafumbi fukeri icha fuwukie ko Mndumii, Mndumii menyi Matoṟito, kiidi kya pichi lya shiwonesio; iwunduo njomombo, na ifihiṟia mafumvu.

YESAYA 55:13

Handu ha msha kochido opanyi, handu mbeche tsetocha, mboha. Kindo ki kechiendie Mndumii rina, Kechiwa kichano kya mlungana, Kilechiwa ikumba kuleshe.”

YEREMIA 10:15

Nyi wulya tupu, nyi iṟunda lyelemba kiheri kyawo kecheo wechideka.

YEREMIA 11:23

Manya kochiwada mndu motsuhaa kowo-pfo, kipfa njechiende mawicho huya wandu wa Anathothi, kiidi kya maka focheo.”

YEREMIA 46:21

Ma maaskari wake watao wueri nyi cha taho njinoru; nawo da wahaluka, wakadicha kimu, walaidime itirisia, kiheri kehoṟuo kyaafukia.

YEREMIA 8:12

Ngesa na waleṟeenze lilya walewuta sha mkika? Ote waleṟeenze-pfo, ma walewado nyi sonu-pfo; kyasiang'u wechioloka kiidi kya weoloka; kiheri kecheo wechiolotso wanda. Mndumii ahamba.

EZEKIELI 2:6

Ko ikyo iyo mndu, ma ulawaowuo, manya madedo hawo halakuoweshe. Ma chandu mbihinu na msha shii kuṟingichia, ngoseṟa nudamie huye ya shisuwa, manya ulaowuo madedo hawo, manya ulapfio nyi mdo kipfa kya nyashi iloṟie ipfo shamunyi shawo, chakipfa wandu wa nyi wa waminyi mnu.

EZEKIELI 28:24

Mndumii-Ruwa nahamba, “Mkambo iya ya wandu iweṟasanyi na Waisraeli wechiidimase iwawiṟa Waisraeli cha msha na msambochipfo. Kyamba wawutaho imanya ke inyi nyi Mndumii-Ruwa menyi Matorito.

AMOSI 8:2

Kanjiwia, “Amosi, nkiki uwonyi?” Ngahamba, “Njiwonyi kikunja kya ndunda tsa kuari.” Nahong'u Mndumii kanjiwia, Mtsitsionyi fo wandu wa Israeli foshika; njechiwasaṟia-se manyalepfo.

NAHUMU 1:10

Kipfa kokoya wawa cha msha iwadanyi, na irutsa cha ili wainyo wechikombetso cha makaanjo maumu.

LUKA 21:25

“Kochiwoneka na ṟiho tsa njofano ipfo mnengeṟinyi na merinyi na nyenyerinyi, na iya wuyana wandu wa mbaṟi tsose nyi wechikapo ngoo walechimanya kimaduma, kipfa masinanu ha ipalyipalyi nyi hechiengeṟa ihaluka-haluka na idihina.

WAEBRANIA 6:8

Indi iya ingi yekeende msha na maduo iwode kiweṟepfo, ikeri afui iseso yechifurumia ikumbyo modo.