MIKA 5:3 - Bibilia Kui Mdedie fo Kimochi

³ Msongoru cho nechilisa wake kwi pfinya ya Mndumii-Ruwa, kwi kiṟumi kya Mndumii-Ruwa, Ruwa oke, wandu wake wekusaya olelenyi, kipfa nechikuwia mnene mṟasa mtsitsionyi fo oruka.

MIKA 5:3 Iomraidhean Croise

1WAMANGI 14:16

Nao nechilekana na Israeli kipfa kya madeko ha Yeroboamu, aledetsa naho Israeli.

2MBONYI TSA MAHERI 30:7

Manya mulawe cha wasahuye wanu na wanawamayo wanu sa walawei wahendeli ko Mndumii-Ruwa, Ruwa o wasahuye wawo. Na chandu muwonyi nyo muwenyi nalewanenga ngapo ing'anyi.

SHIIMBO SHA DAWIDI 67:3

Wandu wakuane, hoi Ruwa, wandu wose wakuane.

YESAYA 11:11

Na kechiwa mkonufo, Mndumii nechihoṟuo owoko loke lya kawi, kundu nakuwadie wandu wake waletsuhaa, kuwuka Ashuru, na kuwuka Misri, na kuwuka Patrosi, na kuwuka Kushi, na kuwuka Elamu, na kuwuka Shinari, na kuwuka Hamathi, na kuwuka hahadutsu kiidi kya ipalyipalyi.

YESAYA 49:6

yee, nahamba adi, “Nyi idedo litutu mnu iyo iwa mṟundi oko kundu noire oshari lo Yakobo, na iwihiṟa wandu wa Israeli wawei wateseheṟe; kake njechikuwuta uwe saa ya wandu wa mkambo, nowe okiṟo mtano mtsitsioni fo wuyana.”

YEREMIA 23:5

“Ambuya mkonu ikeri icha, Mndumii ahamba, ‘Njechidosia Dawidi njana ya wulohi nayo yechichilia; mangi echiṟunda na wulaanyi na njechianduo kui wulohi kiidi kya oruka.’

YEREMIA 31:1

Mndumii-Ruwa nahamba, “Kushika kiheri inyi njechiwa Ruwa o shishari shose sha Israeli nawo wechiwa wandu wako.

EZEKIELI 34:16

Kii kidi machondiho hawedekie njechihenda ihapfula, na halya hakeri kiṟahioṟahionyi njechihawihiṟa na kanyi. Nyi wudo na halya hawode shifaṟe njechihawikia mdi, na halya hai mafari njechihainenga pfinya, kyaindi, machondiho manoru, hawode pfinya njechiharumatsa. Kii kidi njechihenda ilisa machondi hako chandu kiwaṟi.

HOSEA 11:8

A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

HOSEA 2:14

Koikyo, njechimtutuma, njechimduo nuka ya msanga, na ideda nao ko wuhoo.

HOSEA 2:9

Koikyo kiheri kesambuo, njechiduo Ngano yako, njechiduo na mvinyo foko kiheri kyake. Njechimsoka nguo tsako tsa sufu na kitanyi, sa tsiwekeshikia wukitaṟe woke.

AMOSI 5:15

Suonyi mawicho; kundenyi mecha; ukiilohi wuwe kyooṟa mongonyi, kulako Mndumii-Ruwa menyi matorito, kyechiwutia mecha walya watsuhaa wa Yosefu.

MIKA 4:4

Orio mndu nechikukaya kwi olele wanda ya mashidi ha msabibu yake, alechiowesho nyi mndu oose. Mndumii-Ruwa ahamba isho amonyi.

MIKA 4:7

Iwo watiliwanyi shiwungo nyi wo wedeyo moo; iwo waledao osamiṟonyi wechiwa mkambo fuwode pfinya. Na inyi Mndumii-Ruwa njechiwaitoṟia fumvuhu lya Sioni, wokia kiheri-kyo itane mlungana.

MIKA 5:7

Wa oshari lo Yakobo wedeo na moo, wadung'anyie kiidi kya mkambo fo wandu wafoi, wechiwada pfinya ing'anyi cha mwiso kiidi kya mando hai na moo ngeṟenyi, cha ilea lya mwiso kiidi kya po lya machondi, orio handu lyaida, lyikaharundikia na ihahaluo choonga yawo, kulawoneke mohakiṟa.

MIKA 5:8

Waisraeli wechiwinza wakituwa wawo na iwarumatsa piu.

MIKA 6:14

Mochilya kyaindi mochiihuda-pfo, mochiengeṟa iliyo nyi njaa kiidi kyanu, mkawika kisa kechiringo-pfo, na kokooya moringa kindo njechikinyamaṟa na shida.

MIKA 7:13

Kyaindi oruka lungi lose lochiwa nuka ya msanga, kipfa kya wuwicho wo wenyi wawo.

ZEKARIA 10:6

Inyi njechikarisha mba ya Yuda, njechikiṟa mba ya Yosefu, inyi njechiwawihiṟa kipfa ngawaichio makulili; wechiwa ke njiwakumbie pfo kipfa inyi nyi Mndumii-Ruwa owo njechiwaicho.

MATAYO 1:21

Nao nyekaa nafee mana, na rina lyake nomlahe nyi Yesu; kipfa nyio ekaa nakiṟe wandu madeko hawo!”

MATAYO 12:50

Kipfa mowuta shechihia Wande kulya ruwehu, nyi-ong'u anjikerye manowama na mshiki ang'u wama.”

MATAYO 25:40

Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”

WAROMA 8:29

Kitewe nyi kipfa iwo alesonguo iwamanya kawesonguo na iwasambuṟa wawe wefanana na mfananye fo Mana-chu oke, kundu o nawe wawae o wana wa wee limu wafoi.