MIKA 4:7 - Bibilia Kui Mdedie fo Kimochi

⁷ Iwo watiliwanyi shiwungo nyi wo wedeyo moo; iwo waledao osamiṟonyi wechiwa mkambo fuwode pfinya. Na inyi Mndumii-Ruwa njechiwaitoṟia fumvuhu lya Sioni, wokia kiheri-kyo itane mlungana.

MIKA 4:7 Iomraidhean Croise

SHIIMBO SHA DAWIDI 2:6

Inyi nyi njilemtana mangi yako Ipfo Sioni fumvunyi lyako yele.

YESAYA 16:5

Na loṟika lo wuitoṟi lochiwanga kui isaṟia; na nechidamia ho kui wulohi, kiidi kya mba ya Dawidi; kechianduo, kechikunda shilya sha wusumhanyi, ai mwangu ikapanyia wusumhanyi.

YESAYA 24:23

Nlyong'u meri fochileha iwaa na mnengeṟi fuṟeenze; kipfa Mndumii menyi Matorito nechichilia huya fumvu lya Sioni, na kiidi kya Yerusalemu na oshangunyi lo wameku wawode kiṟumi.

YESAYA 6:13

Manya chandu kutsihae ora lumu kiidi kya ikumi, yechelio mayo da; cha mchihiyo, cha mfuṟuhanje, itsinde liwonyio likamemanyo.” (itsinde lyo nyi mbeu njele ya mawookionyi mahya).

YESAYA 60:22

Mtutu nechiwa kiku, Na ulya mfafa nechiwa oshari luwode pfinya; “Inyi Mndumii, njechiinutsia isho kiheri kyake.”

YESAYA 66:8

Nyiu alemeicho idedo cha ili? Nyiu alemewona mbonyi cha itsi? Ngesa oruka loidima ifeo mkonu fumu? Mkambo fo wandu wafeo limu? Kipfa Sioni kiheri alewona mawawio, Nalefee mana oke.

EZEKIELI 43:7

nao kanjiwia, “Iyo mndu, iya nyi hondo loṟika loko lo wumangi lukeri, nyihondo njekechumia na njotifo tsako. Kyamba njihenda ikaa kiidi kya wandu wako wa Israeli mlungana. Kyamba Waisraeli wechihendase ifanyitsa rina lyako wo wawenyipfo ma wamangi wawo wechiindia sanamu tsa maruwa hengi manya iṟika mnying'a ya wapfu wawo handu ha se pfo.

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 4:34

“Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

DANIELI 7:27

Na wumangi na wuitoṟi na wunene wo wumangi iya wuyana wechiinengo wandu waele wa ichu o huye, wumangi woke nyi wumangi wo mlungana na wose wengi waitoṟi wechimṟundia na imiindia.’

HOSEA 1:10

Kyaindi wandu wa Israeli wechifo cha msanga fo ipalyipalyi, sa fulechiidima ihesho ma iitalo. Wulalu Ruwa nakeri muwia, “Nyo chi wandu wako-pfo,” kyaindi kuwode mkonu fuicha sa echimuwia, “Nyo nyi wana wa Ruwa ai Huye!”

YOELI 2:32

Kiheri kyo wandu walya wose wechiterewa, ko rina lya Ruwa Menyi Matorito, wechikiṟo. Chandu Mndumii-Ruwa awehambie, Kiidi kya fumvu lya Sioni na Yerusalemu, kuwode wandu sa wechikia; chandu njilehamba inyi Mndumii-Ruwa. Walya njilewasambuṟa wechikia.”

YOELI 3:17

“Kyasia, iyo Israeli, nyo mochimanya ke inyi nyi Mndumii-Ruwa onu, njikekaa kulya Sioni, ifumvu lyako liele. Yerusalemu yechiwa mṟi foko mwele; ma wandu wa mkambo wechiidima ifukapa na ifuwingapfo.

OBADIA 1:21

Ngoseṟa wakiṟi wechidooya huya na mafumvu ha Sioni kundu waanduye fumvu lya Esau; na wamangiwo wechiwa kisa kya Mndumii.

MIKA 2:12

Kyaindi kya lohi ke njechisanyia wandu wako wa Yakobo, ee da! Njechisanyia walya wa Israeli waletsuhaa. Njiwaende na mfiṟihenyi cha machondi cha po limu ling'anyi kilisionyi, nanyo mochiwa po lya wandu wako wafoi.

MIKA 2:13

Mndumii nechiṟuhuo njia nawawute wusingenyi nawasongoe, nawo wechifunja kichumi wahende. Mangi yawo Mndumii amonyi nechiwapfunguo nawasongoe.”

MIKA 5:3

Msongoru cho nechilisa wake kwi pfinya ya Mndumii-Ruwa, kwi kiṟumi kya Mndumii-Ruwa, Ruwa oke, wandu wake wekusaya olelenyi, kipfa nechikuwia mnene mṟasa mtsitsionyi fo oruka.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

SEFANIA 3:13

Mtsuhaṟo fo Waisraeli wechiwuta wunyamaṟipfo, manya ihamba wongo; ma olimi lo piṟa lulechiwono dumbunyi; kipfa wechilya na ilaa, kulawode mowaowesha.

SEFANIA 3:20

Mandi ho njechimusanyia na imuitsa na mba - kipfa njechimhaluo kiṟumi na rina kiidi kya wandu wose wa wuyana ilyi njechiwihiṟa wapfungo wanu oshangunyi lo meso hanu, Mndumii ahamba.

LUKA 1:33

Nao nyi echikaa ai mangi ya oshari lo Yakobo mlungana, ma wumangi woke woikaa wudumbukepfo!”

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.