MIKA 4:12 - Bibilia Kui Mdedie fo Kimochi

¹² Kyaindi wo waichi makusaṟo ha Mndumii-Ruwa manya waichi kilya ateseherie-pfo. Ke nawasanyia handu hamu, cha mhanda handu heseya.

MIKA 4:12 Iomraidhean Croise

SHIIMBO SHA DAWIDI 147:19

Nekeongoya Yakobo idedo lyake, Na Israeli mawawaso hake na mdumbuye yake.

SHIIMBO SHA DAWIDI 147:20

Alewutia mkambo ma fuha mbonyi cha itsopfo, manya mdumbuye yake waleimanyapfo. Haleluya!

YESAYA 10:7

Indi chi wudo akeri iambuyopfo, ma chi wudo mrima foke fuikusaṟapfo; kipfa kiidi kya mrima foke nakusaṟie, inyamaṟa na irahanyitsa wandu wa mkambo ifoi ma chi waangupfo.

YESAYA 21:10

Iyo njilekuowisha, na ikushikia wanda na mbeu yako, isho njileshiicho ko Ruwa menyi Matorito, njilemuinenga mbonyi.

YESAYA 29:7

Na mfoeṟa fo wandu wa mkambo wekapana na Arieli, wose wekapana nao na omombo loke, na walya wemsuiṟa, wechiwa cha ndodo, na mawonesio ha kio.

YESAYA 55:8

“Kipfa makusaṟo hako chi makusaṟo hanupfo, ma njia tsanu chi njia tsakopfo;” Mndumii ahamba.

YEREMIA 29:11

Kipfa njiichi makusaṟo njikusaṟa kyanu, Mndumii ahamba nyi makusaṟo ha ofoṟo ma chi mawicho pfo, imuinenga nyo mkusirie mafiri hanu hefurumia.

YEREMIA 51:20

Mndumii-Ruwa nahamba adi: “Iyo Babeli nyi ṟungu na kisha kyako kya shida; njikuwode nofunjefunje mkambo, njikuwode norumatse wamangi.

YEREMIA 51:33

Mndumii-Ruwa, Ruwa o Israeli nahamba adi, ‘Babeli nyi ai cha kiwuha keelia Ngano kiheri kyo kekeṟeheṟo. Kyaindi kutsuhee kitutu tupu kiheri kesambuo kikoyo.’

YOELI 3:2

Njechisanyia wa mkambo wose, na iwasotsia pichinyi lya Yehoshafati. Ipfo njechianduya wandu wo wa mkambo, ko shilya walewutia wandu wako Israeli, wai masaa hako njimonyi. Cha kipfa walewaṟaṟanja kiidi kya wamkambo, na ihawa oruka loko,

LUKA 3:17

Nao nyiawode mpongo ipfo owokonyi loke, nyiechiseṟewenda kiwuha kyake kiile pang'a, mbeke-tso naingie kikumbinyi kyake, kyaindi muulu-fo nyiechifukoṟa na modo fulechiruma.”