MIKA 3:7 - Bibilia Kui Mdedie fo Kimochi

⁷ Iwa waichi ihamba mbonyi tsechicha wechisonu, walya waichi ihamba mbonyi wechisuka; wechipfumbuṟia madumbu hawo, kipfa Ruwa echiwahaluo idedo - pfo.

MIKA 3:7 Iomraidhean Croise

SHIIMBO SHA DAWIDI 74:9

Luwonyi maṟiho hadu-pfo, ma wulalu kuwode mwikimbipfo, manya kodu kuwode aichipfo, mṟasa indii?

IWUKA 9:11

Nawo walasha walya walaidime ihoṟoka oshangunyi lo Mose kipfa kya maude halya, cha kipfa na walashawo walewewado nyi maude, na Wamisri wose wawewodo.

YESAYA 44:25

Njekenyamaṟa shichano sha wewuta wongo, na ihaluo wahanga wawade oṟuṟe; njekewihiṟa walaanyi na numa, ngahaluo wuṟango wowo wutondo;

YEREMIA 18:18

“Nalyong'u wakahamba njonyi ludede kya Yeremia, kipfa wuwawaso wochidekia mkohanyi pfo na wulaanyi wodekia menyi wuṟango pfo, ma idedo lechidekia Mwikimbi pfo. Njonyi lumkape kui idedo lyake amonyi, ma lulaadanyie idedo lyake ma limu.”

EZEKIELI 24:17

‘Ambuya nyi ochisumukia kya indi uladose ṟu. Manya ochiloṟa iawuka lya icho apfapfo. Ṟaa kidami kyapfo, uwekuṟaya shadu shapfo, manya ulashikie oshangu lopfo manya ilya kelya kya iawuka.’

EZEKIELI 24:22

Nanyo nyi mochiwuta chandu njilewuta inyi kyamba mochishikia njoshangu tsanu pfo, manya mochilya shelya sha iawuka pfo.

WALEWI 13:45

“Numa icho awodo nyi saka awode ndaaṟe kiidi kyake, nguo tsake tsechiranduo, na njui tsa mdohu foke tsilashikio, nao napfumbuṟie momu foke fo huye, nakoṟoṟome, “Njiteṟefukie, njiteṟefukie.”

AMOSI 8:11

“Ambuya mkonu ikeri icha Mndumii-Ruwa ahamba, njechiende njaa orukenyi, chi njaa yetuṟa kandopfo, na nyoda yetuṟa mṟingapfo, indi nyi yetuṟa iicho madedo ha Mndumii.

MIKA 3:4

Kuwode kiheri kechicha mfuhiye Mndumii-Ruwa, kyaindi echimhaluo-pfo. Nechiṟika kyamu kyake mandi-ho, kipfa muwutie mawuto mawicho.

MIKA 7:16

Kundu wandu wa mkambo ili wechiwona, isho waichuo sonu ma kokoya wawode pfinya. Wawe mkahai wawuṟe kededa, wawe cha wapfu madu.

ZEKARIA 13:4

Nyi kechiwa mandi ho waikimbi orio umu owo nechiwado nyi sonu kipfa kya wuikimbi woke, manya echiṟaa se ikonya lya mbelele pfo kipfa kya madedo hake helemba wandu,

1SAMWELI 14:37

Nahong'u Sauli kawesa Ruwa, “Ngesa, njihende ikapa Wafilisti Ngesa, nochiwawika mawokonyi ha Waisraeli Ngesa? Nochiwawika mawokonyi ha Waisraeliṟ.” Kyaindi Mndumii-Ruwa alehaluo kindo mkonufopfo.

1SAMWELI 28:15

Samweli kawesa Sauli, “Nkilyi onjiwinyisha injiende na kunu huye?” Sauli kamhaluo kambia, “Inyi njiwodo nyi wukiwa wung'anyi! Wafilisti waira shida na inyi, na Ruwa najikumba mhongo; ainjihaluose kui waikimbi ang'u kui ndodopfo Nkyo kimaduma ngakulaha nokenjiwia kindo njechiwuta.”

1SAMWELI 28:6

Kiheri aleterewa Mndumii-Ruwa, Mndumii-Ruwa alededa nao manyalepfo ma kui ndodo ma kui maho hededapfo Urim na Thummim, ma kui waikimbipfo.

1SAMWELI 9:9

(Ilyi mawokioonyi kulya ko Waisraeli kokoya mndu akundi iterewa Ruwa kindo, nawekehamba, “Kenjonyi luhende ko mndu ekewona.” Kyamba mwikimbi o wulalu nawekelaho nyi mndu ekewona).