MIKA 1:7 - Bibilia Kui Mdedie fo Kimochi

⁷ Sanamu tsafo tsa wuhuru tsechifunjo funjo, orio kindo kikiinengie ko wameluki wa hekalu, kechirumatso na modo. Shisanamu shose njechishinyamaṟa. Shilewumbio kwi wueri wo wumeluki, nasho shechiṟunda-se itaya wumeluki.”

MIKA 1:7 Iomraidhean Croise

2MBONYI TSA MAHERI 31:1

Kyasia, mfuho fulya fukasia, na wandu wose wa Israeli, wakahenda mṟinyi yose ya Yuda, wakafunjafunja ngo tsose tsa maho, na idumbuodumbuo sanamu tsose tsa Ashera, ruwa o kika, na ngoseṟa wakanyamaṟa rasio na handu hose heindia maruwa hengi ha wongo. Nawudo walewewuta kundu kungi kose kiidi kya Yuda, Benyamini, Efraimu, na Manase, mṟasa kiheri walemarisa ishirumatsa shose. Nyilyondi walewuya na mṟinyi yawo, orio mndu na wuitoṟinyi woke.

YESAYA 2:18

Sanamu tsose tsechideka piu.

YESAYA 23:17

Nakyo kechiwa ifurumia lya maka makumi mfungade (70) Mndumii nechiiṟikiṟa oruka lo Tiro, nao nechiwuya nawone wueri woke, nechimeluka na wamangi wose wa Wuyana kiidi kya oruka lose.

YESAYA 27:9

Kyasia wuwicho wo Yakobo wochiilisho wudo, na itso nyitso ndunda tsose tsembuta wunyamaṟi woke; ilyi echihaluo maho hose ha rasioni hawe cha maho maili hamapaṟe-paṟe, mṟasa mbuo na sanamu tsa mnengeṟi tsechihoṟoka-sepfo.

EZEKIELI 6:6

Mṟi yo yanu yechinyamaṟo, na alya handu kukuirie haweṟumatso, na shitaṟa shanu shedasia shiwenyamaṟo, kundu sanamu tso moketsiindia tsiwefunjofunjo na shitaṟa shilya mokedasia pfo shidaso shepfaama shiwenyamaṟo, na maṟunda ha mawoko hanu hekumba kuleshe;

HOSEA 2:12

Njechirumatsa msabibu yake na mkuyu, ekehamba nyi wueri kuwuka ko wakunde wake. Njechiitana iwe ngeṟa, na mando ha ngeṟenyi hechiilya.

HOSEA 2:14

Koikyo, njechimtutuma, njechimduo nuka ya msanga, na ideda nao ko wuhoo.

HOSEA 2:5

Mayawo nawuta wumeluki, nalekapika kechiwuta shindo sha sonu. Nalehamba; njechihendesana na wakunde wako, sa wekenjinenga kelya na mṟinga, sufu na kitanyi, mafuda na mvinyo.

HOSEA 8:5

Nyo Wasamaria ambuya nyi, njisuo sanamu yo yapfo ya ihache. Nyashi yako nyi ikeri iwaakia, nyi mochikaa mui wadeko mudo itane indii?

HOSEA 8:6

Nyo Waisraeli nyi nawudo wudo! Sanamu yo yanu nyi mwaria aleisungusia, ikeri Ruwa manya le pfo, ee, sanamuyo ya ihache, ya Samaria nyi ikeri ihenda ifunjo funjo!

YOELI 3:3

na ikuhawia wandu wako ko kuṟukuhya. Walekumba wanake kundu watae wameluki, na ikumba singididi kundu wahure mvinyo, na inango.

WALEWI 26:30

Na Inyi Njechinyamaṟa handu hanu ha mwindie mafumvuhu, njechiwunduo rasio tsanu tsedutsia ubani, njechikumba mnying'a yanu huya masanamu ha maruwa hanu. Mrima foko fochimusuo mnu nakamu.

NGUMBUO YA MAWAWASO 23:18

Pesa tso tsose tsawukana na wuṟuhuiwo tsilawiko mwano fo kiteṟio ko Mndumii-Ruwa, Ruwa onu, ipfo hekalunyi; kyamba mndumsoṟo angu mndumka ai mṟuhui ipfo hekalunyi nyi kindo kisukiṟie Mndumii-Ruwa.

NGUMBUO YA MAWAWASO 9:21

Kindo kilya kiwicho, ihache lilya mulekusungusia, njileliira, ngalirumatsia modonyi, ngalipochapocha na ilisa likawa cha kiluli kya kimamile; kiidima ngaokumba kilulyikyo kiidi kya kimeda kiwesokie kulya fumvuhu.

OTAMBAHALUO LO YOHANE 18:3

Kipfa mkambo ya wandu yose iwenyoe mnyoe mbawo fo wuṟuhui wofo, fuende wutuuke (wo Ruwa) na wamangi wa wanda ii wawekyeṟuhuya nafo na wekapa mbucha wakasuṟia kui mweke fo useṟeṟi wofo wuidie.”

OTAMBAHALUO LO YOHANE 18:9

Na wamangi wa masanga iwa wawemelukameluka nafo na ilya nafo kya useṟeṟi nyi wechifulilia na ifuha kyafo iliindi wechiwona mtsu fo wuhyu mṟi fochisenekia.

1SAMWELI 5:4

Kyaindi, ilyi lya ngama ngamenyi wekikure, wakawona sanamu iya ya Dagoni iolokie na mbuo sumhana na isanduku lya Ruwa, mdo, madende na mawoko ha sanamuyo shose shifunjikie, shikawa shilee wanda kufui na kisingiti kya mongo. Imbihulyo lya sanamu ya Dagoni nlyo lyiwetsuheeho.