MIKA 1:5 - Bibilia Kui Mdedie fo Kimochi

⁵ Ishi shose shechihoya, kipfa kya madeko ha oshari lo Israeli. Ngesa, deko lya Yakobo lyawono hanga? Kiidi kya mṟi foke fung'anyi Samaria. Ngesa, deko lya Yuda lyawono hanga? Kiidi kya Yerusalemu kwenyi?

MIKA 1:5 Iomraidhean Croise

1WAMANGI 11:7

Kuwode fumvu lii ora lo ngamenyi lo Yerusalemu, Solomoni kawika ho handu hedasia Kemoshi, mkituwa o Wamoabu, na handu hedasia Moleki, mkituwa o Waamoni.

1WAMANGI 13:32

Kipfa idedo lyo alefihiṟia huya rasio kiidi kya Betheli, kui idedo lya Mndumii, na kya mba tsose tsa handu ha huye tsii kiidi kya mṟi ya Samaria, nyi kya lohi tsechiinukia.”

1WAMANGI 16:24

Kiidima kahuṟa kifumvu kya Samaria ko Shemeri wueri wo kilo 70 tsa fesa, kawika mba huya kifumvu kilya, kalaha mṟi fulya alewika, Samaria, kundu naichike rina lilya lya Shemeri, menyi kifumvu kilya.

2MBONYI TSA MAHERI 34:3

Kiidi kya maka fo kaana fo wuotoṟi woke, mangi Yosia akeri mana mtutu, nalewoka iadapfuma Ruwa o sahuye o Dawidi. Na kiheri aleshika maka ikumi na iwi, kawoka isanja Yuda na Yerusalemu, kechirumatsa rasio tsose tseindia maruwa hengi, sanamu tsa Ashera, na sanamu tsingi tsose tsetsana na tsilya tsijisungusie ko isalaṟa menya.

2MBONYI TSA MAHERI 34:4

Ko iwawso lyake, wandu wake wakawunduo oshangunyi loke, rasio tsa handu Baali ekeindio, na irumatsa rasio tsose tsekoṟia ubani sa tsiwei kufui na rasio tso; wakapoṟipotsa sanamu tsa Ashera, na sanamu tsingise tsetsana na tsilya tsesalaṟa modonyi; wakatsitana tsikawa kiluli, wakaolia kiluli kyo huye ya makabuṟi ha wandu walya sa waweketsiwutia shidaso ili lyamboko.

YESAYA 7:9

na mdo fo Efraimu nyi Samaria, na mdo fo Samaria nyi mana o Remalia, mulakunde iidikia nyi kya lohi mochiwanga-pfo.”

YEREMIA 2:17

Ishi shilekuchea cha uwekunda kumonyi, kipfa kuleda Mndumii-Ruwa opfo, lilya alekusongoya njienyi?

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

YEREMIA 23:13

“Njiwonyi wutondo kiidi kya waikimbi wa Samaria; wakahamba shisuku ko rina lya Baali, wakadekesha wandu wako Israeli.

YEREMIA 23:14

Kiidi kya waikimbi wa Yerusalemu, ngawona idedo liwichuṟie mnu mnu; wekeṟuhuya, wakachumia wawode wongo, wakawanza mawoko hewuta wunyamṟi; kulakaepfo ma umu awuya na ida wuwicho woke; wose piu wakawa cha Sodoma, Koko na wenyi wawo cha Gomora.

YEREMIA 4:18

Mawuto hapfo na ohendo lopfo lokuendie ishi, iwu nyiwo wuwicho wopfo, kipfa wui wuwawo, nylohi wushikie kiidi kya mrima fopfo.

YEREMIA 5:25

Mawicho hanu hailachie ishi, na manyamaṟo hanu hakaima ishi shose mulashiwone.

YEREMIA 6:19

Adanyia iyo Oruka; uambuye, njechiende mawicho huye ya wandu wa, ee da ndunda tsa mahiyo hawo, kipfa walaleicho madedo hako; na kya ngoseṟa mbonyi tsa wuwawaso woko wakaleha.

SHILIO 5:16

Shindo shose luwekekushela nasho nyi shilesia shose. Ochia lodu kyamba nyi lulewuta wunyamaṟi.

EZEKIELI 16:46

Wawiye ipfo Samaria nyi akeri huye yapfo hamu na wana wake na mananu opfo mtutu Sodoma nyi akeri nuka yapfo hamu na wana wake.

HOSEA 7:1

Ambuya kiheri njikundi ichiṟa wandu wako Israeli, wuwicho wo Efraimu nyi wokekuloṟa, handu hamu na mawuto mawicho ha Samaria. Kyamba wo nyi wawuta sha wongo, miwi nyi aifunja mba tsa wandu, na wasoki nyi wasaṟikia, wandu ipfo paṟepaṟenyi.

AMOSI 6:1

Ochia lowo iwo wakeri ikyeseka na ichihiyo kiidi kya Sioni na iwa wakeri olelenyi ipfo fumvunyi lya Samaria, wandu wang'anyi kiidi kya oshari lo wandu wa mbooko iwo mba ya Israeli yekewahendia.

AMOSI 7:9

na handu hakuirie ha ko Isaki hechiwa ngafu; na handu haele ha Israeli hechinyamaṟika; na inyi njechikure njilimbane na mba ya Yeroboamu kui oshu.

AMOSI 8:14

Na iwo wekelya nyamu kui wunyamaṟi wo Samaria, na ihamba So Ruwa opfo ai na moo iyo Dani na so njia yapfo iyo Beer-sheba, nawo wechioloka, walechiidima se ikure.”

MIKA 1:13

Lanye wandu wa Lakishi, lungenyi frasi na magari ha shida. Nyo mulesanga wunyamaṟi wo wandu wa Sioni, madeko ha Waisraeli hawei konu.