MAWOOKIONYI 7:9 - Bibilia Kui Mdedie fo Kimochi

⁹ shikaida na kulya safinenyi kundu Noe ai, na wawi wawi, mii na mka, chandu Ruwa awewawasie Noe.

MAWOOKIONYI 7:9 Iomraidhean Croise

MAWOOKIONYI 2:19

Mndumii-Ruwa kaende napfo mando hai na moo ha mbaṟi tsifoi ha ngeṟenyi ahawuta ipfo terinyi na orio ilehe lya ruwehu, kaendie mnducho naambuye chandu echihadumbuya marina; orio kiumbe kii na moo, rina mnducho alekidumbuya lyikawa nlyo rina lyakyo.

MAWOOKIONYI 6:22

Nyi wudo Noe aleṟunda, isho shose chando Ruwa alemtutuma, isho nyisho aleshiṟunda.

MAWOOKIONYI 7:10

Nalyo kikawa mkonuyo mfungade yamesia mfu fo mṟinga fukacha orukenyi.

MAWOOKIONYI 7:15

Shileida na kulya safinenyi kundu Noe ai, shiwi shiwi sha orio kiwode mbihu kii na mumuyo fo moo ipfo kiidi.

MAWOOKIONYI 7:16

Shileida napfo kya kiumi na kya kika orio shiwumbe shilya Ruwa awewawasie; Mndumii kamshingia kulya mba.

MAWOOKIONYI 7:8

Na kiidi kya mando maheṟemtsu, na halya halai maheṟemtsu na malehe na shose shekekukuruo wanda,

YESAYA 65:25

Mandi-ho, shisii na machondi shechilya handu hamu, miiso yelya maṟa cha mbe; kiluli kechiwa kando ka njoka. Wechinyamaṟa ma iwaha kiidi kya fumvu lielepfo,” Mndumii ahamba.

YEREMIA 8:7

Malehe hose hakerunduka cha mbeta, mbeṟo, makuru haichi kiheri kiwaṟi isama, kyaindi wandu wako waichi mawawaso ha Mndumii-pfo.

WAGALATIA 3:28

Nkwipfo-se kohambo, ichu m Myuda na ichu m Mgrikipfo, ma isinga na isumba, ma msoṟo ma mkapfo. Kyamba nyo mui wamu mose mulunganyi na Kristo.

WAKOLOSE 3:11

Mpfondo kulawode ai Mgriki na Myuda, mdine na alamdine, o mtsudu na o nuka, isinga na isumba, indi shose nyi Kristo, o akuwode nasho shose.