LUKA 8:2 - Bibilia Kui Mdedie fo Kimochi

² Na waka wengi sa walekiṟo mṟufu mbicho na ndaaṟe nyi wawerianyi nao; nyi Maria, amlahe Magidala, nyio ulya alechiṟo mṟufu mbicho mfungade.

LUKA 8:2 Iomraidhean Croise

MATAYO 4:24

Na kiṟumi kyake kikahenda dung'ana kulya Siria kose. Wakamwendie wandu waluo wose, walya wai warohie nyi ndaaṟe tsa orio mbaṟi kawachiṟa wose.

MARIKO 16:1

Kyasia mfiri fo sabato fomeida, Maria o Magidala; Salome, na Maria mae o Yakobo wakahuṟa mdi yepfama kundu wache ishia mbihu fo Yesu.

MARIKO 16:9

Kyasia Yesu ameṟuka mfiri fo Ruwa ngamenyi otuko, kawoka ikuloṟa na Maria o Magidala, nyi ulya Yesu awembutie waṟufu wawicho mfungade wawembode.

LUKA 23:27

Kyasia mamwingi fo wandu wafoi fukamiwata numa na fo waka wechifuha na imkapia shilio.

LUKA 23:49

Na wandu walya waweichianyi nao wose, na waka walya wawemitung'atye wookia Galilaya, nyi waweehoṟoki aleshe wechiamabuya shindo-shi.

LUKA 23:55

Kyaindi waka walya wawehendesanyi nao wookia Galilaya, wakaosha-osha, wakawona opanga lulya, na mbihu foke chando fuleṟiko.

LUKA 8:30

Yesu kambesa “Rina lyapfo nyiu?” Nao kahamba, “Nyi Legionyi (isiṟi).” Kyamba awemwosose nyi waṟufu wawicho wafoi.

YOHANE 19:25

Kyasia kulya kufui na msalapa fo Yesu kuhoṟoki-ho mae, na manomae o mae, Maria o Kileopa na Maria ulya o Magidala.

MAWUTO HA WASU 1:14

Iwa wose wawekeri-ho wakuwode kuingoo imu ipfo kiterewyonyi handu hamu na waka walya na Maria mae o Yesu na wanawamae.