LUKA 8:1 - Bibilia Kui Mdedie fo Kimochi

¹ Kukashika ili numa-numa, nao kawa motengeta mamṟinyi na shimṟinyi sha wandu kechilosha na yonguo mbonyi tsiwode sia tsa wumangi wo Ruwa arianyi na walya ikumi na wawi.

LUKA 8:1 Iomraidhean Croise

MATAYO 11:1

Naho kikashika Yesu amidima iwawasa walya wa kiloshyonyi kyake ikumi na wawi, nao kakure kulya kundo akeri kahenda losha na yonguo kulya mamṟinyi hawo.

MATAYO 13:19

Orio mndu ose ili ekeicho dedo-lyo lya mbonyi tsa wumangi nalamanye, nyi ichu mbicho acha napfo karakuo-ho kilya kii kiwaaye ipfo mrimenyi koke Nyio ichu ambaye oo mbarinyi ya njia.

MATAYO 4:23

Nao kawa moida-ida kulya Galilaya kose kelosha kulya sinagogenyi tsawo, na yonguo mbonyi tsa sia tsa wumangi, na ichiṟa orio ndaaṟe tsose na wufari wose wui ipfo wandunyi.

MATAYO 9:35

Na Yesu kawa motengetatengeta kelosha kulya sinagogenyi tsawo kyechionguo mbonyi tsa sia tsa wumangi wo Ruwa kekiṟa na orio ndaṟe yose na wunyonge wose.

MARIKO 1:39

Nahong'u kacha na Galilaya kechionguo ipfo masinagonyi hawo hose na ifuna waṟufu wawicho.

LUKA 1:80

Kyasia kimana kilya kikang'ana-ng'ana, kikahenda kyechiwada pfinya ipfo mumuyonyi fokyo, nao kahenda kukaya kundu ko nuka kukatana koshika mfiri fulya echa kuloṟa na wandu wa Israeli.

LUKA 20:1

Kukashika, ili mkonu fumu kechilosha wandu kulya hekalunyi, na yonguo mbonyi tsa sia, kukacha wakohanyi, na walaanyi wa shitapu warianyi na wameeku.

LUKA 4:18

“Mumuyo fo Mndumii nyi huyako fui; cha kipfa njimshimbuo na mafuda, njihende yongoya wakiwa mbonyi tsiwode sia. Anjidumie njihende yongoya wapfungo yashuka, na wapfu meso wechiwuya iwona. Njihende ilekia iwo wai wafaṟe wakuashukie.

LUKA 9:6

Kyasia wakawewuka-ho, wakawa motengeta-tengeta mṟinyi ya wandu wechionguo mbonyi tsa sia, na ichiṟa wandu handu hose.

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 13:32

Natso nyi lui imwongoya ndumi ya sia kya kyaasa kilya waku walya wadu weinengo.

WAROMA 10:15

A wandu waongwo wada walaiwadume ngesa? Chando kiikiṟehye ke, “Apa ndifo tsa waende ndumi ya Sia chando tsaona.”