LUKA 4:2 - Bibilia Kui Mdedie fo Kimochi

² Nao mfiri iya nalelya kindopfo, yekisia, naalyo kawado nyi njaa.

LUKA 4:2 Iomraidhean Croise

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

1WAMANGI 19:8

Elia kakure, kalya, kanyo. Kiidima kachumia ohendo lo mkonu makumi hana 40, kio na mfiri, mṟasa Horebu, fumvu lya Ruwa.

ESTA 4:16

“Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

IWUKA 24:18

Mose kaida na kiidi kya ipuchi lilya, kado na fumvuhu. Mose kakapfo kulya fumvuhu mkonu makumi haana (40), mfiri na kio.

IWUKA 34:28

Nao naweipfo handu hamu na Mndumii-Ruwa mkonu 40, mfiri na kio ; alalya kelya, ma nalanyo mṟinga. Nao kaṟehia alya maṟaṟonyi, madedoho ha mkundana, na mawawasoho ikumi.

YONA 3:7

Nao kakapa ombe, kawawasa wandu wa mṟi fose fo Niniwe, kui iwawaso lya Mangi na wachili wake ke wandu wose, na orio mndu, shuma shose, mbe, mburu, machondi, nzoi walalye kando ma inyo mṟinga;

MATAYO 21:18

Ili lya ngama kewuya naide na ipfo mṟinyi kaicho njaa.

MATAYO 4:2

Kyasia ammaa ikuotoya mfiri makumi haana na shio makumi haana, kafurumia iwado nyi njaa.

LUKA 4:3

Satan kacha imbia, “Komkoya nyi ukeri mana o Ruwa lohi, kewia iho-lyo lihaluke liwe mkate nolye.”

YOHANE 4:6

Napfondo kuwei soka ya Yakobo. Na Yesu kakoya amayo nyi kyaṟo kahenda idamya kudi oo sokenyi kiheri kya saa tsiṟandaṟu tsa mfiri.

NGUMBUO YA MAWAWASO 9:18

Numa ngalaa wanda na ndeu oshangunyi lo Mndumii-Ruwa, cha lilya mawokioonyi, ko mkonu makumi haana kio na mfiri; njilelya kelya ma inyo mṟingapfo, kipfa kya wunyamaṟi wulya muwewutie. Mkawuta mawicho oshangunyi lo Mndumii-Ruwa mukamsukiṟa.

NGUMBUO YA MAWAWASO 9:25

“Ko ikyo, njilelaa na ndeu oshangunyi lo Mndumii-Ruwa mkonuyo makumi haana, kio na mfiri, kipfa Mndumii-Ruwa nawehambie ke nechikombetsa.

NGUMBUO YA MAWAWASO 9:9

Kiheri njiledo na fumvuhu iambia maṟaṟo halya ha maho sa hawei maṟehie mma Mndumii-Ruwa awewikie nanyo, njilekaapfo mfiri makumi haana (40), mfiri na kio; njilelya ma inyo kindo kyosepfo.

WAEBRANIA 2:18

Kyamba ipfo kundo alekurohya adi amonyi echihesho, nyi hondo aidima yekya walya waihesho.

WAEBRANIA 4:15

Kipfa lulawode mkohanyi mnene alawechiidima iluichio wukiwa kya wufafa wodu indi ai mheshe kui shindo shose awehianyi naso wuta-pfo wunyamaṟi.

1SAMWELI 17:16

Ko mkonu makumi haana, ngamenyi na kyukanyi Mfilisticho Goliathi nawekecha ihoṟoka na pata na itengelukia makecheṟo ha Waisraeli.