LUKA 4:18 - Bibilia Kui Mdedie fo Kimochi

¹⁸ “Mumuyo fo Mndumii nyi huyako fui; cha kipfa njimshimbuo na mafuda, njihende yongoya wakiwa mbonyi tsiwode sia. Anjidumie njihende yongoya wapfungo yashuka, na wapfu meso wechiwuya iwona. Njihende ilekia iwo wai wafaṟe wakuashukie.

LUKA 4:18 Iomraidhean Croise

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

2MBONYI TSA MAHERI 34:27

na iyoometerewa mhoṟie na ikunyiṟa oshangunyi loko, na iranduo maṟao hapfo na ilia, kiheri uleicho chandu njileteṟia ikapa Yerusalemu, na wandu wake. Ngameicho kiterewo kyapfo.

SHIIMBO SHA DAWIDI 102:20

Kundu naicho isungulula lya icho ampfunge, na ipfunguo waleteṟio ipfa.

SHIIMBO SHA DAWIDI 147:3

Nekechiṟa wekeeweṟo ngoonyi, na iwikia mdi shifaṟe shawo.

SHIIMBO SHA DAWIDI 2:2

Wamangi wa wuyana waikuteseheṟa, Na wanene wawada chila handu hamu, kipfa kya Mndumii, na Mesia oke

SHIIMBO SHA DAWIDI 2:6

Inyi nyi njilemtana mangi yako Ipfo Sioni fumvunyi lyako yele.

SHIIMBO SHA DAWIDI 34:18

Mndumii nyi ai hafui na walya wafunjikie mrima; walya wekunyiiṟa mrimenyi kawakiṟa.

SHIIMBO SHA DAWIDI 45:7

Kulekunda lohi; kosuo mbaka. Ko ikyo Ruwa, Ruwa opfo nyiakushimbuo na mafuda, Mafuda ha sia kota wodoo.

SHIIMBO SHA DAWIDI 51:17

Kidaso kya Ruwa nyi ngoo ikunyiiṟie; ngoo ikunyiiṟie na ifunjika, hoi Ruwa ochiiminapfo.

YESAYA 32:3

Ngoseṟa meso hawo walya wewona hechishingapfo, na madu ha walya weicho hechiadanyia

YESAYA 35:5

Nlyong'u meso ha kipfupfuṟe hechiambuo, na madu ha kichoi hechiṟuhuka.

YESAYA 42:7

iambuṟa meso ha shipfupfuṟe, ipfunguo wai wapfunge, iwuta walya wawedamie meemenyi mbenyi ya wapfungo.

YESAYA 45:13

Inyi njilemuira kiidi kya wulohi, inyi njechihoṟotsa njia tsake tsose; njechiwika mṟi foko, nao nalekie wandu wako walesamiṟo, kulawode itaa fesa ma iinengo kindo kya nnga,” Mndumii menyi Matorito ahamba.

YESAYA 49:9

iwia wapfungo hendenyi na iwo wai meemenyi kuloṟenyi. Wechilya kiidi kya njia, na huya maṟaṟa wechiwona maṟa.

YESAYA 50:4

“Mndumii-Ruwa nanjiinengie olimi lo iwo welosho, njimanye chando njechimbanza kui madedo ha icho awinyie, nekenjiamtsa orio mfiri kilawo, kudu koko kuicho cha wandu welosho.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 59:21

Mndumii ahamba, “Mumuyo foko fui huye yapfo na madedo hako hai dumbunyi lyapfo, hechiwuka dumbunyi lyapfo ma dumbunyi lya wana wapfo, ma dumbunyi lya wachuku wapfo-pfo, Mndumii ahamba, wokia inu itane mlungana.”

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

EZEKIELI 9:4

Nalyo Mndumii kambia, “Ncho uhende iida ipfo kiidi kya mṟi fu fo Yerusalemu, uṟehiye kitanyio oshangunyi lo orio mndu amsokie nyi fowa kipfa kya mawicho ha haiwutika kiidi kya mṟi fu.”

DANIELI 9:24

“Ambuya chandu ki kiteṟie, maka mfungade ka makumi mfungade (490) kya wandu wako, na kya mṟi foko mwele, kundu njechitirimisha wunyamaṟi na iwika ho mhoṟie njechiwutaho wukika wose na iende wukiilohi mlungana, na iwikaho ofano lo kiwonesio kya wuikimbi na ishimbuo na mafuda ichu ai mwele.

SEFANIA 3:12

Indi njechitsuhaṟa wandu waangu walya waiwawonyie na wakiwa, nawo wechiidikia na ikusiria rina lyako inyi Mndumii.

ZEKARIA 11:11

Nayo ikafunjo mkonu fulya; ko ikyo machondi halya hawei mapootse halenjiadanyia hakamanya ke idedo lyi nyi lya Mndumii.

MALAKI 4:2

Kyaindi nyo mukeri india rina lyako, mnengeṟi fo ona fochimuchea, fochiidima imuchiṟa; nyo mochicha na nja na itoola-toola cha shidahina sha mfiṟihenyi.

MATAYO 11:5

Wapfu meso a-iwang'u waiwona, na shiricheche aiwa waihenda. Na waluo saka waiheremka, wapfu madu a iwa waicho, na wapfu nyi waṟuka, na wakiwa a iwa waiongoyo mbonyi tsa sia.

MATAYO 12:18

“A ichu msoṟo oko ndesambuṟa, a mkunde nyi inyi, ichu mrima foko fu mchihie nyio. Njechimbikya Mumuyo oko nakae huye yake nao nahende ongoya wandu wa masangenyi mbonyi tsa wusumuhanyi.

MATAYO 12:20

Iṟeṟe likonoki echilifunjafo, ma orusu lo taa lui kenga echilurumishafo. Na natane aduo mbonyi tsa wusumuhanyi tsido-ho tsiwinshye.

MATAYO 4:16

Wandu wadamie memenyi wawona ngeela ing'anyi, na walya wadamie orukenyi lo maṟishe ha opfu, wawonekio nyi ngeela.”

MATAYO 5:3

“Nanga iwo wai wakiwa kui mrima, cha kifa nyiwo wumangi wo ruwehu woiwa wowo.

LUKA 4:17

Kainengio kitapu kya mwikimbi Yesaya, kekioṟowuo kitapu-kyo kakooya-pfo handu hahaṟehiye,

LUKA 6:20

Naalyo kairia meso kaambuya walya wa kiloshionyi kyake kahamba, “Wungusu nyo mui wakiwa, cha kipfa wumangi wo Ruwa nyi wui wonu!”

LUKA 7:22

Kahaluo kawawia “Kuhendyenyi muongoye Yohane ishi moicho na iwona mkawewona Wapfu meso aiwa wai iwona, wai iriteka na iwa wai ichumia, wawodo nyi saka wai iheṟemka, wapfu madu nyi wai iicho, wapfiie nyi wai iṟutso, na wakiwa wakaongoyo mbonyi tsiwode sia.

YOHANE 1:41

Andrea kawoka iwona manomae o Simon kambia, “Lombona Mesia.” (Nakyo kokihalwo kigriki nyi kimu na Kristo.)

YOHANE 12:46

Inyi nyi njicheye na kunu wuyana njikeri sa na orio mndu anjiidikye inyi kundu alakoye ikaa meemenyi.

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 26:18

Nowaambuṟe meso hawo, waindukye sa, wawuke wuitoṟinyi wo Satan wahalukye Ruwa, waambye mhoṟye fo manyamaṟo na iwada kyoṟa, kii kya walya wai wailishe kui mwidikye fonjiidikya inyi.’”

MAWUTO HA WASU 4:26

Wamangi wa wuyana watikiriana wakusanza, na waitoṟi wapfungana wakadeda kyama kyelemana na Mndumii na Kristo oke.’

MAWUTO HA WASU 4:27

Cha kipṟfa nyi lohi kunu mṟinyi fu Herode na Pontio Pilato handu hamu na wandu wa mbaṟi njihenu na wandu wa Israeli walesanza kya isinga lyapfo yele o Yesu ichu ulemshimbwo na mafuda.

WAKOLOSE 1:13

Nyio aleluletsa eluwuta wuaapfinyienyi wo meema kyechiluteteṟa kaweluwika wumanginyi wo Mana oke mkunde.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.